Athletics: ಕಿರಿಯರ ಏಷ್ಯನ್‌ ಆ್ಯತ್ಲೆಟಿಕ್ಸ್‌  ಜಾವೆಲಿನ್‌ನಲ್ಲಿ ದೀಪಾಂಶುಗೆ ಬಂಗಾರ

Team Udayavani, Apr 25, 2024, 10:47 PM IST

ದುಬಾೖ: ಇಲ್ಲಿ ನಡೆಯುತ್ತಿರುವ ಏಷ್ಯನ್‌ 20ರೊಳಗಿನ ವಯೋ ಮಾನದವರ ಆ್ಯತ್ಲೆಟಿಕ್ಸ್‌ ಚಾಂಪಿಯನ್‌ಶಿಪ್‌ನ ಪುರುಷರ ಜಾವೆಲಿನ್‌ ಎಸೆತದಲ್ಲಿ ದೀಪಾಂಶು ಶರ್ಮ ಬಂಗಾರದ ಪದಕ ಜಯಿಸಿದ್ದಾರೆ. ಈ ವಿಭಾಗದಲ್ಲಿ ಬೆಳ್ಳಿ ಪದಕವೂ ಭಾರತದ ರೋಹನ್‌ ಯಾದವ್‌ ಪಾಲಾಗಿದೆ. ಭಾರತ ಈವರೆಗೆ ಒಟ್ಟು 5 ಪದಕಗಳನ್ನು ಗಳಿಸಿದೆ.

70.29 ಮೀ. ದೂರ ಎಸೆತ ದೊಂದಿಗೆ ದೀಪಾಂಶು ಬಂಗಾರಕ್ಕೆ ಕೊರಳೊಡ್ಡಿದರೆ, 70.03 ಮೀ. ಎಸೆತ ದೊಂದಿಗೆ ರೋಹನ್‌ ಬೆಳ್ಳಿ ತನ್ನ ದಾಗಿಸಿಕೊಂಡರು. ಪುರುಷರ 1,500 ಮೀ. ಓಟದಲ್ಲಿ ಪ್ರಿಯಾಂಶುಗೆ ಬೆಳ್ಳಿ, ಮಹಿಳೆಯರ 10 ಕಿ.ಮೀ. ವೇಗದ ನಡಿಗೆ ಯಲ್ಲಿ ಆರತಿ ಕಂಚಿನ ಪದಕ ತನ್ನ ದಾಗಿಸಿಕೊಂಡಿದ್ದಾರೆ.

ಇದಕ್ಕೂ ಮುನ್ನ, ಪುರುಷರ ಡಿಸ್ಕಸ್‌ ಎಸೆತದಲ್ಲಿ ರಿತಿಕ್‌ ರಾಥೀ ಭಾರತ ಪರ ಮೊದಲ ಪದಕವಾಗಿ ಬೆಳ್ಳಿ ಗೆದ್ದಿದ್ದರು. ಈ ಕ್ರೀಡಾಕೂಟದಲ್ಲಿ ಒಟ್ಟಾರೆ ಭಾರತದಿಂದ 60 ಸ್ಪರ್ಧಿಗಳು ಪಾಲ್ಗೊಳ್ಳು ತ್ತಿದ್ದಾರೆ. ಇದರಲ್ಲಿ 31 ಮಂದಿ ಪುರುಷರಿದ್ದರೆ, 29 ಮಂದಿ ಮಹಿಳೆಯರಿದ್ದಾರೆ. ಎ. 27ಕ್ಕೆ ಕೂಟ ಮುಕ್ತಾಯಗೊಳ್ಳಲಿದ್ದು, ಭಾರತಕ್ಕೆ ಇನ್ನೂ ಪದಕ ಗಳು ಬರುವ ನಿರೀಕ್ಷೆಯಿದೆ.