I.N.D.I.A;ಗಂಡೇ ವಿಧಾನಸಭೆ ಕ್ಷೇತ್ರದಿಂದ ಕಲ್ಪನಾ ಸೊರೇನ್‌ ಕಣಕ್ಕೆ?

Team Udayavani, Apr 26, 2024, 6:20 AM IST

ರಾಂಚಿ: ಝಾರ್ಖಂಡ್‌ ಮಾಜಿ ಸಿಎಂ ಹೇಮಂತ್‌ ಸೊರೇನ್‌ ಪತ್ನಿ ಕಲ್ಪನಾ ಸೊರೇನ್‌ ಗಂಡೇ ವಿಧಾನಸಭೆ ಕ್ಷೇತ್ರ ಬೈಎಲೆಕ್ಷನ್‌ನಲ್ಲಿ ಜೆಎಂಎಂ ಅಭ್ಯರ್ಥಿಯಾಗಿ ಕಣಕ್ಕಿಳಿಯಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಮೇ 20ರಂದು ಈ ಕ್ಷೇತ್ರಕ್ಕೆ ಉಪ ಚುನಾವಣೆ ನಡೆಯಲಿದೆ. ರಾಜ್ಯದ ಪ್ರಸಕ್ತ ಸಿಎಂ ಚಂಪಾಯಿ ಸೊರೇನ್‌ ಅವರನ್ನು ಕೆಳಗಿಳಿಸಿ ಕಲ್ಪನಾ ಶೀಘ್ರವೇ ಸಿಎಂ ಆಗಲಿದ್ದಾರೆ ಎಂಬ ಮಾತುಗಳು ಕೇಳಿಬಂದಿದ್ದ ಬೆನ್ನಲ್ಲೇ ಈ ಬೆಳವಣಿಗೆ ಅಚ್ಚರಿ ಮೂಡಿಸಿದೆ. ಗಂಡೇ ಕ್ಷೇತ್ರದ ಮಾಜಿ ಶಾಸಕ ಸಫ‌ìರಾಜ್‌ ಅಹ್ಮದ್‌ ಜನವರಿ ಯಲ್ಲಿ ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು. ಹಾಗಾಗಿ ಉಪ ಚುನಾವಣೆ ನಡೆಯುತ್ತಿದೆ.

ಆಪ್‌ ರೋಡ್‌ ಶೋನಲ್ಲಿ ಮೊದಲ ಬಾರಿಗೆ ಕೇಜ್ರಿ ಪತ್ನಿ ಸುನೀತಾ ಭಾಗಿ?
ಹೊಸದಿಲ್ಲಿ: ಲೋಕಸಭೆ ಚುನಾವಣೆಗಾಗಿ ರಾಷ್ಟ್ರ ರಾಜಧಾನಿ ದಿಲ್ಲಿಯಲ್ಲಿ ಆಮ್‌ ಆದ್ಮಿ ಪಕ್ಷ ನಡೆಸಲಿ ರುವ ಚುನಾವಣೆ ಪ್ರಚಾರ ರ್ಯಾಲಿಯಲ್ಲಿ ಇದೇ ಮೊದಲ ಬಾರಿಗೆ ಸಿಎಂ ಕೇಜ್ರಿವಾಲ್‌ ಅವರ ಪತ್ನಿ ಸುನೀತಾ ಕೇಜ್ರಿವಾಲ್‌ ಭಾಗಿಯಾಗಲಿದ್ದಾರೆ. ಈ ಮೂಲಕ ಕೇಜ್ರಿವಾಲ್‌ ಅನುಪಸ್ಥಿತಿಯಲ್ಲಿ ಆಪ್‌ಗೆ ಸ್ವತಃ ಸುನೀತಾ ಬಲ ತುಂಬಲಿದ್ದಾರೆ ಎಂದು ಮೂಲ ಗಳು ತಿಳಿಸಿವೆ. ಪೂರ್ವ ದಿಲ್ಲಿ ಸೇರಿದಂತೆ 4 ಕ್ಷೇತ್ರಗಳಲ್ಲಿ ಮುಂದಿನ ದಿನಗಳಲ್ಲಿ ನಡೆಯುವ ರೋಡ್‌ ಶೋದ‌ಲ್ಲಿ ಸುನೀತಾ ಭಾಗಿಯಾಗಲಿದ್ದಾರೆ ಎಂದು ಪಕ್ಷದ ಮೂಲಗಳು ತಿಳಿಸಿವೆ. ಏತನ್ಮಧ್ಯೆ, ಆಪ್‌ “ಜೈಲ್‌ ಕೆ ಜವಾಬ್‌ ವೋಟ್‌ ಸೇ’ ಎನ್ನುವ ಚುನಾವಣೆ ಪ್ರಚಾರ ಗೀತೆಯನ್ನು ಗುರುವಾರ ಬಿಡುಗಡೆಗೊ ಳಿಸಿದೆ. ಆಪ್‌ ಶಾಸಕ ದಿಲೀಪ್‌ ಪಾಂಡೆ ಅವರೇ ಹಾಡಿನ ಸಾಹಿತ್ಯ ರಚಿಸಿ, ಹಾಡಿದ್ದಾರೆ.