Himachal Pradesh; ಕಾಂಗ್ರೆಸ್‌ನ 6 ಅನರ್ಹ ಶಾಸಕರಿಗೆ ಬಿಜೆಪಿ ಉಪ ಚುನಾವಣೆ ಟಿಕೆಟ್‌

Team Udayavani, Mar 27, 2024, 12:01 AM IST

ಶಿಮ್ಲಾ/ಹೊಸದಿಲ್ಲಿ: ಹಿಮಾಚಲ ಪ್ರದೇಶದಲ್ಲಿ ಇತ್ತೀಚೆಗೆ ಅನರ್ಹಗೊಂಡ ಕಾಂಗ್ರೆಸ್‌ನ 6 ಮಾಜಿ ಶಾಸಕರಿಗೆ ಬಿಜೆಪಿ ಮಂಗಳವಾರ ಉಪಚುನಾವಣೆಯ ಟಿಕೆಟ್‌ ಘೋಷಿಸಿದೆ.

ಅನರ್ಹಗೊಳ್ಳುವ ಮುನ್ನ ಇವರೆಲ್ಲ ಯಾವ ಕ್ಷೇತ್ರಗಳನ್ನು ಪ್ರತಿನಿಧಿಸುತ್ತಿದ್ದರೋ, ಅದೇ ಕ್ಷೇತ್ರಗಳಲ್ಲಿ ಇವರಿಗೆ ಉಪಚುನಾವಣೆಯ ಟಿಕೆಟ್‌ ಘೋಷಿಸಲಾಗಿದೆ. ಕಳೆದ ವಾರವಷ್ಟೇ ಇವರೆಲ್ಲರೂ ಕಾಂಗ್ರೆಸ್‌ನಿಂದ ಬಿಜೆಪಿಗೆ ಪಕ್ಷಾಂತರಗೊಂಡಿದ್ದರು.

ಬಿಜೆಪಿ 6ನೇ ಪಟ್ಟಿ ಪ್ರಕಟ: ಈ ನಡುವೆ, ಮಂಗಳವಾರ ಲೋಕ ಸಭೆ ಚುನಾವಣೆಗೆ ತನ್ನ 6ನೇ ಪಟ್ಟಿಯನ್ನು ಬಿಜೆಪಿ ಪ್ರಕಟಿಸಿದೆ. ಮಣಿಪುರದ 2 ಮತ್ತು ರಾಜಸ್ಥಾನದ 1 ಕ್ಷೇತ್ರಕ್ಕೆ ಅಭ್ಯರ್ಥಿಗಳನ್ನು ಘೋಷಿಸಲಾಗಿದೆ. ವಿಶೇಷವೆಂದರೆ ಕೇಂದ್ರ ಸಚಿವ ರಾಜ್‌ ಕುಮಾರ್‌ ರಂಜನ್‌ ಸಿಂಗ್‌ ಸೇರಿದಂತೆ, ಈ ಮೂರೂ ಕ್ಷೇತ್ರಗಳಲ್ಲಿ ಹಾಲಿ ಸಂಸದರಿಗೆ ಕೊಕ್‌ ನೀಡಲಾಗಿದೆ. ರಾಜಸ್ಥಾನದ ದೌಸಾದಲ್ಲಿ ಕಾಂಗ್ರೆಸ್‌ನ ಮುರಾರಿ ಲಾಲ್‌ ಮೀನಾ ವಿರುದ್ಧ ಬಿಜೆಪಿ ನಾಯಕ ಕನ್ಹಯ್ಯ ಲಾಲ್‌ ಮೀನಾ ಕಣಕ್ಕಿಳಿಯಲಿದ್ದಾರೆ.