![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ
Team Udayavani, Apr 24, 2024, 3:36 PM IST
![ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ](https://www.udayavani.com/wp-content/uploads/2024/04/17-9-620x372.jpg)
ಕರಾಚಿ: ಇದು ಇಂಟರ್ ನೆಟ್ ಯುಗ. ಯುಟ್ಯೂಬ್ ತೆರೆದರೆ ಸಾಕು ಇಲ್ಲಿ ನೂರಾರು ಕಂಟೆಂಟ್ ಕ್ರಿಯೇಟರ್ಸ್ ಗಳ ನಾನಾ ವಿಡಿಯೋ, ವ್ಲಾಗ್ಸ್ ಗಳು ಕಾಣ ಸಿಗುತ್ತವೆ. ಇತ್ತೀಚೆಗೆ ಪಾಕಿಸ್ತಾನದ ಯೂಟ್ಯೂಬರ್ ಒಬ್ಬಾಕೆಯ ವಿಡಿಯೋವನ್ನು ನೆಟ್ಟಿಗರು ಟೀಕಿಸಿದ್ದಾರೆ.
ಪಾಕಿಸ್ತಾನದ ಯೂಟ್ಯೂಬರ್ ನೂರ್ ರಾಣಾ ಎಂಬಾಕೆಯ ವಿಡಿಯೋ ಬಗ್ಗೆ ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿ, ಆಕೆಯನ್ನು ಟೀಕಿಸಿದ್ದಾರೆ.
ಯೂಟ್ಯೂಬರ್ ಆಗಿರ ಗುರುತಿಸಿಕೊಂಡಿರುವ ನೂರ್ ರಾಣಾ ದಿನ ನಿತ್ಯದ ವ್ಲಾಗ್ ವಿಡಿಯೋ ಮೂಲಕ ಗಮನ ಸೆಳೆದಿದ್ದಾರೆ. ಇತ್ತೀಚೆಗೆ ಅವರು ತನ್ನ ಮೃತ ತಂಗಿಯ ಸಮಾಧಿ ಇರುವ ಜಾಗಕ್ಕೆ ಭೇಟಿ ನೀಡಿರುವ ವಿಡಿಯೋ ಮಾಡಿದ್ದಾರೆ.
2015 ರಲ್ಲಿ ತನ್ನ ನೂರ್ ಅವರ ತಂಗಿ ನಿಧನ ಹೊಂದಿದ್ದಾರೆ. ಆಕೆ ನಿಧನ ಹೊಂದಿದ ದಿನದಂದು ನೂರು ಆಕೆಯ ಸಮಾಧಿ ಇರುವ ಜಾಗಕ್ಕೆ ಭೇಟಿ ನೀಡುತ್ತೇನೆ ಎಂದು ತನ್ನ ಯೂಟ್ಯೂಬ್ ವೀಕ್ಷಕರಿಗೆ ತಿಳಿಸಿದ್ದಳು. ಅದರಂತೆ ವ್ಲಾಗ್ ವಿಡಿಯೋವನ್ನು ಮಾಡಿದ್ದಾರೆ.
19 ನಿಮಿಷಗಳ ಅವಧಿಯ ಈ ವಿಡಿಯೋದಲ್ಲಿ ದಿನಚರಿಯನ್ನು ತೋರಿಸಿದ್ದಾರೆ. ಸಮಾಧಿ ಇರುವ ಜಾಗಕ್ಕೆ ಹೋಗುವಾಗ ಹೂವುಗಳನ್ನು ಖರೀದಿಸಿ, ಆ ಬಳಿಕ ಕಾರಿನಲ್ಲಿ ಸಮಾಧಿ ಸ್ಥಳಕ್ಕೆ ಭೇಟಿ ನೀಡಿ ಸಮಾಧಿಗೆ ಹೂವುಗಳನ್ನು ಹಾಕಿ, ಪ್ರಾರ್ಥನೆ ಸಲ್ಲಿಸಿ, ಭಾವನಾತ್ಮಕವಾಗಿ ಮಾತನಾಡಿ, ತಂಗಿಯನ್ನು ಸ್ಮರಿಸಿ ಕಣ್ಣೀರು ಹಾಕುವುದನ್ನು ವಿಡಿಯೋದಲ್ಲಿ ತೋರಿಸಿದ್ದಾರೆ. ಕೊನೆಗೆ ಮನೆಗೆ ಬರುವುದನ್ನು ತೋರಿಸಲಾಗಿದೆ.
ಆದರೆ ಈ ವಿಡಿಯೋಗೆ ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
”ನಿಮ್ಮ ತಂಗಿಯ ಸಾವಿನ ಕುರಿತು ಈ ರೀತಿಯಾಗಿ ತೋರಿಸುವುದಕ್ಕೆ ನಿಮಗೆ ನಾಚಿಕೆ ಆಗಬೇಕು. ದೇವರು ನಮಗೆ ಹಣ ಸಂಪಾದಿಸಲು ಸಹಾಯ ಮಾಡು” ಎಂದು ಒಬ್ಬರು ಕಮೆಂಟ್ ಮಾಡಿದ್ದಾರೆ. ”ನಮ್ಮ ಸಮಾಜದಲ್ಲಿ ಈ ರೀತಿಯ ಜನರು ಇದ್ದಾರೆ ಎಂದು ನಂಬಲು ಸಾಧ್ಯವಿಲ್ಲ” ಎಂದು ಮತ್ತೊಬ್ಬರು ಬರೆದಿದ್ದಾರೆ.
“ಜನ ತಮ್ಮ ಕುಟುಂಬದ ಸದಸ್ಯರ ಸಾವನ್ನು ವ್ಲಾಗಿಂಗ್ಗೆ ವಿಷಯವಾಗಿ ತೆಗೆದುಕೊಳ್ಳುತ್ತಾರೆ ಎಂದು ಎಂದಿಗೂ ಯೋಚಿಸಿರಲಿಲ್ಲ. ನಿಮಗೆ ನಾಚಿಕೆ ಆಗಬೇಕು” ಕಮೆಂಟ್ ಮಾಡಲಾಗಿದೆ.
‘ದ್ವೇಷದ ಕಾಮೆಂಟ್ಗಳನ್ನು ನಿರ್ಲಕ್ಷಿಸಿ ಸಹೋದರಿ. ಒಂದು ದಿನ ನೀವು ಯಶಸ್ವಿ ವ್ಲಾಗರ್ ಆಗುತ್ತೀರಿ. ಈ ಜನರು ಅಸೂಯೆ ಮತ್ತು ನಿರುದ್ಯೋಗಿಗಳು. ಕಂಟೆಂಟ್ ಮಾಡುವುದನ್ನು ಮುಂದುವರಿಸಿ ಮತ್ತು ಶ್ರಮಿಸಿ” ಒಬ್ಬರು ನೂರ್ ಪರವಾಗಿ ಕಮೆಂಟ್ ಮಾಡಿದ್ದಾರೆ.
ರಾಣಾ ಅವರು ಯೂಟ್ಯೂಬ್ನಲ್ಲಿ ಸುಮಾರು 2.92 ಸಾವಿರ ಚಂದಾದಾರರನ್ನು ಹೊಂದಿದ್ದಾರೆ ಮತ್ತು ಇನ್ಸ್ಟಾಗ್ರಾಮ್ ನಲ್ಲಿ 19,000 ಕ್ಕೂ ಹೆಚ್ಚು ಫಾಲೋವರ್ಸ್ ಗಳನ್ನು ಹೊಂದಿದ್ದಾರೆ.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.