Crime News;ಕಾಸರಗೋಡು ಭಾಗದ ಅಪರಾಧ ಸುದ್ದಿಗಳು

Team Udayavani, Feb 27, 2024, 9:11 PM IST

ನಾಲ್ವರ ಕೊಲೆ ಆರೋಪಿ ದೋಷಮುಕ್ತ
ಕಾಸರಗೋಡು: ಪೈವಳಿಕೆ ಕನ್ಯಾಲದ ಒಂದೇ ಕುಟುಂಬದ ನಾಲ್ವರನ್ನು ಕೊಲೆಗೈದ ಆರೋಪಿಯನ್ನು ನ್ಯಾಯಾಲಯ ಖುಲಾಸೆಗೊಳಿಸಿ ತೀರ್ಪು ನೀಡಿದೆ.

ಮಂಜೇಶ್ವರ ಪೊಲೀಸ್‌ ಠಾಣೆ ವ್ಯಾಪ್ತಿಯ ಉದಯ ಕುಮಾರ್‌(44) ನನ್ನು ಕಾಸರಗೋಡು ಅಡಿಶನಲ್‌ ಜಿಲ್ಲಾ ಸೆಶನ್ಸ್‌ ನ್ಯಾಯಾಲಯ (3) ಖುಲಾಸೆಗೊಳಿಸಿದೆ. ಮಾನಸಿಕ ಅಸ್ವಾಸ್ಥ್ಯದ ಹಿನ್ನೆಲೆಯಲ್ಲಿ ಖುಲಾಸೆಗೊಳಿಸಿದ್ದು, ಮಾನಸಿಕ ಆರೋಗ್ಯ ಕೇಂದ್ರಕ್ಕೆ ಕಳುಹಿಸಲು ತೀರ್ಪಿನಲ್ಲಿ ತಿಳಿಸಿದೆ.

2020 ಆ. 3ರಂದು ಸಂಜೆ ಬಾಬು ಅಡಿಗ (70), ವಿಟು (65), ಸದಾಶಿವ (58) ಮತ್ತು ದೇವಕಿ (50) ಅವರನ್ನು ಕೊಲೆಗೈಯಲಾಗಿತ್ತು.

ಬೈಕ್‌ ಕಳವು
ಕಾಸರಗೋಡು: ಕಾಸರಗೋಡು ರೈಲು ನಿಲ್ದಾಣದ ಹೊರಗಡೆ ನಿಲುಗಡೆಗೊಳಿಸಿದ ಮಲಪ್ಪುರಂ ನಿವಾಸಿ ಹಾಗೂ ಚೆಮ್ನಾಡ್‌ ಮೇಲ್ಪರಂಬದ ಸಂಸ್ಥೆಯೊಂದರಲ್ಲಿ ದುಡಿಯುತ್ತಿರುವ ಸಿರಾಜ್‌ ಅವರ ಬೈಕ್‌ನ್ನು ಕಳವು ಮಾಡಲಾಗಿದೆ. ಈ ಬಗ್ಗೆ ಕಾಸರಗೋಡು ಪೊಲೀಸರಿಗೆ ದೂರು ನೀಡಲಾಗಿದೆ.

ಮದ್ಯ ಸಹಿತ ಸ್ಕೂಟರ್‌ ವಶಕ್ಕೆ
ಕಾಸರಗೋಡು: ನಗರದ ಬೀರಂತಬೈಲ್‌ ಲಕ್ಷಿ$¾àವೆಂಕಟೇಶ ರಸ್ತೆ ಬಳಿ ಕಾಸರಗೋಡು ಅಬಕಾರಿ ದಳ ನಡೆಸಿದ ಕಾರ್ಯಾಚರಣೆಯಲ್ಲಿ ಸ್ಕೂಟರ್‌ನಲ್ಲಿ ಸಾಗಿಸುತ್ತಿದ್ದ 6.12 ಲೀಟರ್‌ ಮದ್ಯವನ್ನು ವಶಪಡಿಸಿಕೊಳ್ಳಲಾಗಿದೆ. ಈ ಸಂಬಂಧ ಅಡ್ಕತ್ತಬೈಲ್‌ ಅರ್ಜಾಲ್‌ ಹೌಸ್‌ನ ಅನಿಲ್‌ ಕುಮಾರ್‌ ವಿರುದ್ಧ ಕೇಸು ದಾಖಲಿಸಿದೆ.

ಹಲ್ಲೆ ಪ್ರಕರಣ: ಆರೋಪಿಗೆ ನ್ಯಾಯಾಂಗ ಬಂಧನ
ಮಂಜೇಶ್ವರ: ಮಂಜೇಶ್ವರ ರೈಲು ನಿಲ್ದಾಣದಲ್ಲಿ ಮೇಲ್ಪರಂಬ ನಿವಾಸಿ ಉಬೈದ್‌ (52) ಅವರಿಗೆ ಹಲ್ಲೆ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿ ಮಂಜೇಶ್ವರ ಪೊಲೀಸರು ಬಂಧಿಸಿದ ಉಪ್ಪಳ ಕೋಡಿಬೈಲು ನಿಯಾಸ್‌ ಮಂಜಿಲ್‌ನ ನಿಯಾಸ್‌ (33) ಗೆ ನ್ಯಾಯಾಂಗ ಬಂಧನ ವಿಧಿಸಿದೆ.

ಮಟ್ಕಾ ದಂಧೆ: ಬಂಧನ
ಕಾಸರಗೋಡು: ಪಾಡಿ ಗ್ರಾಮದ ಎಡನೀರು ಬಸ್‌ ನಿಲ್ದಾಣ ಪರಿಸರದಲ್ಲಿ ಮಟ್ಕಾ ದಂಧೆಯಲ್ಲಿ ನಿರತನಾಗಿದ್ದ ಎಡನೀರಿನ ಕೆ. ಕಮಲಾಕ್ಷ (56)ನನ್ನು ವಿದ್ಯಾನಗರ ಪೊಲೀಸರು ಬಂಧಿಸಿದ್ದಾರೆ. ಈತನಿಂದ 1,080 ರೂ. ವಶಪಡಿಸಿಕೊಂಡಿದ್ದಾರೆ.

ಅಕ್ರಮ ಮರಳು ಸಾಗಾಟ ವಶಕ್ಕೆ
ಕುಂಬಳೆ: ಟಿಪ್ಪರ್‌ ಲಾರಿಯಲ್ಲಿ ಸಾಗಿಸುತ್ತಿದ್ದ ಮರಳನ್ನು ಕುಂಬಳೆ ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಈ ಸಂಬಂಧ ಟಿಪ್ಪರ್‌ ಮಾಲಕ ವಳಯಂ ಕೆ.ಕೆ. ಹೌಸಿನ ಆಲಿಕುಂಞಿ (36) ಮತ್ತು ಚಾಲಕ ಕರ್ನಾಟಕ ನಿವಾಸಿ, ಬಾಯಾರಿನಲ್ಲಿ ವಾಸಿಸುವ ಅಬ್ದುಲ್‌ ಮುನೀರ್‌ (23) ವಿರುದ್ಧ ಪೊಲೀಸರು ಕೇಸು ದಾಖಲಿಸಿದ್ದಾರೆ.