T20 World Cup: ಭಾರತ ಉಪಾಂತ್ಯಕ್ಕೇರಿದರೆ ಗಯಾನದಲ್ಲಿ ಪಂದ್ಯ

Team Udayavani, May 15, 2024, 6:19 AM IST

ನವದೆಹಲಿ: ಈ ವರ್ಷದ ವಿಂಡೀಸ್‌-ಅಮೆರಿಕದಲ್ಲಿ ನಡೆಯುವ ಟಿ20 ವಿಶ್ವಕಪ್‌ನಲ್ಲಿ ಭಾರತ ಉಪಾಂತ್ಯಕ್ಕೇರಿದರೆ, ಗಯಾನದಲ್ಲಿ ಪಂದ್ಯ ನಡೆಯಲಿದೆ ಎಂದು ಐಸಿಸಿ ಹೇಳಿದೆ.

ಜೂ.27ಕ್ಕೆ ನಡೆಯುವ ಆ ಪಂದ್ಯ 2ನೇ ಸೆಮಿಫೈನಲ್‌ ಆಗಿರಲಿದೆ. ಗಯಾನ ವಾತಾವರಣದಲ್ಲಿ ಹಗಲು ಹೊತ್ತಿನಲ್ಲಿ ಪಂದ್ಯ ನಡೆಯಲಿದೆ. ಇದು ಭಾರತೀಯ ಪ್ರೇಕ್ಷಕರಿಗೆ ಹೊಂದಿಕೆಯಾಗಲಿದೆ ಎಂದು ಲೆಕ್ಕಾಚಾರದಲ್ಲಿ ಈ ನಿರ್ಣಯ ಮಾಡಲಾಗಿದೆ. ಈ ಪಂದ್ಯ ಭಾರತೀಯ ಕಾಲಮಾನ ರಾ.8.30ಕ್ಕೆ ಆರಂಭವಾಗಲಿದೆ.

ವಿಶೇಷವೆಂದರೆ ಜೂ.29ರ ಫೈನಲ್‌ ಪಂದ್ಯಕ್ಕೆ ಮಾತ್ರ ಮೀಸಲು ದಿನವನ್ನು ಇಡಲಾಗಿದೆ. ಸೆಮಿಫೈನಲ್‌ಗ‌ಳಿಗೆ ಮೀಸಲು ದಿನವಿಲ್ಲ. ಆದರೆ ಹೆಚ್ಚುವರಿ ಸಮಯ ನೀಡಲಾಗಿದೆ. ಒಂದು ಪಂದ್ಯಕ್ಕೆ 250 ನಿಮಿಷ ಹೆಚ್ಚುವರಿಯಿರುತ್ತದೆ. ದಿನದಂತ್ಯಕ್ಕೆ 60 ನಿಮಿಷವಿದ್ದರೆ, ಆಗಲೂ ಮುಗಿಯದಿದ್ದರೆ ಮರುದಿನ ಉಳಿದ 190 ನಿಮಿಷ ಆಡಿಸಲಾಗುತ್ತದೆ.