Bigg Boss Malayalam 6ನೇ ಸೀಸನ್‌ ಶುರು: ಇವರೇ ನೋಡಿ ಈ ಬಾರಿಯ ಸ್ಪರ್ಧಿಗಳು..

Team Udayavani, Mar 11, 2024, 1:43 PM IST

ಕೊಚ್ಚಿ: ಭಾರತದ ಬಹುತೇಕ ಭಾಷೆಗಳಲ್ಲಿರುವ ಜನಪ್ರಿಯ ಟಿವಿ ಶೋ ಬಿಗ್‌ ಬಾಸ್‌ ಬಗ್ಗೆ ಪ್ರತ್ಯೇಕವಾಗಿ ಪರಿಚಯ ಮಾಡಿಕೊಡಬೇಕಾಗಿಲ್ಲ. ನಾನಾ ಭಾಷೆಯಲ್ಲಿ ಬಿಗ್‌ ಬಾಸ್‌ ಕಾರ್ಯಕ್ರಮ ಪ್ರಸಾರವಾಗುತ್ತದೆ. ಆಯಾ ಭಾಗದ ಸಲೆಬ್ರಿಟಿಗಳು ಹಾಗೂ ಸೋಶಿಯಲ್‌ ಮೀಡಿಯಾ ತಾರೆಗಳು, ಇದರೊಂದಿಗೆ ಒಂದಷ್ಟು ವಿವಾದಗಳಿಂದ ಸುದ್ದಿಯಾಗುವವರು ಸ್ಪರ್ಧಿಗಳಾಗಿ ಬಿಗ್‌ ಬಾಸ್‌ ನಲ್ಲಿ ಕಾಣಿಸಿಕೊಳ್ಳುತ್ತಾರೆ.

ಮಲಯಾಳಂನಲ್ಲೂ ಬಿಗ್‌ ಬಾಸ್‌ ಕಾರ್ಯಕ್ರಮ ಜನಪ್ರಿಯವಾಗಿದೆ. ಇದರ 6ನೇ ಸೀಸನ್‌ ಭಾನುವಾರ(ಮಾ.10 ರಂದು) ಶುರುವಾಗಿದೆ. ʼಬಿಗ್ ಬಾಸ್ ಮಲಯಾಳಂ 6ʼ ಕಾರ್ಯಕ್ರಮವನ್ನು ಮೋಹನ್‌ ಲಾಲ್‌ ಅವರು ಹಿಂದಿನ ಬಾರಿಯಂತೆ ಈ ಬಾರಿಯೂ ನಡೆಸಿಕೊಳ್ಳಲಿದ್ದಾರೆ.

ದೊಡ್ಮನೆ ಒಳಗೆ ಹೋದ 19 ಸ್ಪರ್ಧಿಗಳ ಪಟ್ಟಿ ಇಲ್ಲಿದೆ..  

ಅನ್ಸಿಬಾ ಹಾಸನ್: ಖ್ಯಾತ ನಟಿ ಅನ್ಸಿಬಾ ಹಾಸನ್ ಮಲಯಾಳಂ ಬಿಗ್ ಬಾಸ್ ಆರನೇ ಸೀಸನ್‌ನಲ್ಲಿ ಮೊದಲ ಸ್ಪರ್ಧಿಯಾಗಿ ಮನೆಯೊಳಗೆ ಪ್ರವೇಶ ಮಾಡಿದ್ದಾರೆ. ಇವರು ʼದೃಶ್ಯಂʼ ಸಿನಿಮಾದಲ್ಲಿ ಮೋಹನ್‌ಲಾಲ್ ಅವರ ಹಿರಿಯ ಮಗಳಾಗಿ ಕಾಣಿಸಿಕೊಂಡಿದ್ದರು.

ಜಿಂಟೋ: ಅಂತಾರಾಷ್ಟ್ರೀಯ ಬಾಡಿಬಿಲ್ಡರ್ ಮತ್ತು ಸೆಲೆಬ್ರಿಟಿ ವೈಯಕ್ತಿಕ ತರಬೇತುದಾರಾಗಿರುವ ಜಿಂಟೋ ಅವರು ಎರಡನೇ ಸ್ಪರ್ಧಿಯಾಗಿ ಬಿಗ್‌ ಬಾಸ್‌ ಗೆ ಎಂಟ್ರಿ ಆಗಿದ್ದಾರೆ.

ಯಮುನಾ ರಾಣಿ: ಬಿಗ್ ಬಾಸ್ ಮನೆಗೆ ಮೂರನೇ ಸ್ಪರ್ಧಿಯಾಗಿ ಖ್ಯಾತ ಕಿರುತೆರೆ ನಟಿ ಯಮುನಾ ರಾಣಿ ಅವರು ಪ್ರವೇಶ ಮಾಡಿದ್ದಾರೆ. ಇವರು. ‘ಇಟ್ಟಿಮನಿ ಮೇಡ್ ಇನ್ ಚೈನಾ’, ‘ಮೀಸಮಾಧವನ್’ ಮುಂತಾದ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ.

ರಿಷಿ ಎಸ್ ಕುಮಾರ್: ಕೇರಳ ಕಿರುತರೆಯಲ್ಲಿ ಬಹುತೇಕ ವೀಕ್ಷಕರಿಗೆ ರಿಷಿ ಕುಮಾರ್‌ ಮುಖ ಪರಿಚಯವಿದೆ. ಧಾರಾವಾಹಿಗಳಲ್ಲಿ ಹೆಸರು ಮಾಡಿರುವ ಅವರು ʼ ಉಪ್ಪುಂ ಮುಳಕುಂʼ ಶೋನಿಂದ ಜನಪ್ರಿಯರಾಗಿದ್ದಾರೆ.

ಜಾಸ್ಮಿನ್ ಜಾಫರ್:  ಬಿಗ್ ಬಾಸ್ ಮಲಯಾಳಂ ಸೀಸನ್ 6 ರಲ್ಲಿ ಸಾಮಾಜಿಕ ಮಾಧ್ಯಮದ ಪ್ರಭಾವಿ ಮತ್ತು ಸೌಂದರ್ಯ ಬ್ಲಾಗರ್ ಜಾಸ್ಮಿನ್ ಜಾಫರ್ ಐದನೇ ಸ್ಪರ್ಧಿ ಆಗಿ ಮನೆಯೊಳಗೆ ಎಂಟ್ರಿ ಆಗಿದ್ದಾರೆ.

ಸಿಜೋ ಜಾನ್: ಶಿಕ್ಷಕನಿಂದ ಯೂಟ್ಯೂಬರ್‌ ಆದ ಸಿಜೋ ಜಾನ್‌ ತನ್ನ ʼಸಿಜೋಟಾಕ್ಸ್‌ʼ ಯೂಟ್ಯೂಬ್‌ ಚಾನೆಲ್‌ ನಿಂದ ಫೇಮ್‌ ಆಗಿದ್ದಾರೆ. ಒಂದು ವೇಳೆ ಕಾರ್ಯಕ್ರಮ ಗೆದ್ದರೆ ಅದರಿಂದ ಬರುವ ಹಣದಿಂದ ಅವರು ಬ್ಯುಸಿನೆಸ್‌ ಆರಂಭಿಸುವುದಾಗಿ ವೇದಿಕೆಯಲ್ಲಿ ಹೇಳಿದ್ದಾರೆ.

ಶ್ರೀತು ಕೃಷ್ಣನ್: ಜನಪ್ರಿಯ ಕಿರುತೆರೆ ನಟಿಯಾಗಿರುವ ಶ್ರೀತು ಕೃಷ್ಣನ್‌ ಬಿಗ್ ಬಾಸ್ ಮನೆಯಲ್ಲಿ ಏಳನೇ ಸ್ಪರ್ಧಿಯಾಗಿ ಎಂಟ್ರಿ ಆಗಿದ್ದಾರೆ. ತಮಿಳು ಮತ್ತು ಮಲಯಾಳಂನಲ್ಲಿ ಕಿರುತರೆಯಲ್ಲಿ ಅವರು ಖ್ಯಾತರಾಗಿದ್ದಾರೆ. ʼಅಮ್ಮಯಾರಿಯಾತೆʼ ಧಾರಾವಾಹಿಯಿಂದ ಅವರು ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ.

ಜಾನ್ಮೋನಿ ದಾಸ್:  ಕೇರಳದ ಮೊದಲ ಮೇಕಪ್‌ ಅರ್ಟಿಸ್ಟ್‌ ಎಂದೇ ಗುರುತಿಸಲ್ಪಾಡುವ ಜಾನ್ಮೋನಿ ದಾಸ್ ಎಂಟನೇ ಸ್ಪರ್ಧಿಯಾಗಿ ಮನೆಯೊಳಗೆ ಎಂಟ್ರಿ ಆಗಿದ್ದಾರೆ. 300 ಕ್ಕೂ ಹೆಚ್ಚು ಕಲಾವಿದರೊಂದಿಗೆ ಮೇಕಪ್‌ ಅರ್ಟಿಸ್ಟ್‌ ಆಗಿ ಕೆಲಸ ಮಾಡಿದ್ದಾರೆ ಎಂದು ಅವರು ಹೇಳಿದ್ದಾರೆ.

ರತೀಶ್ ಕುಮಾರ್:  ಬಿಗ್ ಬಾಸ್ ಮಲಯಾಳಂ ಸೀಸನ್ 6 ರಲ್ಲಿ ಹಾಸ್ಯನಟ ಮತ್ತು ಗಾಯಕ ರತೀಶ್ ಕುಮಾರ್ ಅವರು 9ನೇ ಸ್ಪರ್ಧಿಯಾಗಿ ಎಂಟ್ರಿ ಆದರು.

ಶ್ರೀರೇಖಾ ರಾಜಗೋಪಾಲ್:  

ಕೇರಳ ರಾಜ್ಯ ಚಲನಚಿತ್ರ ಪ್ರಶಸ್ತಿ ವಿಜೇತ ನಟಿ ಶ್ರೀರೇಖಾ ರಾಜಗೋಪಾಲ್ ಬಿಗ್ ಬಾಸ್ ಮನೆಗೆ 10ನೇ ಸ್ಪರ್ಧಿಯಾಗಿ ಪ್ರವೇಶ ಪಡೆದರು.

ಅಸಿ ರಾಕಿ: ಹೆಸರಾಂತ ಟ್ಯಾಟೂ ಕಲಾವಿದರಾಗಿರುವ ರಾಕಿ ಅವರು ಎರಡು ವ್ಯಕ್ತಿತ್ವಗಳನ್ನು ಹೊಂದಿದ್ದಾರೆ ಮತ್ತು ಪ್ರಶಸ್ತಿಯನ್ನು ಗೆಲ್ಲುವುದು ಅವರ ಏಕೈಕ ಗುರಿಯಾಗಿದೆ ಎಂದು ಕಾರ್ಯಕ್ರಮದ ವೇದಿಕೆಯಲ್ಲಿ ಹೇಳಿದ್ದಾರೆ. 11ನೇ ಸ್ಪರ್ಧಿಯಾಗಿ ಅವರು ಮನೆಯೊಳಗೆ ಎಂಟ್ರಿ ಆದರು.

ಅಪ್ಸರಾ ರತ್ನಾಕರನ್:  ಕಿರುತೆರೆ ನಟಿ ಅಪ್ಸರಾ ರತ್ನಕರನ್ ಅವರು ʼಸಾಂತ್ವನಂʼ ಕಾರ್ಯಕ್ರಮದ ಮೂಲಕ ಹೆಚ್ಚು ಹೆಸರುವಾಸಿಯಾಗಿದ್ದಾರೆ. ಬಿಗ್ ಬಾಸ್ ಮಲಯಾಳಂನ ಆರನೇ ಸೀಸನ್‌ನಲ್ಲಿ 12ನೇ ಸ್ಪರ್ಧಿ ಆಗಿ ಅವರು ಪ್ರವೇಶ ಪಡೆದರು.

ಗಾಬ್ರಿ ಜೋಸ್: ನಟ ಗಾಬ್ರಿ ಅವರು 13ನೇ ಸ್ಪರ್ಧಿಯಾಗಿ ಮನೆಯೊಳಗೆ ಪ್ರವೇಶ ಪಡೆದರು. ಮಾಲಿವುಡ್‌ ಸಿನಿರಂಗಕ್ಕೆ ಇವರ ಪರಿಚಯ ಹೊಸತೇನಲ್ಲ. ಕಮಲ್ ನಿರ್ದೇಶನದ ಅವರ ಚೊಚ್ಚಲ ಚಿತ್ರ ʼಪ್ರಣಯ ಮೀನುಕಾಲುಡೆ ಕಡಲ್‌ʼ ನಿಂದಾಗಿ ಅವರು ಈಗಾಗಲೇ ಪ್ರೇಕ್ಷಕರಿಗೆ ಪರಿಚಯವಿದ್ದಾರೆ.

ನೋರಾ ಮುಸ್ಕಾನ್: ಸೋಶಿಯಲ್‌ ಮೀಡಿಯಾ ತಾರೆ ಆಗಿರುವ ನೋರಾ ಮುಸ್ಕಾನ್‌ ಅವರು 14ನೇ ಸ್ಪರ್ಧಿಯಾಗಿ ಬಿಗ್‌ ಬಾಸ್‌ ಮನೆಗೆ ಎಂಟ್ರಿ ಆದರು.

ಅರ್ಜುನ್ ಶ್ಯಾಮ್ ಗೋಪನ್:  ಮಾಡೆಲ್ ಮತ್ತು ನಟ ಆಗಿರುವ ಅರ್ಜುನ್ ಶ್ಯಾಮ್ ಗೋಪನ್ ಅವರು 15ನೇ ಅಧಿಕೃತ ಸ್ಪರ್ಧಿಯಾಗಿ ದೊಡ್ಮನೆಗೆ ಎಂಟ್ರಿ ಆದರು.

ಸುರೇಶ್ ಮೆನನ್: ಈ ಬಾರಿಯ ಬಿಗ್‌ ಬಾಸ್‌ ಸ್ಪರ್ಧಿಗಳಲ್ಲಿ ಹೆಚ್ಚು ಗಮನ ಸೆಳೆದಿರುವ ಸ್ಪರ್ಧಿಗಳಲ್ಲಿ ಸುರೇಶ್‌ ಮೆನನ್‌ ಕೂಡ ಒಬ್ಬರು. ನಟ-ಹಾಸ್ಯಗಾರ ಹಿಂದಿ ಮತ್ತು ಮರಾಠಿ ಚಲನಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಮೋಹನ್‌ ಲಾಲ್‌ ಅವರ ʼಭ್ರಮರಂʼ ಕೂಡ ಅವರು ನಟಿಸಿದ್ದಾರೆ.

ಶರಣ್ಯ ಆನಂದ್:  ಸ್ಪರ್ಧಿಗಳ ಪಟ್ಟಿಯಲ್ಲಿ ಮತ್ತೊಂದು ಜನಪ್ರಿಯ ಹೆಸರು ಎಂದರೆ ಅದು ಶರಣ್ಯ ಆನಂದ್‌ ಅವರದು. ʼಕುಟುಂಬವಿಲಕ್ಕುʼ ಧಾರಾವಾಹಿನಿಂದ ಅವರು ಜನಪ್ರಿಯರಾಗಿದ್ದಾರೆ.

ರೆಸ್ಮಿನ್ ಬಾಯಿ: ಇವರು ದೈಹಿಕ ಶಿಕ್ಷಣ ತರಬೇತುದಾರೆ ಆಗಿದ್ದಾರೆ. ಬಿಗ್‌ ಬಾಸ್‌ ಮನೆಗೆ 18ನೇ ಸ್ಪರ್ಧಿಯಾಗಿ ಎಂಟ್ರಿ ಆದರು.

ನಿಶಾನಾ:  ಬೈಕರ್‌ ಆಲ್‌ ಓವರ್‌ ಇಂಡಿಯಾ ತಿರುಗಾಡಿರುವ ನಿಶಾನಾ ಅವರು, 19ನೇ ಸ್ಪರ್ಧಿಯಾಗಿ ಬಿಗ್‌ ಬಾಸ್‌ ಮನೆಗೆ ಎಂಟ್ರಿ ಆದರು.