Unemployment: ಮೋದಿ ದುರಾಡಳಿತದಿಂದ ಭಾರತದಲ್ಲಿ ಪಾಕ್‌ಗಿಂತ 2 ಪಟ್ಟು ನಿರುದ್ಯೋಗ: ರಾಗಾ

Team Udayavani, Mar 4, 2024, 9:59 AM IST

ಭೋಪಾಲ್‌: ಪ್ರಧಾನಿ ನರೇಂದ್ರ ಮೋದಿ ಅವರ ದುರಾಡಳಿತ­ದಿಂದ ಭಾರತವು ಪಾಕಿಸ್ಥಾನ, ಬಾಂಗ್ಲಾದೇಶ, ಭೂತನ್‌ಗಿಂತ ಹಿಂದೆ ಬಿದ್ದಿದೆ ಎಂದು ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ವಾಗ್ಧಾಳಿ ನಡೆಸಿದ್ದಾರೆ.

ಮಧ್ಯಪ್ರದೇಶದ ಗ್ವಾಲಿಯರ್‌ನಲ್ಲಿ ರವಿವಾರ ಭಾರತ್‌ ಜೋಡೋ ನ್ಯಾಯ ಯಾತ್ರೆಯ 50ನೇ ದಿನದ ಕಾರ್ಯಕ್ರಮದಲ್ಲಿ ಮಾಜಿ ಸೈನಿಕರು, ಅಗ್ನಿವೀರರ ಜತೆ ಅವರು ಚರ್ಚೆ ನಡೆಸಿದರು.

ನೋಟು ಅಮಾನ್ಯ, ಜಿಎಸ್‌ಟಿ ಜಾರಿಯಿಂದ ಸಣ್ಣ ಉದ್ದಿಮೆಗಳನ್ನು ನರೇಂದ್ರ ಮೋದಿ ನಾಶಪಡಿಸಿದ್ದಾರೆ. ಹೀಗಾಗಿ, 40 ವರ್ಷಗಳಿಗೆ ಹೋಲಿಕೆ ಮಾಡಿದರೆ, ದೇಶದಲ್ಲಿ ನಿರುದ್ಯೋಗ ಪ್ರಮಾಣ ಹೆಚ್ಚಾಗಿದೆ. ಅಷ್ಟೇ ಏಕೆ ಪಾಕಿಸ್ಥಾನಕ್ಕಿಂತ ಡಬಲ್‌ ನಿರುದ್ಯೋಗಿ ಯುವಕರಿದ್ದಾರೆ. ನೆರೆಯ ದೇಶಗಳಾಗಿರುವ ಬಾಂಗ್ಲಾದೇಶ, ಭೂತಾನ್‌ಗಿಂತಲೂ ನಮ್ಮಲ್ಲೇ ಹೆಚ್ಚು ಕೆಲಸವಿಲ್ಲದವರು ಇದ್ದಾರೆ ಎಂದಿದ್ದಾರೆ.

ಇದನ್ನೂ ಓದಿ: Video: ಆಹಾರ ಅರಸಿ ಬಂದು ಮಡಕೆಯೊಳಗೆ ತಲೆ ಹಾಕಿ ಐದು ಗಂಟೆಗಳ ಕಾಲ ಒದ್ದಾಡಿದ ಚಿರತೆ…