Surathkal; ಉದ್ಯಮಿಯ ಮೇಲೆ ಪತ್ನಿ, ಸಂಬಂಧಿಕರಿಂದ ಹಲ್ಲೆ, ಗೃಹಬಂಧನ

Team Udayavani, May 20, 2024, 12:14 AM IST

ಸುರತ್ಕಲ್‌: ಉದ್ಯಮಿಯೊಬ್ಬರು ಸ್ವತಃ ಪತ್ನಿ, ಸಂಬಂಧಿಕರಿಂದ ಹಲ್ಲೆಗೊಳಗಾಗಿ ಮನೆಯಲ್ಲಿ ಮೂರು ದಿನ ಬಂಧನಕ್ಕೊಳಗಾದ ಘಟನೆ ಸುರತ್ಕಲ್‌ ಠಾಣೆಯ ವ್ಯಾಪ್ತಿಯಲ್ಲಿ ನಡೆದಿದೆ.

ಸುರತ್ಕಲ್‌ನಲ್ಲಿ ಜವುಳಿ ಅಂಗಡಿ ನಡೆಸುತ್ತಿರುವ ಆಲ್ವಿನ್‌ ಸಿಕ್ವೆರಾ ಹಲ್ಲೆಗೊಳಗಾದವರು. ಅವರ ಎರಡು ಕೈಗಳು ಹಾಗೂ ಹೊಟ್ಟೆ ಭಾಗಕ್ಕೆ ಗಾಯವಾಗಿದೆ. ಅವರನ್ನು ಮನೆಯಲ್ಲಿ ಕೂಡಿ ಹಾಕಿದ್ದು, ಸ್ನೇಹಿತರೊಬ್ಬರು ಮೊಬೈಲ್‌ಗೆ ಕರೆ ಮಾಡಿದಾಗ ಮೂರು ದಿನಗಳಿಂದ ಸ್ವಿಚ್‌ ಆಫ್‌ ಬರುತ್ತಿತ್ತು. ಮನೆ ಸಮೀಪ ತೆರಳಿ ವಿಚಾರಿಸಿದಾಗ ಮನೆಯಲ್ಲಿ ಗಲಾಟೆಯಾದ ವಿಚಾರ ಬೆಳಕಿಗೆ ಬಂದು ಪೊಲೀಸರಿಗೆ ಮಾಹಿತಿ ನೀಡಿದರು. ಆಗ ಕೋಣೆಯಲ್ಲಿ ಕೂಡಿ ಹಾಕಿರುವು ಪತ್ತೆಯಾಯಿತು. ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ.

ಸುರತ್ಕಲ್‌ ಪೊಲೀಸರು ಕೇಸು ದಾಖಲಿಸಿ ವಿಚಾರಣೆ ನಡೆಸುತ್ತಿದ್ದಾರೆ.ಹೆಚ್ಚಿನ ಮಾಹಿತಿ ತನಿಖೆಯಿಂದ ತಿಳಿದು ಬರಬೇಕಿದೆ.