Fraud: ಬೆಳ್ವೆ; 14,23,000 ರೂ. ವಂಚನೆ; ಕೇಸು ದಾಖಲು

Team Udayavani, Mar 31, 2024, 6:40 AM IST

ಸಿದ್ದಾಪುರ: ಫೋರ್ಡ್‌ ಮೋಟಾರ್‌ ಕಂಪೆನಿ ಹೌಸ್‌ಹೋಲ್ಡ್‌ ರಿಲೀಫ್‌ ಫ‌ಂಡ್‌ನಿಂದ 2.65 ರೂ.ಕೋಟಿ ಗೆದ್ದಿದ್ದೀರಿ ಎಂದು ರಾಯಲ್‌ ಬ್ಯಾಂಕ್‌ ಆಫ್‌ ಸ್ಕಾಟ್‌ಲ್ಯಾಂಟ್‌ ಇಂಡಿಯಾದಿಂದ ಬೆಳ್ವೆ ಗ್ರಾಮದ ಸಟ್ಟೋಳಿ ರವಿ ಅವರ ಜಿ ಮೇಲ್‌ ಖಾತೆಗೆ ಮೆಸೇಜ್‌ ಬಂದಿದ್ದು, ಇದನ್ನು ನಂಬಿದ ರವಿ  ತಮ್ಮ  ವೈಯಕ್ತಿಕ ಮಾಹಿತಿಯನ್ನು ನೀಡಿದ್ದರು.

ಆ. 31ರಂದು ಕರೆ ಮಾಡಿದ ಪೂಜಾ ಶರ್ಮ  ಎಂಬಾಕೆ ಸರಕಾರಕ್ಕೆ ಶೇ.2 ಹಾಗೂ ಬ್ಯಾಂಕಿಗೆ ಶೇ.1ರಷ್ಟು ತೆರಿಗೆ ಪಾವತಿಸಬೇಕು ಎಂದು ತಿಳಿಸಿದ್ದರು. ಅದಕ್ಕೆ ಸ್ಪಂದಿಸಿದ ರವಿ, ಆ. 31ರಿಂದ ಜ. 20ರ ತನಕ ಸುಮಾರು 14,23,000 ರೂ. ಅನ್ನು ವಂಚಕರು ನೀಡಿದ ಬ್ಯಾಂಕ್‌ ಖಾತೆಗೆ ಜಮೆ ಮಾಡಿದ್ದಾರೆ. ಬಳಿಕ ವಂಚನೆಗೆ ಒಳಗಾಗಿರುವುದು ತಿಳಿದು ಬಂದಿದ್ದು, ರವಿ ಅವರು ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.