Singer Mangli: ಖ್ಯಾತ ಗಾಯಕಿ ಮಂಗ್ಲಿ ಕಾರು ಅಪಘಾತ; ಅಪಾಯದಿಂದ ಪಾರು

Team Udayavani, Mar 18, 2024, 1:03 PM IST

ಬೆಂಗಳೂರು: ಖ್ಯಾತ ಹಿನ್ನೆಲೆ ಗಾಯಕಿ ಸತ್ಯವತಿ ರಾಥೋಡ್(ಮಂಗ್ಲಿ) ಅವರ ಕಾರು ಅಪಘಾತವಾಗಿರುವ ಘಟನೆ ಹೈದರಾಬಾದ್-ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿಯ ಶಂಶಾಬಾದ್‌ನ ತೊಂಡುಪಲ್ಲಿ ಸೇತುವೆ ಬಳಿ ಭಾನುವಾರ (ಮಾ. 17 ರಂದು) ರಾತ್ರಿ ನಡೆದಿರುವುದು ವರದಿಯಾಗಿದೆ.

ಆಧ್ಯಾತ್ಮಿಕ ಕಾರ್ಯಕ್ರಮವೊಂದರಲ್ಲಿ ಪಾಲ್ಗೊಂಡು ವಾಪಾಸಾಗುತ್ತಿದ್ದ ವೇಳೆ ಈ ಘಟನೆ ನಡೆದಿದೆ ಎನ್ನಲಾಗಿದೆ.  ಮಂಗ್ಲಿ ಅವರ ಕಾರಿಗೆ ಟ್ರಕ್(ಡಿಸಿಎಂ ವಾಹನ)‌ ಢಿಕ್ಕಿ ಹೊಡೆದ ಪರಿಣಾಮ ಈ ಘಟನೆ ನಡೆದಿದೆ.

ಗಾಯಕಿ ಮಂಗ್ಲಿ ಮತ್ತು ಇತರ ಇಬ್ಬರು ಪ್ರಯಾಣಿಕರಾದ ಮೇಘರಾಜ್ ಮತ್ತು ಮನೋಹರ್ ಅವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ವರದಿ ಆಗಿದೆ.

ಮಂಗ್ಲಿ ಅವರ ಕಾರಿಗೆ ವಾಹನ ಹಿಂದಿನಿಂದ ಗುದ್ದಿದೆ. ಟ್ರಕ್ ಚಾಲಕ ಮದ್ಯದ ಅಮಲಿನಲ್ಲಿದ್ದ ಎನ್ನಲಾಗಿದೆ.‌  ಸದ್ಯ ಪೊಲೀಸರು ಈ ಬಗ್ಗೆ ಪ್ರಕರಣವನ್ನು ದಾಖಲಿಸಿದ್ದಾರೆ.

ಅಪಘಾತದ ಬಳಿಕ ಮಂಗ್ಲಿ ಅವರು ʼಮಾ ಸೂಪರ್ ಸಿಂಗರ್ ಪಾರ್ಟಿʼಯಲ್ಲಿ ಭಾಗವಹಿಸಿದ್ದರು. ಈ ವೇಳೆ ಅವರಿಗೆ ಯಾವುದೇ ಗಾಯಗಳು ಆಗದೆ ಇರುವುದು ಕಂಡು ಬಂದಿದೆ ಎಂದು ವರದಿ ಆಗಿದೆ.

ಕನ್ನಡ, ತೆಲುಗಿನಲ್ಲಿ ಜನಪ್ರಿಯ ಆಗಿರುವ ಮಂಗ್ಲಿ  ‘ರಾಮುಲೂ ರಾಮುಲಾ’, ‘ಜ್ವಾಲಾ ರೆಡ್ಡಿ’,  ‘ಹೂ ಅಂತೀಯಾ..’’,`ಕಣ್ಣೇ ಅದಿರಿಂದಿ, ‘ರಾ ರಾ ರಕ್ಕಮ್ಮ’ ಮತ್ತು ‘ಜಿಂದಾ ಬಂದಾ’ ಇತರೆ ಸೂಪರ್‌ ಹಿಟ್‌ ಹಾಡುಗಳನ್ನು ಹಾಡಿದ್ದಾರೆ.

Singer #Mangli has a lucky escape after minor road accident near Tondupally, Shamshabad. Incident occurred post-midnight Friday while she was returning from Kanha Shanti Vanam. No injuries reported, only minor damage to the car. Police filed case under IPC Section 279.#Hyderabad pic.twitter.com/rFWejE3rU7

— Informed Alerts (@InformedAlerts) March 18, 2024