Border-Gavaskar series: ಭಾರತೀಯರಿಗೆ ವಿಶೇಷ ಆಸನ

Team Udayavani, May 15, 2024, 5:15 AM IST

ಮೆಲ್ಬರ್ನ್: ಈ ಬಾರಿ ಆಸ್ಟ್ರೇಲಿಯದಲ್ಲಿ ನಡೆಯಲಿರುವ ಬೋರ್ಡರ್‌-ಗಾವಸ್ಕರ್‌ ಟ್ರೋಫಿ ಟೆಸ್ಟ್‌ ಸರಣಿ ವೇಳೆ, ಭಾರತೀಯ ಅಭಿಮಾನಿಗಳಿಗಾಗಿ ವಿಶೇಷ ಆಸನ ವ್ಯವಸ್ಥೆ ಮಾಡುವುದಾಗಿ ಆಸ್ಟ್ರೇಲಿಯ ಕ್ರಿಕೆಟ್‌ ಮಂಡಳಿ ಹೇಳಿದೆ.

ಮೆಲ್ಬರ್ನ್, ಸಿಡ್ನಿ ಸೇರಿದಂತೆ 5 ಮೈದಾನಗಳಲ್ಲಿ ಭಾರತ-ಆಸ್ಟ್ರೇಲಿಯ ನಡುವೆ ಟೆಸ್ಟ್‌ ಪಂದ್ಯಗಳನ್ನು ಆಡಲಾಗುವುದು. ಈ ಎಲ್ಲ ಮೈದಾನಗಳಲ್ಲೂ ಭಾರತದ ವೀಕ್ಷಕರಿಗೆ ವಿಶೇಷ ವ್ಯವಸ್ಥೆ ಮಾಡುವುದಾಗಿ “ಕ್ರಿಕೆಟ್‌ ಆಸ್ಟ್ರೇಲಿಯ’ ತಿಳಿಸಿದೆ.

ಇದಕ್ಕೆ “ಇಂಡಿಯನ್‌ ಫ್ಯಾನ್‌ ಪಾರ್ಕ್‌’ ಎಂದು ಹೆಸರಿಡಲಾಗಿದ್ದು, ಭಾರತ ತಂಡದ ಅಭಿಮಾನಿಗಳು ಇಲ್ಲಿ ತಮ್ಮ ಆಸನವನ್ನು ಕಾದಿರಿಸಬಹುದಾಗಿದೆ. ಇತರ ಜಾಗದಲ್ಲೂ ಭಾರತೀಯರಿಗೆ ಟಿಕೆಟ್‌ ಖರೀದಿಸಲು ಅವಕಾಶವಿದೆ.