Shuttle Badminton: ರಾಯ್‌ ರಾಕರ್ ಗೆ ಪ್ರಶಸ್ತಿ

Team Udayavani, Feb 23, 2024, 11:40 PM IST

ಉಡುಪಿ: ಕೋಟೇಶ್ವರದ ಸಹನಾದಲ್ಲಿ ಇತ್ತೀಚೆಗೆ ನಡೆದ ಸಹನಾ ಬ್ಯಾಡ್ಮಿಂಟನ್‌ ಪ್ರೀಮಿಯರ್‌ ಲೀಗ್‌ನ ಎರಡನೇ ಆವೃತ್ತಿಯ ಶಟ್ಲ ಬ್ಯಾಡ್ಮಿಂಟನ್‌ ಪಂದ್ಯಾಟದಲ್ಲಿ ಅಲ್ವಿನ್‌ ಪಿಂಟೋ ನೇತೃತ್ವದ ರಾಯ್‌ ರಾಕರ್ ಉಡುಪಿ ತಂಡ ಪ್ರಥಮ ಸ್ಥಾನ ಗೆದ್ದು ಒಂದು ಲಕ್ಷ ರೂ. ನಗದು ಪುರಸ್ಕಾರವನ್ನು ತನ್ನದಾಗಿಸಿಕೊಂಡಿದೆ.

ಈ ಪಂದ್ಯಾಟದಲ್ಲಿ ಆರು ಫ್ರಾಂಚೈಸಿಗಳ ತಂಡಗಳು ಭಾಗವಹಿಸಿದ್ದು ಫೈನಲ್‌ನಲ್ಲಿ ರಾಯ್‌ ರಾಕರ್ ತಂಡವು ಸಹನಾ ಅಕ್ವೇಟಿಕ್‌ ಮತ್ತು ನ್ಪೋರ್ಟ್ಸ್ ಕ್ಲಬ್‌ ಕುಂದಾಪುರ ತಂಡವನ್ನು ಸೋಲಿಸಿ ಜಯ ಸಾಧಿಸಿತು. ತಂಡದಲ್ಲಿ ಆಟಗಾರರಾಗಿ ಕಾಶಿರಾಮ್‌ ಪೈ, ಚೇತನ್‌ ಕೆ.ಎನ್‌., ಪ್ರದೀಪ್‌ ಶೆಟ್ಟಿ, ಮೋಹಿತ್‌ ಡಿ’ಸಿಲ್ವ, ಅನುಷಾ ಪೂಜಾರಿ, ಶೆಲ್ಡನ್‌ ಪಿಂಟೋ, ವಾಸುಕೀ, ಅಶೋಕ್‌, ರಾಜೇಶ್‌ ಪೈ, ಪ್ರಕಾಶ್‌ ಭಟ್‌, ಕೃಷ್ಣ, ಸಾಯಿರಾಜ್‌, ಯೋಗೀಶ್‌, ಸುರೇಶ್‌, ಬಿಂದುಶ್ರೀ, ವೇದಿಕಾ, ಜಯಶ್ರೀ ಭಾಗವಹಿಸಿದ್ದರು.