Hong Kong ಎವರೆಸ್ಟ್‌, ಎಂಡಿಎಚ್‌ ಮಸಾಲೆ ಬ್ಯಾನ್‌

Team Udayavani, Apr 23, 2024, 6:23 AM IST

ಹೊಸದಿಲ್ಲಿ: ಕ್ಯಾನ್ಸರ್‌ಕಾರಕ ರಾಸಾಯನಿಕ ಪತ್ತೆಯಾದ ಹಿನ್ನೆಲೆಯಲ್ಲಿ ಸಿಂಗಾ ಪುರದ ಅನಂತರ ಇದೀಗ ಹಾಂಕಾಂಗ್‌ನಲ್ಲೂ ಭಾರತೀಯ ಖ್ಯಾತ ಬ್ರ್ಯಾಂಡ್‌ಗಳಾದ ಎಂಡಿಎಚ್‌ ಪ್ರೈ. ಲಿ., ಎವರೆಸ್ಟ್‌ ಫ‌ುಡ್‌ ಪ್ರಾಡಕ್ಟ್$Õ ಪ್ರೈ. ಲಿ.ನ 4 ಮಸಾಲೆ ಉತ್ಪನ್ನಗಳನ್ನು ನಿಷೇಧಿಸಲಾಗಿದೆ.

ಎಂಡಿಎಚ್‌ನ ಮದ್ರಾಸ್‌ ಕರಿ ಪೌಡರ್‌, ಮಿಕ್ಸೆಡ್‌ ಮಸಾಲಾ ಪೌಡರ್‌ ಮತ್ತು ಸಾಂಬಾರ್‌ ಮಸಾಲ ಹಾಗೂ ಎವೆರೆಸ್ಟ್‌ನ ಫಿಶ್‌ ಕರಿ ಮಸಾಲಾದಲ್ಲಿ ಎಥೈಲೀನ್‌ ಆಕ್ಸೆ„ಡ್‌ ಪತ್ತೆಯಾಗಿರುವುದಾಗಿ ಎ.5ರಂದು ಸೆಂಟರ್‌ ಫಾರ್‌ ಫ‌ುಡ್‌ ಸೇಫ್ಟಿ(ಸಿಎಫ್ಎಸ್‌) ಘೋಷಿ ಸಿತ್ತು. ಇದು ಕ್ಯಾನ್ಸರ್‌ ಕಾರಕ ಎಂದು ವರ್ಗಿಕರಿಸಲಾದ ಕೀಟನಾಶಕವಾಗಿದೆ. ಇದು ಮಾನವರು ಬಳಸಲು ಯೋಗ್ಯ ವಲ್ಲ ಎಂದು ಹೇಳಿತ್ತು. ಈಗ ಈ 4 ಮಸಾಲಾ ಉತ್ಪನ್ನಗಳನ್ನು ಮಾರಾಟ ಮಾಡದಂತೆ ಹಾಕಾಂಗ್‌ ನಿಷೇಧ ಹೇರಿದೆ. ಜತೆಗೆ ಇದರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದೆ.
ಗುಣಮಟ್ಟ ಪರೀಕ್ಷೆ ಆರಂಭ?: ಈ ಬೆಳವಣಿಗೆ ಬೆನ್ನಲ್ಲೇ ಭಾರತದ ಆಹಾರ ಸುರಕ್ಷ ಪ್ರಾಧಿಕಾರ ಎವರೆಸ್ಟ್‌,
ಎಂಡಿಎಚ್‌ ಸೇರಿ ದೇಶದಲ್ಲಿ ಮಾರಾಟವಾಗುತ್ತಿರುವ ಎಲ್ಲ ಬ್ರ್ಯಾಂಡ್‌ಗಳ ಮಾದರಿಗಳನ್ನು ಸಂಗ್ರಹಿಸಿ, ಗುಣಮಟ್ಟ ಪರೀಕ್ಷೆ ನಡೆಸಲು ಮುಂದಾಗಿದೆ.