IIT; ಸಂಬಾರ ಪದಾರ್ಥದಿಂದ ಕ್ಯಾನ್ಸರ್‌ಗೆ ಶೀಘ್ರ ಚಿಕಿತ್ಸೆ?

Team Udayavani, Feb 26, 2024, 6:30 AM IST

ಹೊಸದಿಲ್ಲಿ: ಮದ್ರಾಸ್‌ ಐಐಟಿ (ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್ ಟೆಕ್ನಾಲಜಿ) ಸಂಶೋಧಕರು ಮಹತ್ವದ ಸಾಧನೆ ಮಾಡಿದ್ದಾರೆ. ಭಾರತೀಯ ಸಂಬಾರ ಪದಾರ್ಥಗಳನ್ನು, ಕ್ಯಾನ್ಸರ್‌ ಚಿಕಿತ್ಸೆಗೆ ಪರಿಣಾಮಕಾರಿಯಾಗಿ ಬಳಸುವ ಕುರಿತು ಸಂಶೋಧನೆ ಮಾಡಿರುವ ಅವರು, ಆ ಸಂಬಂಧ ಪೇಟೆಂಟ್‌ಗಳನ್ನು ಪಡೆದುಕೊಂಡಿದ್ದಾರೆ.

ಈ ಔಷಧವು 2028ಕ್ಕೆ ಮಾರುಕಟ್ಟೆಗೆ ಬರುವ ಸಾಧ್ಯತೆಯಿದೆ. ಭಾರತದ ಸಂಬಾರ ಪದಾರ್ಥಗಳಿಂದ ಪಡೆದುಕೊಂಡ ನ್ಯಾನೋ ಔಷಧಗಳು, ಕ್ಯಾನ್ಸರ್‌ ಪ್ರತಿರೋಧಕ ಶಕ್ತಿಯನ್ನು ಹೊಂದಿರುವುದು ಪತ್ತೆಯಾಗಿದೆ. ಶ್ವಾಸಕೋಶ, ಸ್ತನ, ಕರುಳು, ಗರ್ಭಕೋಶ, ಮೌಖೀಕ, ಥೈರಾಯ್ಡ ಕೋಶಗಳ ಕ್ಯಾನ್ಸರ್‌ ನಿಗ್ರಹಕ್ಕೆ ಇವು ಸಹಾಯ ಮಾಡುವ ನಿರೀಕ್ಷೆಯಿದೆ. ಈ ಹಿನ್ನೆಲೆಯಲ್ಲಿ ತಮ್ಮ ಸಂಶೋಧನೆಗಳನ್ನು ಮುಂದಿಟ್ಟು ಪೇಟೆಂಟ್‌ ಪಡೆದುಕೊಂಡಿದ್ದಾರೆ.

ಸದ್ಯ ಐಐಟಿ ಸಂಶೋಧಕರು, ಔಷಧದ ಸುರಕ್ಷತೆ ಮತ್ತು ಖರ್ಚಿನ ಸವಾಲುಗಳನ್ನು ನಿಭಾ ಯಿಸಲು ಲೆಕ್ಕಾಚಾರ ಮಾಡುತ್ತಿದ್ದಾರೆ. ಇದಕ್ಕೆ ಸಂಬಂಧಿಸಿದಂತೆ ಪ್ರಾಣಿಗಳ ಮೇಲೆ ಔಷಧವನ್ನು ಪ್ರಯೋಗ ಮಾಡಲಾಗಿದೆ. ವೈದ್ಯಕೀಯ ಪರೀಕ್ಷೆಗಳನ್ನೂ ಮಾಡಲಾಗುತ್ತಿದೆ.