![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
The End; ಕನ್ನಡಕ್ಕೊಬ್ಬ ಸೂಪರ್ ಹೀರೋ
Team Udayavani, Mar 10, 2024, 4:30 PM IST
![The End; ಕನ್ನಡಕ್ಕೊಬ್ಬ ಸೂಪರ್ ಹೀರೋ](https://www.udayavani.com/wp-content/uploads/2024/03/the-end-620x342.jpg)
“ಸ್ಪೈಡರ್ ಮ್ಯಾನ್’ನಂತಹ ಸೂಪರ್ ಮ್ಯಾನ್ ಅಥವಾ ಸೂಪರ್ ಹೀರೋ ಸಿನಿಮಾಗಳು ಕನ್ನಡದಲ್ಲಿ ಬಂದಿದ್ದು ತುಂಬ ವಿರಳ. ಇಂಥ ವಿರಳ ಸಿನಿಮಾಗಳ ಸಾಲಿಗೆ ಕನ್ನಡದಲ್ಲಿ ಹೊಸ ಈಗ ಸಿನಿಮಾವೊಂದು ಸೇರ್ಪಡೆಯಾಗುತ್ತಿದೆ. ಆ ಸಿನಿಮಾದ ಹೆಸರೇ “ದಿ ಎಂಡ್’.
ಚಿತ್ರತಂಡವೇ ಹೇಳಿಕೊಂಡಿರುವಂತೆ “ದಿ ಎಂಡ್’ ಮೈಥಾಲಜಿ ವಿಷಯವನ್ನು ಆಧಾರವಾಗಿಟ್ಟುಕೊಂಡು ಅದನ್ನು ಇಂದಿನ ಕಾಲಮಾನಕ್ಕೆ ತಕ್ಕಂಥ ಕಥೆಯಾಗಿಸಿ ಸಿನಿಮಾ ರೂಪದಲ್ಲಿ ತೆರೆಮೇಲೆ ತರಲಾಗುತ್ತಿದೆಯಂತೆ. ಈಗಾಗಲೇ ಸದ್ದಿಲ್ಲದೆ ಬಹುತೇಕ ಕೆಲಸಗಳನ್ನು ಪೂರ್ಣಗೊಳಿಸಿರುವ ಸದ್ಯ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳಲ್ಲಿ ನಿರತವಾಗಿರುವ “ದಿ ಎಂಡ್’ ಸಿನಿಮಾದ ಮೊದಲ ಹಾಡು ಮಹಾಶಿವರಾತ್ರಿಯ ಹಬ್ಬದ ಸಂದರ್ಭದಲ್ಲಿ ಬಿಡುಗಡೆಯಾಗಿದೆ.
“ದಿ ಎಂಡ್’ ಸಿನಿಮಾದ ಹಾಡುಗಳಿಗೆ ಅರುಣ್ ಆ್ಯಂಡ್ರಿವ್ ಸಂಗೀತ ಸಂಯೋಜಿಸಿದ್ದು, ಸಿನಿಮಾದ ಮೊದಲ ಹಾಡನ್ನು ಫಿಲಂ ಚೇಂಬರ್ನ ಮಾಜಿ ಉಪಾಧ್ಯಕ್ಷ ಶಿಲ್ಪಾ ಶ್ರೀನಿವಾಸ್, ನಿರ್ಮಾಪಕರಾದ ಧರ್ಮಶ್ರೀ ಮಂಜುನಾಥ್, ಮಂಜುನಾಥ್. ಡಿ, ವೆಂಕಟೇಶ್ ಮತ್ತಿತರ ಗಣ್ಯರ ಸಮ್ಮುಖದಲ್ಲಿ ಬಿಡುಗಡೆಯಾಯಿತು.
“ಪುನರ್ವ ಫಿಲಂಸ್’ ಬ್ಯಾನರ್ನಲ್ಲಿ ಪವನ್ ಕುಮಾರ್ ನಿರ್ದೇಶನ ಮಾಡಿರುವ “ದಿ ಎಂಡ್’ ಸಿನಿಮಾದಲ್ಲಿ ರವಿಶೇಖರ್ ಸೂಪರ್ ಹೀರೋ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ಪವಿತ್ರಾ ರಾಜ್, ಕೆ. ಎಸ್. ಶ್ರೀಧರ್, ದಿನೇಶ್ ಮಂಗಲೂರು ಮುಂತಾದವರು “ದಿ ಎಂಡ್’ ಸಿನಿಮಾದ ಇತರ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.
“ದಿ ಎಂಡ್’ ಸಿನಿಮಾಕ್ಕೆ ರಮೇಶ್ ಕೊಯಿರಾ ಛಾಯಾಗ್ರಹಣ, ರವೀಶ್ ಆತ್ಮಾರಾಮ್ ಸಂಕಲನವಿದೆ. ಸದ್ಯ ಅಂತಿಮ ಹಂತದ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳಲ್ಲಿ ನಿರತವಾಗಿರುವ “ದಿ ಎಂಡ್’ ಸಿನಿಮಾವನ್ನು ಇದೇ ಮೇ ತಿಂಗಳಿನಲ್ಲಿ ತೆರೆಗೆ ತರುವ ಯೋಚನೆಯಲ್ಲಿದೆ ಚಿತ್ರತಂಡ.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.