Theft Case ಗಂಗೊಳ್ಳಿ: ಸಾವಿರಾರು ರೂ. ಮೌಲ್ಯದ ಅಡಿಕೆ ಕಳವು

Team Udayavani, Feb 27, 2024, 9:18 PM IST

ಗಂಗೊಳ್ಳಿ: ಮನೆಯ ಸಿಟೌಟ್‌ ಬಳಿ ಇರಿಸಿದ್ದ ಅಡಿಕೆ ತುಂಬಿದ ಚೀಲಗಳನ್ನು ಕಳವುಗೈದ ಕುರಿತು ನೂಜಾಡಿ ಗ್ರಾಮದ ಡಾ| ಚಂದ್ರಶೇಖರ ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ.

ಅಂದಾಜು 90 ಸಾವಿರ ರೂ. ಮೌಲ್ಯದ 160 ಕೆ.ಜಿ. ಅಡಿಕೆಯನ್ನು 4 ಚೀಲಗಳಲ್ಲಿ ತುಂಬಿಸಿ ಇಟ್ಟಿದ್ದು, ಬೆಳಗ್ಗೆ ನೋಡಿದಾಗ ಯಾರೋ ಕಳವು ಮಾಡಿದ್ದು ತಿಳಿದುಬಂದಿದೆ. ಕಳ್ಳತನಕ್ಕೆ ಸಂಬಂಧಿಸಿ ಸುದೇಶ ಮತ್ತು ನಾಗೇಶ ಅವರ ಮೇಲೆ ಅನುಮಾನವಿದೆ ಎಂದು ಪ್ರಕರಣ ದಾಖಲಾಗಿದೆ.

ಗಂಗೊಳ್ಳಿ: ಮಹಿಳೆ ಆತ್ಮಹತ್ಯೆ
ಗಂಗೊಳ್ಳಿ: ನಾಡ ಗ್ರಾಮದ ಶಾಂತಿ (43) ಅವರು ಮನೆಯಲ್ಲಿ ಒಂಟಿಯಾಗಿ ವಾಸಿಸುತ್ತಿದ್ದು, ಜೀವನದಲ್ಲಿ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಮೃತರ ಪತಿ ಜಾನ್‌ ನೀಡಿದ ದೂರಿನಂತೆ ಪ್ರಕರಣ ದಾಖಲಾಗಿದೆ.