Lok Sabha Elections; ಸಿಎಂ ಯೋಗಿ ಅವರೊಂದಿಗೆ ವೇದಿಕೆಯಲ್ಲಿ ಬಾಲ ಯೋಗಿ ಪ್ರತ್ಯಕ್ಷ!

Team Udayavani, Apr 14, 2024, 4:46 PM IST

ರೂರ್ಕಿ : ಉತ್ತರಾಖಂಡದ ರೂರ್ಕಿಯಲ್ಲಿ ಲೋಕಸಭಾ ಚುನಾವಣ ಪ್ರಚಾರದ ವೇಳೆ ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರಂತೆ ಕಾವಿ ಧರಿಸಿದ್ದ ಬಾಲಕನೊಬ್ಬ ವೇದಿಕೆಯಲ್ಲಿ ಕಾಣಿಸಿಕೊಂಡು ಎಲ್ಲರ ಗಮನ ಸೆಳೆದ ಘಟನೆ ಭಾನುವಾರ ನಡೆದಿದೆ.

ಸಾರ್ವಜನಿಕ ಸಮಾವೇಶದಲ್ಲಿ ಸಿಎಂ ಯೋಗಿ ಆದಿತ್ಯನಾಥ್ ಅವರು ಭಾಗಿಯಾಗಿದ್ದರು. ವೇದಿಕೆಯ ಮುಂಭಾಗದಲ್ಲಿ ಜ್ಯೂನಿಯರ್ ಯೋಗಿ ಯಾಗಿ ಬಾಲಕ ಆಸೀನನಾಗಿದ್ದ.  ಸಿಎಂ ಯೋಗಿ ಅವರು ವೇದಿಕೆಗೆ ಆಗಮಿಸುತ್ತಿದ್ದಂತೆ ಬಾಲಕನೂ ಆಗಮಿಸಿ ಎಲ್ಲರ ಮುಖದಲ್ಲಿ ನಗು ತರಿಸಿದ್ದಾನೆ. ಭದ್ರತಾ ಪಡೆಗಳು ತಡೆಯಲು ಮುಂದಾದರೂ ಯೋಗಿ ಅವರು ಬಾಲಕನನ್ನು ನಗುನಗುತ್ತಾ ಚಕಿತರಾಗಿ ಹೂಗುಚ್ಛ ನೀಡಿ ಹರಸಿದ್ದಾರೆ. ಬಾಲಕ ಸಭಿಕರತ್ತ ಯೋಗಿ ಅವರೊಂದಿಗೆ ಕೈ ಬೀಸಿದ್ದಾನೆ. ವೇದಿಕೆಯಲ್ಲಿದ್ದ ಇತರ ಬಿಜೆಪಿ ನಾಯಕರೂ ಬಾಲಕನನ್ನು ಆತ್ಮೀಯವಾಗಿ ನೋಡಿಕೊಂಡರು.

ಚುನಾವಣ ಪ್ರಚಾರದಲ್ಲಿ ಮಕ್ಕಳನ್ನು ಬಳಸದಂತೆ ರಾಜಕೀಯ ಪಕ್ಷಗಳಿಗೆ ಕಟ್ಟುನಿಟ್ಟಾದ ನಿರ್ದೇಶನಗಳನ್ನು ಭಾರತೀಯ ಚುನಾವಣಾ ಆಯೋಗ (ಇಸಿಐ) ನೀಡಿದ್ದು, ಮಕ್ಕಳು ಭಾಗಿಯಾಗುವ ವಿಚಾರದಲ್ಲಿ “ಶೂನ್ಯ ಸಹಿಷ್ಣುತೆ” ಹೊಂದಿದೆ ಎಂದು ಈಗಾಗಲೇ ಹೇಳಿದೆ. ಬಾಲಕ ವೇದಿಕೆಯಲ್ಲಿ ಕಾಣಿಸಿಕೊಂಡಿರುವ ಬಗ್ಗೆ ಹಲವರು ಟೀಕೆಯನ್ನೂ ಮಾಡಿದ್ದು ಇಸಿಐ ಕ್ರಮ ಕೈಗೊಳ್ಳಲು ಆಗ್ರಹಿಸಿದ್ದಾರೆ.

#WATCH | Lok Sabha Elections 2024 | Uttarakhand: A young boy dressed like Uttar Pradesh Chief Minister Yogi Adityanath meets him in Roorkee.

The CM addressed a public rally here. pic.twitter.com/DXTwRJhm52

— ANI (@ANI) April 14, 2024