Kangana ಅಸ್ತಿತ್ವಕ್ಕಾಗಿ ಚಿತ್ರರಂಗದಲ್ಲಿ ಹೋರಾಟ ಮಾಡಿದ ದಿಟ್ಟ ಹೆಣ್ಣು: ಹೇಮಾ ಮಾಲಿನಿ

Team Udayavani, Mar 27, 2024, 4:05 PM IST

ಮಥುರಾ(ಉತ್ತರ ಪ್ರದೇಶ): ನಟಿ ಕಂಗನಾ ರಣಾವತ್ ಒಬ್ಬ ಒಳ್ಳೆಯ ನಟಿಯಾಗಿದ್ದು ಆಕೆ ರಾಜಕೀಯ ರಂಗದಲ್ಲೂ ಉತ್ತಮ ಸಾಧನೆ ಮಾಡುತ್ತಾರೆ ಎಂಬುದು ನನಗೆ ಖಚಿತವಾಗಿದೆ ಎಂದು ಹಿರಿಯ ನಟಿ, ಬಿಜೆಪಿ ಸಂಸದೆ ಹೇಮಾ ಮಾಲಿನಿ ಬುಧವಾರ ಹೇಳಿಕೆ ನೀಡಿದ್ದಾರೆ.

ಎಎನ್ ಐ ಸುದ್ದಿ ಸಂಸ್ಥೆಯೊಂದಿಗೆ ಮಾತನಾಡಿ, ಲೋಕಸಭೆ ಚುನಾವಣೆಗೆ ಹಿಮಾಚಲ ಪ್ರದೇಶದ ಮಂಡಿಯಿಂದ ನಟಿ ಕಂಗನಾ ರಣಾವತ್ ಅವರನ್ನು ಬಿಜೆಪಿ ಕಣಕ್ಕಿಳಿಸಿದೆ. ಕಂಗನಾ ರಣಾವತ್ ರಾಜಕೀಯದಲ್ಲಿಯೂ ಚೆನ್ನಾಗಿ ಕೆಲಸ ಮಾಡುತ್ತಾರೆ. ಕಾಂಗ್ರೆಸ್ ನಾಯಕಿ ಏನು ಹೇಳಿದರೂ ಅದು ಸಂಪೂರ್ಣ ತಪ್ಪು. ಕಂಗನಾ ರಣಾವತ್ ಅದನ್ನು ಚೆನ್ನಾಗಿ ಎದುರಿಸುತ್ತಾರೆ. ತನ್ನ ಅಸ್ತಿತ್ವಕ್ಕಾಗಿ ಚಿತ್ರರಂಗದಲ್ಲಿ ಹೋರಾಟ ಮಾಡಿದ ದಿಟ್ಟ ಹೆಣ್ಣು ಕಂಗನಾ” ಎಂದು ಹೇಮಾ ಮಾಲಿನಿ ಹೇಳಿದರು.

#WATCH | Mathura, Uttar Pradesh: As BJP fields actress Kangana Ranaut from Himachal Pradesh’s Mandi for the upcoming Lok Sabha elections, BJP MP Hema Malini says, “…She (Kangana Ranaut) is a good actress…I am sure that she will do very well in politics as well. Whatever the… pic.twitter.com/EgBIdDn1VE

— ANI (@ANI) March 27, 2024

ಪಕ್ಷದ ನಾಯಕಿ ಸುಪ್ರಿಯಾ ಶ್ರಿನಾಥೆ ಅವರ ಸಾಮಾಜಿಕ ಮಾಧ್ಯಮ ಹ್ಯಾಂಡಲ್‌ನಲ್ಲಿ ಕಂಗನಾ ರಣಾವತ್ ಅವರ ಕುರಿತು ಪೋಸ್ಟ್ ಮಾಡಿದ ವಿವಾದಾತ್ಮಕ ಹೇಳಿಕೆಗಳ ಕುರಿತು ತೀವ್ರ ಆಕ್ರೋಶ ವ್ಯಕ್ತವಾಗಿತ್ತು.

ಪೋಸ್ಟ್ ಅಳಿಸಲಾಗಿದ್ದು, ಸಾರ್ವಜನಿಕ ಭಾಷಣದಲ್ಲಿ ಇಂತಹ ಭಾಷೆಗೆ ಸ್ಥಳವಿಲ್ಲ ಎಂದು ಯಾವಾಗಲೂ ನಂಬುವುದಾಗಿ ಕಾಂಗ್ರೆಸ್ ಮಂಗಳವಾರ ಹೇಳಿದೆ. ತಮ್ಮ ಖಾತೆಗೆ ಪ್ರವೇಶ ಹೊಂದಿರುವವರು ಪೋಸ್ಟ್ ಮಾಡಿದ್ದಾರೆ. ಈ ವಿಷಯ ಕೊನೆಗೊಳ್ಳಬೇಕು ಎಂದು ಸುಪ್ರಿಯಾ ಶ್ರಿನಾಥೆ ಹೇಳಿದ್ದಾರೆ.