ಮತ್ತೆ ನಿರ್ಮಾಣಕ್ಕಿಳಿದ ನಿರ್ದೇಶಕ ಲೋಕೇಶ್ ಕನಕರಾಜ್: ʼಬೆಂಜ್ʼ ಟೈಟಲ್‌ ಪೋಸ್ಟರ್‌ ಔಟ್

Team Udayavani, Apr 14, 2024, 2:44 PM IST

ಚೆನ್ನೈ: ಖ್ಯಾತ ಕಾಲಿವುಡ್‌ ನಿರ್ದೇಶಕ ಲೋಕೇಶ್ ಕನಕರಾಜ್ ತಮ್ಮ ನಿರ್ಮಾಣದ ಮುಂದಿನ ಸಿನಿಮಾವನ್ನು ಅನೌನ್ಸ್‌ ಮಾಡಿದ್ದಾರೆ.

ʼಮಾಸ್ಟರ್‌ʼ, ʼಕೈತಿʼ , ʼವಿಕ್ರಮ್‌ʼ, ʼಲಿಯೋʼ.. ಹೀಗೆ ಸೂಪರ್‌ ಹಿಟ್‌ ಸಿನಿಮಾಗಳನ್ನು ನಿರ್ದೇಶನ ಮಾಡಿರುವ ಲೋಕೇಶ್ ಕನಕರಾಜ್ ಸದ್ಯ ರಜಿನಿಕಾಂತ್‌ ಅವರೊಂದಿಗಿನ ಸಿನಿಮಾದ ತಯಾರಿಯಲ್ಲಿ ಬ್ಯುಸಿಯಾಗಿದ್ದಾರೆ. ಈ ನಡುವೆ ಅವರು ತಮ್ಮ ಪ್ರೊಡಕ್ಷನ್‌ ಹೌಸ್‌ ಜಿ ಸ್ಕ್ವಾಡ್ ಮೂಲಕ ನಿರ್ಮಾಣವಾಗಲಿರುವ ಹೊಸ ಸಿನಿಮಾವನ್ನು ಅನೌನ್ಸ್‌ ಮಾಡಿದ್ದಾರೆ.

ಎನರ್ಜಿಟಿಕ್ ರಾಘವ ಲಾರೆನ್ಸ್ ಅವರ ಮುಂದಿನ ಸಿನಿಮಾದ ನಾಯಕರಾಗಲಿದ್ದು, ಈ ಸಿನಿಮಾವನ್ನು ʼಸುಲ್ತಾನ್ʼ , ʼರೆಮೋʼ ನಂತಹ ಸಿನಿಮಾಗಳನ್ನು ಮಾಡಿರುವ ಬಕ್ಕಿಯರಾಜ್ ಕಣ್ಣನ್ ಅವರು ನಿರ್ದೇಶನ ಮಾಡಲಿದ್ದಾರೆ.

ಸಿನಿಮಾಕ್ಕೆ ʼಬೆಂಜ್ʼ ಎನ್ನುವ ಟೈಟಲ್‌ ಇಡಲಾಗಿದೆ. ಸಿನಿಮಾದ ಕಥೆಯನ್ನು ಲೋಕೇಶ್‌ ಅವರೇ ಬರೆದಿದ್ದಾರೆ.

ಲೋಕೇಶ್ ಕನಕರಾಜ್, ನಿರ್ಮಾಪಕರಾದ ಸುಧನ್ ಸುಂದರಂ ಮತ್ತು ಜಗದೀಶ್ ಪಳನಿಸಾಮಿ ಅವರೊಂದಿಗೆ ಈ ಪ್ರಾಜೆಕ್ಟ್‌ ಗಾಗಿ ಕೈಜೋಡಿಸಿದ್ದಾರೆ.

ಸಿನಿಮಾದ ಇತರೆ ಪಾತ್ರವರ್ಗದ ಬಗ್ಗೆ ಮುಂದಿನ ದಿನಗಳಲ್ಲಿ ಮಾಹಿತಿ ಬರಬೇಕಿದೆ.

It is my wish to bring #Benz to the screen and this is catching its own wish at 11:11 🤞🏻

I am very happy to be associating with our beloved @offl_Lawrence sir, thank you so much for trusting our team. And Director @bakkiyaraj_k , I am excited for you.
Thank you everyone for… pic.twitter.com/MOVB12Puh4

— Lokesh Kanagaraj (@Dir_Lokesh) April 14, 2024