West Bengal; ಮಗಳನ್ನು ಕಂಡು ಕಣ್ಣೀರಿಟ್ಟ ಶೇಖ್ ಷಹಜಹಾನ್: ಬಿಜೆಪಿ ವ್ಯಂಗ್ಯ

Team Udayavani, Apr 24, 2024, 1:20 PM IST

ಕೋಲ್ಕತಾ: ಅಮಾನತುಗೊಂಡಿರುವ ತೃಣಮೂಲ ಕಾಂಗ್ರೆಸ್ ನಾಯಕ ಶೇಖ್ ಷಹಜಹಾನ್ ಮಂಗಳವಾರ ಪಶ್ಚಿಮ ಬಂಗಾಳದ ಬಸಿರ್‌ಹತ್‌ನಲ್ಲಿ ನ್ಯಾಯಾಲಯದ ವಿಚಾರಣೆಯ ನಂತರ ಮಗಳನ್ನು ಭೇಟಿಯಾದ ವೇಳೆ ಕಣ್ಣೀರಿಟ್ಟಿರುವ ವಿಡಿಯೋ ವೈರಲ್ ಆಗಿದೆ.

ಬಸಿರ್‌ಹತ್‌ನಲ್ಲಿರುವ ಕೇಂದ್ರೀಯ ತನಿಖಾ ದಳದ ಅಧಿಕಾರಿಗಳು ಷಹಜಹಾನ್‌ನನ್ನು ಸ್ಥಳೀಯ ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. ನ್ಯಾಯಾಲಯದಿಂದ ಹೊರಗೆ ಬರುತ್ತಿದ್ದಾಗ ಮಗಳನ್ನು ನೋಡಿ ಕಣ್ಣೀರು ಹಾಕಲಾಗಿದೆ.

ಷಹಜಹಾನ್ ಪೊಲೀಸ್ ವ್ಯಾನ್‌ನಲ್ಲಿ ಕುಳಿತು ತನ್ನ ಮಗಳೊಂದಿಗೆ ಕೆಲ ನಿಮಿಷದ ಮಾತುಕತೆಯ ಬಳಿಕ ರ ಕಣ್ಣೀರು ಒರೆಸುವುದನ್ನು ತೋರಿಸಿದೆ.

ಮಹಿಳೆಯರು ಲೈಂಗಿಕ ದೌರ್ಜನ್ಯ ಮತ್ತು ಭೂಹಗರಣ ಆರೋಪ ಮಾಡಿದ ನಂತರ ಭಾರಿ ರಾಜಕೀಯ ಕೋಲಾಹಲ , ಸಂಘರ್ಷದ ಬಳಿಕ ಷಹಜಹಾನ್ ನನ್ನು ಬಂಧಿಸಲಾಗಿತ್ತು.

ಬಿಜೆಪಿ ವ್ಯಂಗ್ಯ

ಷಹಜಹಾನ್ ಅಳುತ್ತಿರುವ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ನಂತರ ಬಿಜೆಪಿ ಐಟಿ ಸೆಲ್ ಮುಖ್ಯಸ್ಥ ಅಮಿತ್ ಮಾಳವಿಯಾ ಟಿಎಂಸಿ ಮಾಜಿ ನಾಯಕನ ವಿರುದ್ಧ ವ್ಯಂಗ್ಯವಾಡಿದ್ದಾರೆ.

‘ಮಮತಾ ಬ್ಯಾನರ್ಜಿಯವರ ಪೋಸ್ಟರ್ ಬಾಯ್ – ಅತ್ಯಾಚಾರಿ ಶೇಖ್ ಷಹಜಹಾನ್ ಸಮಾಧಾನಿಸಲಾಗದ ಮಗುವಿನಂತೆ ಅಳುತ್ತಿದ್ದಾನೆ. ಕ್ರಿಮಿನಲ್ ಅನುಬ್ರೊತೋ ಮೊಂಡಲ್ ಜೈಲಿನಲ್ಲಿದ್ದಾನೆ.ಬಂಗಾಳದಾದ್ಯಂತ ಭಯೋತ್ಪಾದನೆಯ ಆಳ್ವಿಕೆಯನ್ನು ಬಿಚ್ಚಿಟ್ಟ ಸೌಕತ್ ಮೊಲ್ಲಾ, ಜಹಾಂಗೀರ್ ಖಾನ್ ಮತ್ತು ಇತರರಿಗೆ ಇದೆ ಗತಿಯಾಗುತ್ತದೆ. ಕಾನೂನು ಕೈಗೆತ್ತಿಕೊಂಡಾಗ ಅವರನ್ನು ರಕ್ಷಿಸಲು ಯಾರೂ ಬರುವುದಿಲ್ಲ. ಖಚಿತವಾಗಿ ಮಮತಾ ಬ್ಯಾನರ್ಜಿಗೂ ಆಗುವುದಿಲ್ಲ.ಮಂತ್ರಿಗಳನ್ನು ಉಳಿಸಲೂ ಸಾಧ್ಯವಾಗಲಿಲ್ಲ. ಕಾಲ ಚಕ್ರ ತಿರುಗುತ್ತಿದೆ.” ಎಂದು ಎಕ್ಸ್ ಪೋಸ್ಟ್ ಮಾಡಿದ್ದಾರೆ.

The swag has disappeared. Mamata Banerjee’s poster boy – rapist Sheikh Shahjahan is weeping like an inconsolable child. Criminal Anubroto Mondal is in jail. This is the fate that awaits the likes of Saokat Mollah, Jehangir Khan and others, who have unleashed a reign of terror… pic.twitter.com/IUYzcO03YZ

— Amit Malviya (मोदी का परिवार) (@amitmalviya) April 23, 2024