Pen drive ಭಾರೀ ಸುದ್ದಿ; ಗವರ್ನರ್‌ ಲೈಂಗಿಕ ಕಿರುಕುಳದ್ದು ನನ್ನಲ್ಲಿದೆ: ಮಮತಾ

Team Udayavani, May 12, 2024, 6:40 AM IST

ಸಪ್ತಗ್ರಾಮ್‌: ಕರ್ನಾಟಕದಲ್ಲಿ ಪ್ರಜ್ವಲ್‌ ರೇವಣ್ಣನವರ “ಪೆನ್‌ಡ್ರೈವ್‌’ ಸದ್ದು ಮಾಡು ತ್ತಿರುವ ಹೊತ್ತಿನಲ್ಲೇ ಪಶ್ಚಿಮ ಬಂಗಾಲದಲ್ಲಿ ಮತ್ತೂಂದು “ಪೆನ್‌ಡ್ರೈವ್‌’ ಭಾರೀ ಸುದ್ದಿ ಮಾಡುತ್ತಿದೆ. ರಾಜ್ಯಪಾಲ ಸಿ.ವಿ.ಆನಂದ್‌ಬೋಸ್‌ ಅರೆ ಕಾಲಿಕ ಮಹಿಳಾ ಸಿಬಂದಿಗೆ ಲೈಂಗಿಕ ಕಿರು ಕುಳ ನೀಡಿದ್ದಾರೆ ಎನ್ನಲಾದ ವೀಡಿಯೋವಿರುವ ಪೆನ್‌ಡ್ರೈವ್‌ ತಮ್ಮ ಬಳಿ ಇದೆ ಎಂದು ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಹೇಳಿಕೊಂಡಿದ್ದಾರೆ.

ರಾಜ್ಯಪಾಲರ ವಿರುದ್ಧ ಲೈಂಗಿಕ ಕಿರುಕುಳ ದೂರು ನೀಡಿದ ಬೆನ್ನಲ್ಲೇ ರಾಜ್ಯಪಾಲ ಸಿ.ವಿ.ಆನಂದ್‌ ಬೋಸ್‌ ಮೇ 9 ರಂದು ರಾಜಭವನದ ಸಿಸಿಟಿವಿ ದೃಶ್ಯಾ ವಳಿ ಬಿಡುಗಡೆ ಮಾಡಿದ್ದರು. ಈ ಕುರಿತು ಶನಿವಾರ ಪ್ರತಿಕ್ರಿಯಿಸಿದ ಸಿಎಂ ಮಮತಾ, ರಾಜ್ಯಪಾಲರು ಬಿಡುಗಡೆ ಮಾಡಿರುವ ವೀಡಿಯೋ ಎಡಿಟ್‌ ಮಾಡಲಾಗಿದೆ. ಸಂತ್ರಸ್ತೆಗೆ ಲೈಂಗಿಕ ಕಿರು ಕುಳ ನೀಡಿದ ನಿಜವಾದ ವೀಡಿ ಯೋ ಪೆನ್‌ಡ್ರೈವ್‌ ನನ್ನ ಬಳಿ ಇದೆ ಎಂದಿದ್ದಾರೆ. ಗಂಭೀರ ಆರೋಪ ಕೇಳಿ ಬಂದರೂ ರಾಜ್ಯಪಾಲರು ಯಾಕೆ ರಾಜೀನಾಮೆ ನೀಡಿಲ್ಲ ಎಂದು ಪ್ರಶ್ನಿಸಿದ್ದಾರೆ. ಬೋಸ್‌ ರಾಜ್ಯಪಾಲರಾಗಿರುವ ವರೆಗೂ ರಾಜಭವನಕ್ಕೆ ಹೋಗುವುದಿಲ್ಲ. ಅವರನ್ನು ಬೀದಿ ಯಲ್ಲೇ ಭೇಟಿಯಾಗಲು ಇಷ್ಟಪಡುತ್ತೇನೆ ಎಂದೂ ದೀದಿ ಹೇಳಿದ್ದಾರೆ.