SS Rajamouli:‌ ಬರಲಿದೆಯಾ ʼRRRʼ ಸೀಕ್ವೆಲ್?: ಜಪಾನ್‌ನಲ್ಲಿ ಸುಳಿವು ಕೊಟ್ಟ ರಾಜಮೌಳಿ

Team Udayavani, Mar 19, 2024, 5:19 PM IST

ಹೈದರಾಬಾದ್: ಎಸ್‌ ಎಸ್‌ ರಾಜಮೌಳಿ ಅವರ ʼಆರ್‌ ಆರ್‌ ಆರ್ʼ ಸಿನಿಮಾದ ಕ್ರೇಜ್‌ ಇನ್ನು ಕೂಡ ಕಡಿಮೆ ಆಗಿಲ್ಲ. ಮಾ. 18 ರಂದು ಜಪಾನ್‌ ನಲ್ಲಿ ಸಿನಿಮಾದ ವಿಶೇಷ ಪ್ರದರ್ಶನವನ್ನು ಏರ್ಪಾಡಿಸಲಾಗಿತ್ತು. ಈ ವೇಳೆ ನೂರಾರು ಅಭಿಮಾನಿಗಳು ಸಿನಿಮಾವನ್ನು ನೋಡಿ ಫಿದಾ ಆಗಿದ್ದಾರೆ.

ಸಿನಿಮಾ ಪ್ರದರ್ಶನ ಆದ ಬಳಿಕ ನಿರ್ದೇಶಕ ರಾಜಮೌಳಿ ಅವರು, ಅಭಿಮಾನಿಗಳು ಕೇಳಿದ ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ. ಈ ವೇಳೆ ಅವರು ಮಹೇಶ್‌ ಬಾಬು ಅವರೊಂದಿಗಿನ ಸಿನಿಮಾದ ಬಗ್ಗೆ ಅಪ್ಡೇಟ್‌ ನೀಡಿದ್ದಾರೆ.

“ಸಿನಿಮಾದ ಸ್ಕ್ರಿಪ್ಟ್‌ ಕೆಲಸ ಮುಗಿದಿದೆ. ಪ್ರೀ ಪ್ರೊಡಕ್ಷನ್‌ ವರ್ಕ್‌ ಪ್ರಗತಿಯಲ್ಲಿದೆ. ಪಾತ್ರವರ್ಗ ಪೂರ್ಣಗೊಂಡಿಲ್ಲ. ಸಿನಿಮಾದ ನಟ ಮಹೇಶ್‌ ಬಾಬು ಅವರನ್ನು ರಿಲೀಸ್‌ ಸಮಯದಲ್ಲಿ ಇಲ್ಲಿಗೆ ತಂದು ಪರಿಚಯಿಸುತ್ತೇನೆ” ಎಂದಿದ್ದಾರೆ.

ಇದರೊಂದಿಗೆ ರಾಜಮೌಳಿ ಅವರು ಪ್ರಶ್ನೆಯೊಂದಕ್ಕೆ ಉತ್ತರಿಸಿದ್ದಾರೆ. “ಆರ್‌ ಆರ್‌ ಆರ್-2”‌ ಎಂದು ಹೇಳಿ, ನನ್ನ ಬಳಿ ಯೋಜನೆಗಳಿವೆ, ಆದರೆ ಅದನ್ನೀಗ ನಾನು ನಿಮ್ಮ ಬಳಿ ಹಂಚಿಕೊಳ್ಳಲು ಆಗುವುದಿಲ್ಲ” ಎಂದಿದ್ದಾರೆ.

ಹೀಗೆ ಹೇಳಿದಾಗ ಅಭಿಮಾನಿಗಳ ಚಪ್ಪಾಳೆ ತಟ್ಟಿದ್ದಾರೆ. ಸದ್ಯ ʼಆರ್‌ ಆರ್‌ ಆರ್‌ -2ʼ ಎಂದ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

ರಾಮ್‌ ಚರಣ್‌, ಜೂ.ಎನ್‌ ಟಿಆರ್‌, ಆಲಯಾ ಭಟ್‌, ಸಜಯ್‌ ದೇವಗನ್‌, ಶ್ರಿಯಾ ಶರಣ್ ಮುಂತಾವರು ಸಿನಿಮಾದಲ್ಲಿ ನಟಿಸಿದ್ದಾರೆ. ಬಾಕ್ಸ್‌ ಆಫೀಸ್‌ ನಲ್ಲಿ 1000 ಕೋಟಿಗೂ ಅಧಿಕ ಕಮಾಯಿ ಸಿನಿಮಾ ಮಾಡಿತ್ತು. ಸಿನಿಮಾದ ʼನಾಟು ನಾಟುʼ ಹಾಡು ಆಸ್ಕರ್‌ ಪ್ರಶಸ್ತಿ ಗೆದ್ದಿತ್ತು.