Protest: ಕುಡಿಯುವ ನೀರಿಗಾಗಿ ರಸ್ತೆತಡೆ, ರಾತ್ರಿ ವೇಳೆ ಖಾಲಿ ಕೊಡ ಹಿಡಿದು ಪ್ರತಿಭಟನೆ

Team Udayavani, Apr 10, 2024, 11:03 PM IST

ವಿಜಯಪುರ : ಕುಡಿಯುವ ನೀರಿಗಾಗಿ ನಗರದ ಆಶ್ರಯ ರಸ್ತೆಯ ನಿವಾಸಿಗಳು ರಾತ್ರಿ ವೇಳೆ ಖಾಲಿ ಕೊಡಗಳೊಂದಿಗೆ ಪ್ರತಿಭಟನೆ ನಡೆಸಿದ್ದಾರೆ.

ಬುಧವಾರ ರಾತ್ರಿ ಏಕಾಏಕಿ ರಸ್ತೆಗೆ ಇಳಿದ ನಗರದ ಆಶ್ರಯ ರಸ್ತೆಯ ಪಾಲಿಕೆಯ ವಾರ್ಡ ನಂ.12 ರ ವಿವಿಧ ಬಡಾವಣೆಯ ನಿವಾಸಿಗಳು, ರಸ್ತೆ ಸಂಚಾರ ಬಂದ್ ಮಾಡಿ ಧರಣಿ‌ ಕುಳಿತರು.

ಕುಡಿಯುವ ನೀರು ಕೊಡದ ವಿಜಯಪುರ ಮಹಾನಗರ ಪಾಲಿಕೆ, ಪಾಲಿಕೆ ಸದಸ್ಯೆ, ಜಿಲ್ಲಾಡಳಿತದ ವಿರುದ್ಧ ಘೋಷಣೆ ಕೂಗಿ ಕಿಡಿಕಾರಿದರು.

ಕಳೆದ 15 ದಿನಗಳಿಂದ ತಮ್ಮ ಬಡಾವಣೆಗೆ ನೀರು ಬರುತ್ತಿಲ್ಲ. ತಾವು ಆಯ್ಕೆ ಮಾಡಿ ಕಳಿಸಿದ ವಾರ್ಡ್ ನಂ.12 ಸದಸ್ಯೆ ಸೌಜನ್ಯಕ್ಕೂ ತಮ್ಮ ಸಮಸ್ಯೆ ಆಲಿಸಲು ಬಂದಿಲ್ಲ ಎಂದು ಘೋಷಣೆ ಕೂಗಿ ಆಕ್ರೋಶ ವ್ಯಕ್ತಪಡಿಸಿದರು.

ವಿಷಯ ತಿಳಿದ ಆದರ್ಶನಗರ ಠಾಣೆ ಪೊಲೀಸರು ಧರಣಿ ಸ್ಥಳಕ್ಕೆ ಆಗಮಿಸಿ ಪ್ರತಿಭಟನಾ ನಿರತರ ಮನವೊಲಿಸಲು ಪ್ರಯತ್ನ ನಡೆಸಿದರು‌