10 ಕೋಟಿ ಬಜೆಟ್‌ 100 ಕೋಟಿ ಗಳಿಕೆ: 3 ವಾರ ಕಳೆದರೂ ಕಡಿಮೆ ಆಗಿಲ್ಲʼManjummel Boysʼ ಕ್ರೇಜ್

Team Udayavani, Mar 11, 2024, 12:03 PM IST

ಕೊಚ್ಚಿ: ಮಾಲಿವುಡ್‌ ಸಿನಿರಂಗ ಈ ವರ್ಷ ಡ್ರೀಮ್‌ ಸ್ಟಾರ್ಟ್‌ ಪಡೆದುಕೊಂಡಿದೆ. ಇತ್ತೀಚೆಗೆ ತೆರೆಕಂಡಿರುವ ಮಾಲಿವುಡ್‌ ಸಿನಿಮಾಗಳು ಸತತ ಹಿಟ್‌ ಆಗುವುದರ ಜೊತೆಗೆ ಬಾಕ್ಸ್‌ ಆಫೀಸ್‌ ನಲ್ಲಿ ಭರ್ಜರಿ ಕಮಾಯಿ ಮಾಡಿದೆ.

ʼಬ್ರಹ್ಮಯುಗಂʼ ‘ಅನ್ವೇಷಿಪ್ಪಿನ್ ಕಂಡೆತುಂ’ ʼಪ್ರೇಮಲುʼ ಸಿನಿಮಾಗಳು ಈ ವರ್ಷವೇ ತೆರಕಂಡಿದೆ. ಈ ಮೂರು ಸಿನಿಮಾಗಳು ಮಾಲಿವುಡ್‌ ಮಾತ್ರವಲ್ಲದೆ ಇತರೆ ಸಿನಿವಲಯದ ಪ್ರೇಕ್ಷಕರನ್ನು ಸೆಳದಿದೆ. ಇದರೊಂದಿಗೆ ಬಂದಿರುವ ನೈಜಕಥೆ ಆಧಾರಿತ ‘ಮಂಜುಮ್ಮೆಲ್‌ ಬಾಯ್ಸ್’. ಈ ಮೇಲಿನ ಮೂರು ಸಿನಿಮಾಗಳನ್ನು ದಾಟಿ ಥಿಯೇಟರ್‌ ನಲ್ಲಿ ಸಖತ್‌ ಮಾಡಿದೆ.

‘ಮಂಜುಮ್ಮೆಲ್‌ ಬಾಯ್ಸ್’ 2006 ರಲ್ಲಿ ಕೊಡೈಕೆನಾಲ್‌ನಲ್ಲಿ ನಡೆದ ನೈಜ ಕಥೆಯನ್ನು ಆಧರಿಸಿ ತಯಾರಾದ ಸಿನಿಮಾ. ಗೆಳೆಯರು ಸೇರಿಕೊಂಡು ‘ಗುಣಾ ಕೇವ್ಸ್’ ಗೆ ಹೋಗುತ್ತಾರೆ. ಇವರಲ್ಲಿ ಒಬ್ಬ ಆಳದ ಪ್ರಪಾತಕ್ಕೆ ಬೀಳುತ್ತಾನೆ. ಆ ಬಳಿಕ ಏನೆಲ್ಲಾ ನಡೆಯತ್ತದೆ. ಹೇಗೆ ಆ ಯುವಕನ ರಕ್ಷಣೆ ಆಗುತ್ತದೆ ಎನ್ನುವುದನ್ನು ರೋಚಕವಾಗಿ ಸಿನಿಮಾದಲ್ಲಿ ತೋರಿಸಲಾಗಿದೆ. ಛಾಯಗ್ರಹಣ,ಹಿನ್ನೆಲೆ ಸಂಗೀತ ಹಾಗೂ ನಟರ ಅಭಿನಯದಿಂದ ಸಿನಿಮಾ ಪ್ರೇಕ್ಷಕರಿಗೆ ಸಂಪೂರ್ಣ ಮನರಂಜನೆ ನೀಡುತ್ತದೆ.

ಈ ಸಿನಿಮಾ 10 ಕೋಟಿ ರೂ.ಬಜೆಟ್‌ ನಲ್ಲಿ ತಯಾರಾಗಿದೆ ಎನ್ನಲಾಗಿದೆ. ಆದರೆ ಬಾಕ್ಸ್‌ ಆಫೀಸ್‌ ನಲ್ಲಿ 100 ಕೋಟಿಗೂ ಅಧಿಕ ಕಲೆಕ್ಷನ್‌ ಮಾಡಿದೆ. ಆ ಮೂಲಕ ʼ2018ʼ ಸಿನಿಮಾದ ಬಳಿಕ 100 ಕೋಟಿ ದಾಟಿದ ಎರಡನೇ ಸಿನಿಮಾವಾಗಿ ‘ಮಂಜುಮ್ಮೆಲ್‌ ಬಾಯ್ಸ್’ ಹೊರಹೊಮ್ಮಿದೆ.

ಕೇರಳಕ್ಕಿಂತ ಈ ಸಿನಿಮಾ ತಮಿಳುನಾಡಿನಲ್ಲಿ ಅತೀ ಹೆಚ್ಚು ಗಳಿಕೆ ಕಂಡಿದೆ. ಇತ್ತ ಕರ್ನಾಟಕದಲ್ಲಿ ಕಲೆಕ್ಷನ್‌ ವಿಚಾರದಲ್ಲಿ ‘ಮಂಜುಮ್ಮೆಲ್‌ ಬಾಯ್ಸ್’ ಹಿಂದೆ ಬಿದ್ದಿಲ್ಲ.

ಇಂಡಿಯನ್‌ ಬಾಕ್ಸ್‌ ಆಫೀಸ್‌ ಗಳಿಕೆ:

ಮೊದಲ ವಾರ: 32 ಕೋಟಿ ರೂ.

ಎರಡನೇ ವಾರ: 45.25 ಕೋಟಿ ರೂ.

3ನೇ ಶುಕ್ರವಾರ: 6.75 ಕೋಟಿ ರೂ.

3ನೇ ಶನಿವಾರ: ರೂ. 10 ಕೋಟಿ ರೂ.

3ನೇ ಭಾನುವಾರ: 10.50 ಕೋಟಿ ರೂ.

ಒಟ್ಟು: 104.50 ಕೋಟಿ ಒಟ್ಟು ರೂ.

ಯಾವ ರಾಜ್ಯದಲ್ಲಿಎಷ್ಟು ಗಳಿಕೆ?:

ಕೇರಳ: 52.75 ಕೋಟಿ ರೂ.

ಕರ್ನಾಟಕ: 9.25 ಕೋಟಿ ರೂ.

ತಮಿಳುನಾಡು: 39.75 ಕೋಟಿ ರೂ.