T20 World Cup: ಐಪಿಎಲ್ ಪ್ಲೇಆಫ್’ಗಿಲ್ಲ ಬಟ್ಲರ್, ಸಾಲ್ಟ್, ಬೇರ್ಸ್ಟೋ
Team Udayavani, May 1, 2024, 6:21 AM IST
ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್)ನಲ್ಲಿ ಆಡುತ್ತಿರುವ ಇಂಗ್ಲೆಂಡ್ನ ಪ್ರಮುಖ ಆಟಗಾರರಾದ ಜೋಸ್ ಬಟ್ಲರ್, ಫಿಲಿಪ್ ಸಾಲ್ಟ್, ಆರ್ಸಿಬಿ ವಿಲ್ ಜ್ಯಾಕ್ಸ್ ಸೇರಿ, 8 ಮಂದಿ ಪ್ಲೇಆಫ್ಗೆ ಅಲಭ್ಯರಾಗಲಿದ್ದಾರೆ. ಟಿ20 ವಿಶ್ವಕಪ್ ಸಿದ್ಧತೆ ಮತ್ತು ತವರಿನಲ್ಲಿ ನಡೆಯುವ ಪಾಕಿಸ್ತಾನ ವಿರುದ್ಧದ ಟಿ20 ಸರಣಿಯ ಕಾರಣ, ಈ ಆಟಗಾರರು ಐಪಿಎಲ್ ಪ್ಲೇಆಫ್ನಲ್ಲಿ ಆಡುವುದಿಲ್ಲ ಎಂದು ಮೂಲಗಳು ತಿಳಿಸಿವೆ.
ಪ್ಲೇಆಫ್ಗೂ ಮುನ್ನವೇ ರಾಜಸ್ಥಾನ್ನ ಜೋಸ್ ಬಟ್ಲರ್, ಚೆನ್ನೈಯ ಮೋಯಿನ್ ಅಲಿ, ಪಂಜಾಬ್ನ ಜಾನಿ ಬೇರ್ಸ್ಟೋ, ಸ್ಯಾಮ್ ಕರನ್, ಲಿಯಾಮ್ ಲಿವಿಂಗ್ ಸ್ಟೋನ್, ಆರ್ಸಿಬಿಯ ವಿಲ್ ಜ್ಯಾಕ್ಸ್, ರೀಸ್ ಟಾಪ್ಲೆ, ಕೋಲ್ಕತಾದ ಫಿಲ್ ಸಾಲ್ಟ್ ಭಾರತವನ್ನು ತೊರೆಯುವ ಸಾಧ್ಯತೆಯಿದೆ.
ಜೂನ್ 2ರಿಂದ ಅಮೆರಿಕ ಮತ್ತು ವೆಸ್ಟ್ ಇಂಡೀಸ್ನಲ್ಲಿ ಆರಂಭಗೊಳ್ಳಲಿರುವ ಟಿ20 ವಿಶ್ವಕಪ್ಗಾಗಿ, 15 ಮಂದಿಯನ್ನೊಳಗೊಂಡ ಇಂಗ್ಲೆಂಡ್ ತಂಡ ಪ್ರಕಟಗೊಂಡಿದೆ. ಈ ತಂಡದಲ್ಲಿರುವ ಆಟಗಾರರು, ಮೇ 22ರಿಂದ ಆರಂಭಗೊಳ್ಳಲಿರುವ ಪಾಕಿಸ್ತಾನ ವಿರುದ್ಧದ 4 ಪಂದ್ಯಗಳ ಟಿ20 ಸರಣಿಯಲ್ಲಿ ಆಡಬೇಕೆಂದು ಇಂಗ್ಲೆಂಡ್ ಕ್ರಿಕೆಟ್ ಬೋರ್ಡ್ ಹೇಳಿದೆ. ಹೀಗಾಗಿ, ಮೇ 21ಕ್ಕೆ ಆರಂಭವಾಗಲಿರುವ ಪ್ಲೇಆಫ್ ಹಂತದ ಪಂದ್ಯಗಳಿಗೆ ಇಂಗ್ಲೆಂಡ್ನ ಪ್ರಮುಖರು ಅಲಭ್ಯರಾಗಲಿದ್ದಾರೆ.
ಟಾಪ್ ನ್ಯೂಸ್
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.