Kasaragod ಚರಂಡಿಗೆ ಬಿದ್ದು ಗಾಯಗೊಂಡ ಪತಿಯ ಸ್ಥಿತಿ ಕಂಡ ಪತ್ನಿ ಕುಸಿದು ಬಿದ್ದು ಸಾವು

Team Udayavani, Jun 1, 2024, 11:48 PM IST

ಕಾಸರಗೋಡು: ಚರಂಡಿಗೆ ಬಿದ್ದು ಗಾಯಗೊಂಡ ಪತಿಯನ್ನು ಕಂಡು ಪತ್ನಿ ಕುಸಿದು ಬಿದ್ದು ಸಾವಿಗೀಡಾದ ಘಟನೆ ನಡೆದಿದೆ. ಹೊಸದುರ್ಗ ಶ್ರೀಕೃಷ್ಣ ದೇವಸ್ಥಾನ ಬಳಿಯ ದೀಪಾ ನಿವಾಸದ ಮೀರಾ ಕಾಮ್‌ದೇವ್‌ (65) ಸಾವಿಗೀಡಾದರು.

ಇವರ ಪತಿ ಎಚ್‌.ಎನ್‌. ಕಾಮ್‌ದೇವ್‌ (71) ಮೇ 31ರಂದು ಬೆಳಗ್ಗೆ ಸ್ಥಳೀಯ ದೇವಸ್ಥಾನ ಬಳಿ ನಡೆದು ಹೋಗುತ್ತಿದ್ದಾಗ ರಸ್ತೆ ಬದಿಯ ಚರಂಡಿಗೆ ಬಿದ್ದು ಗಾಯಗೊಂಡಿದ್ದರು. ಅದನ್ನು ಕಂಡ ಸ್ಥಳೀಯರು ಅವರನ್ನು ಚರಂಡಿಯಿಂದ ಮೇಲಕ್ಕೆತ್ತಿ ಮನೆಗೆ ತಲುಪಿಸಿದ್ದರು. ಬಿದ್ದ ಆಘಾತಕ್ಕೆ ಕೈಗೆ ಗಾಯವಾಗಿತ್ತು. ದೇಹವಿಡೀ ಚರಂಡಿಯ ಕೆಸರು ಆವರಿಸಿತ್ತು. ಅದನ್ನು ಕಂಡ ಪತ್ನಿ ಮೀರಾ ಅಲ್ಲೇ ಕುಸಿದು ಬಿದ್ದರು.

ಕೂಡಲೇ ಅವರನ್ನು ಆಸ್ಪತ್ರೆಗೆ ಸಾಗಿಸಿ ಚಿಕಿತ್ಸೆ ನೀಡಿದರೂ ರಕ್ಷಿಸಲು ಸಾಧ್ಯವಾಗಲಿಲ್ಲ.