ಸದನದಲ್ಲಿ ಸಚಿವರ ಮಹಾಪೂರ: ಕಾಲೆಳೆದ ಪ್ರತಾಪಸಿಂಹ ನಾಯಕ್‌

Team Udayavani, Feb 23, 2024, 11:02 PM IST

ಬೆಂಗಳೂರು: ಯಾವಾಗಲೂ ಸಚಿವರ ಬರ ಇರುತಿತ್ತು. ಆದರೆ ಇಂದು ಸಚಿವರ ಮಹಾಪೂರವೇ ಇದೆ ಹೀಗೆಂದು ಬಿಜೆಪಿಯ ಪ್ರತಾಪಸಿಂಹ ನಾಯಕ್‌ ಸರಕಾರದ ಕಾಲೆಳೆದರು.

ಪ್ರಶ್ನೋತ್ತರ ಕಲಾಪದಲ್ಲಿ ಕಾರ್ಮಿಕ ಇಲಾಖೆಗೆ ಸಂಬಂಧಿಸಿದ ತಮ್ಮ ಪ್ರಶ್ನೆ ಕೇಳಲು ಎದ್ದು ನಿಂತ ಪ್ರತಾಪಸಿಂಹ ನಾಯಕ್‌, ಈ ಸದನದಲ್ಲಿ ಯಾವಾಗಲೂ ಸಚಿವರ ಬರ ಇರುತ್ತಿತ್ತು. ಆದರೆ ಇವತ್ತು ಸಚಿವರ ಮಹಾಪೂರವೇ ಇದೆ. ಪ್ರಶ್ನೆ ಕೇಳಲು ಬಹಳ ಸಂತೋಷ ಆಗುತ್ತಿದೆ ಎಂದರು.

ಅದಕ್ಕೆ ಅಲ್ಲಿ ಅಸೆಂಬ್ಲಿ ನಡೆಯುತ್ತಿಲ್ಲ, ಹಾಗಾಗಿ ಎಲ್ಲರೂ ಇಲ್ಲಿಗೆ ಬಂದಿದ್ದಾರೆ ಎಂದು ಕೆಲವು ಸದಸ್ಯರು ಹೇಳಿದರು. ಏಯ್‌ ಆ ಸಿಕ್ರೇಟ್‌ ಎಲ್ಲ ಹೇಳಬಾರದು ಎಂದು ಸಭಾಪತಿ ಬಸವರಾಜ ಹೊರಟ್ಟಿ ಹಾಸ್ಯ ಧಾಟಿಯಲ್ಲಿ ಹೇಳಿ, ಕಲಾಪ ಮುಂದುವರಿಸಿದರು. ಶುಕ್ರವಾರ ಪ್ರಶ್ನೋತ್ತರ ಕಲಾಪದ ವೇಳೆ 11ಕ್ಕೂ ಹೆಚ್ಚು ಸಚಿವರು ಸದನದಲ್ಲಿ ಹಾಜರಿದ್ದರು. ಗುರುವಾರ ಮತ್ತು ಶುಕ್ರವಾರ ಎರಡೂ ದಿನದ ಪ್ರಶ್ನೋತ್ತರ ನಡೆಯಿತು.