West Bank ಮೇಲೆ ಇಸ್ರೇಲ್ ದಾಳಿ; ವೈದ್ಯ ಸೇರಿ ಕನಿಷ್ಠ 7 ಮೃತ್ಯು

Team Udayavani, May 22, 2024, 8:27 AM IST

ಗಾಜಾ: ಯುದ್ಧವು ಉಲ್ಬಣಗೊಳ್ಳುತ್ತಿದ್ದಂತೆ, ಇಸ್ರೇಲಿ ಪಡೆಗಳು ತಮ್ಮ ಗಾಜಾದ ಆಕ್ರಮಣವನ್ನು ವಿಸ್ತರಿಸಿದ್ದು ಮಂಗಳವಾರ ವೆಸ್ಟ್ ಬ್ಯಾಂಕ್ ಜೆನಿನ್ ಮೇಲೆ ದಾಳಿ ನಡೆಸಿದ್ದರಿಂದ ಕನಿಷ್ಠ ಏಳು ಪ್ಯಾಲೆಸ್ತೀನಿಯನ್ನರು ಸಾವನ್ನಪ್ಪಿದ್ದಾರೆ.

ಆಸ್ಪತ್ರೆಯನ್ನು ಹೊಡೆದು ಟ್ಯಾಂಕ್ ಮತ್ತು ವಾಯು ದಾಳಿಗಳೊಂದಿಗೆ ವಸತಿ ಪ್ರದೇಶಗಳನ್ನು ನಾಶಪಡಿಸಲಾಗಿದೆ.ನಗರದಲ್ಲಿ ಶಸ್ತ್ರಸಜ್ಜಿತ ಉಗ್ರರನ್ನು ಗುರಿಯಾಗಿಸಿಕೊಂಡು ಕಾರ್ಯಾಚರಣೆ ನಡೆಸಲಾಗಿದೆ ಎಂದು ಇಸ್ರೇಲಿ ಸೇನೆ ತಿಳಿಸಿದೆ.

ಹತ್ಯೆಗೀಡಾದವರಲ್ಲಿ ವೈದ್ಯ ಮತ್ತು ಹದಿಹರೆಯದವರೂ ಸೇರಿದ್ದಾರೆ. ಪ್ರಮುಖ ಕಾರ್ಯಾಚರಣೆಯ ಸಮಯದಲ್ಲಿ ಹತ್ತಾರು ವಾಹನಗಳನ್ನು ಟ್ರ್ಯಾಕ್ಡ್ ಶಸ್ತ್ರಸಜ್ಜಿತ ಬುಲ್ಡೋಜರ್‌ಗಳು ಸೇರಿ ಕನಿಷ್ಠ 20 ವಾಹನಗಳಿಂದ ಇಸ್ರೇಲಿ ಪಡೆಗಳು ಬಳಸಿಕೊಂಡಿವೆ ಎಂದು ಸುದ್ದಿ ಸಂಸ್ಥೆ ರಾಯಿಟರ್ಸ್ ವರದಿ ಮಾಡಿದೆ.

ವಿಶ್ವದ ಉನ್ನತ ಯುದ್ಧಾಪರಾಧ ನ್ಯಾಯಾಲಯದ ಮುಖ್ಯ ಪ್ರಾಸಿಕ್ಯೂಟರ್ ತಮ್ಮ ಏಳು ತಿಂಗಳ ಯುದ್ಧದ ಸಮಯದಲ್ಲಿ ತೆಗೆದುಕೊಂಡ ಕ್ರಮಗಳ ಬಗ್ಗೆ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಸೇರಿದಂತೆ ಇಸ್ರೇಲ್ ಮತ್ತು ಹಮಾಸ್ ನಾಯಕರಿಗೆ ಬಂಧನ ವಾರಂಟ್‌ಗಳನ್ನು ಕೋರಿದರು.

ಯುಎನ್ ಅಧಿಕಾರಿಗಳ ಪ್ರಕಾರ, ಯುದ್ಧವು ಗಾಜಾದಲ್ಲಿ ಮಾನವೀಯ ಬಿಕ್ಕಟ್ಟನ್ನು ಸೃಷ್ಟಿಸಿದ್ದು, ಸರಿಸುಮಾರು 80 ಪ್ರತಿಶತದಷ್ಟು ಜನಸಂಖ್ಯೆಯನ್ನು ಸ್ಥಳಾಂತರಿಸಿದ್ದು ನೂರಾರು ಸಾವಿರ ಜನರನ್ನು ಹಸಿವಿನ ಅಂಚಿನಲ್ಲಿ ಬಿಟ್ಟಿದೆ ಎಂದು ಹೇಳಲಾಗಿದೆ.

ವೆಸ್ಟ್ ಬ್ಯಾಂಕ್ ಪ್ಯಾಲೇಸ್ತೀನಿಯನ್ ಪ್ರಾಂತ್ಯಗಳಲ್ಲಿ ದೊಡ್ಡದಾಗಿದ್ದು ಪಶ್ಚಿಮ ಏಷ್ಯಾದ ಲೆವಂಟ್ ಪ್ರದೇಶದ ಮೆಡಿಟರೇನಿಯನ್ ಸಮುದ್ರದ ಕರಾವಳಿಯ ಸಮೀಪವಿರುವ ಪ್ರದೇಶವಾಗಿದ್ದು ಪೂರ್ವಕ್ಕೆ ಜೋರ್ಡಾನ್ ಮತ್ತು ಮೃತ ಸಮುದ್ರ ಮತ್ತು ದಕ್ಷಿಣ, ಪಶ್ಚಿಮ ಮತ್ತು ಉತ್ತರಕ್ಕೆ ಇಸ್ರೇಲ್‌ನ ಗಡಿಯಾಗಿದೆ.