OTT release: ರಿಲೀಸ್‌ ಆದ 15 ದಿನಕ್ಕೆ ಓಟಿಟಿಗೆ ಬರಲಿದೆ ʼಗ್ಯಾಂಗ್ಸ್‌ ಆಫ್‌ ಗೋದಾವರಿʼ

Team Udayavani, Jun 9, 2024, 6:32 PM IST

ಹೈದರಾಬಾದ್:‌ ಇತ್ತೀಚೆಗಿನ ದಿನಗಳಲ್ಲಿ ಸಿನಿಮಾವೊಂದು ಥಿಯೇಟರ್‌ ನಲ್ಲಿ ಸೋತರೆ, ಓಟಿಟಿಯಲ್ಲಿ ರಿಲೀಸ್‌ ಆಗಿ ಅಲ್ಲಿ ಮೆಚ್ಚುಗೆ ಪಡೆದುಕೊಳ್ಳುವ ಸಾಧ್ಯತೆಯಿರುತ್ತದೆ. ಟಾಲಿವುಡ್‌ ನಲ್ಲಿ ಎರಡು ವಾರದ ಹಿಂದಷ್ಟೇ ರಿಲೀಸ್‌ ಆಗಿದ್ದ ಸಿನಿಮಾವೊಂದು ದಿಢೀರ್‌ ನೇ ಓಟಿಟಿಗೆ ಬರುತ್ತಿದೆ.

ನಟ ವಿಶ್ವಕ್ ಸೇನ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ʼಗ್ಯಾಂಗ್ಸ್‌ ಆಫ್‌ ಗೋದಾವರಿʼ ಬಹು ನಿರೀಕ್ಷೆಯನ್ನು ಹುಟ್ಟು ಹಾಕಿತ್ತು. ಟ್ರೇಲರ್‌ ನೋಡಿ ಸಿನಿಮಾವೇನೋ ಮ್ಯಾಜಿಕ್‌ ಮಾಡಬಹುದೆಂದು ಎನ್ನಲಾಗುತ್ತಿತ್ತು.

ಪ್ರೀ ರಿಲೀಸ್‌ ಇವೆಂಟ್‌ನಲ್ಲಿ ಹಿರಿಯ ನಟ ಬಾಲಯ್ಯ ನಟಿ ಅಂಜಲಿ ಅವರೊಂದಿಗೆ ವರ್ತಿಸಿದ ರೀತಿಗೆ ಅನೇಕರು ಟೀಕಿಸಿದ್ದರು. ಈ ವಿಚಾರದಲ್ಲಿ ʼಗ್ಯಾಂಗ್ಸ್‌ ಆಫ್‌ ಗೋದಾವರಿʼ ಚಿತ್ರತಂಡ ಸುದ್ದಿಯಾಗಿತ್ತು.

ಆದರೆ ಮೇ.31 ರಂದು ಥಿಯೇಟರ್‌ ಗೆ ಎಂಟ್ರಿ ಕೊಟ್ಟ ʼಗ್ಯಾಂಗ್ಸ್‌ ಆಫ್‌ ಗೋದಾವರಿʼ ಪ್ರೇಕ್ಷಕರಿಂದ ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿತ್ತು.

ಆದರೀಗ ಚಿತ್ರ ಇದ್ದಕ್ಕಿದ್ದಂತೆ ರಿಲೀಸ್‌ ಆದ 15 ದಿನಕ್ಕೇ ಓಟಿಟಿಗೆ ರಿಲೀಸ್‌ ರೆಡಿಯಾಗಿದೆ. ಜೂ.14 ರಂದು ನೆಟ್‌ ಫ್ಲಿಕ್ಸ್‌ ನಲ್ಲಿ ತೆಲುಗು, ತಮಿಳು, ಮಲಯಾಳಂ ಮತ್ತು ಕನ್ನಡ ಭಾಷೆಯಲ್ಲಿ ಸಿನಿಮಾ ಸ್ಟ್ರೀಮಿಂಗ್‌ ಆಗುತ್ತಿದೆ.

ಸಾಮಾನ್ಯವಾಗಿ ಒಂದು ಸಿನಿಮಾ ರಿಲೀಸ್‌ ಆದ ಮೇಲೆ 22 ದಿನದ ಬಳಿಕ ಓಟಿಟಿಗೆ ಬರುತ್ತದೆ ಆದರೆ ʼಗ್ಯಾಂಗ್ಸ್‌ ಆಫ್‌ ಗೋದಾವರಿʼ 15 ದಿನದಲ್ಲೇ ಓಟಿಟಿಗೆ ಬರುತ್ತಿದೆ.

ಓಟಿಟಿ ರಿಲೀಸ್‌ ಬಗ್ಗೆ ಚಿತ್ರತಂಡ ಮೊದಲೇ ಒಪ್ಪಂದ ಮಾಡಿಕೊಂಡಿದ್ದು, ಇದೇ ಕಾರಣದಿಂದ ಚಿತ್ರ ಇಷ್ಟು ಬೇಗ ಓಟಿಟಿ ರಿಲೀಸ್‌ ಆಗುತ್ತಿದೆ ಎಂದು ಹೇಳಲಾಗುತ್ತಿದೆ.

ತೆಲಂಗಾಣದಲ್ಲಿ 10 ದಿನಗಳ ಥಿಯೇಟರ್‌ ಗಳು ಬಂದ್‌ ಆಗಿ ರೀ ಓಪನ್‌ ಆದ ಬಳಿಕ ಮೊದಲು ʼಗ್ಯಾಂಗ್ಸ್‌ ಆಫ್‌ ಗೋದಾವರಿʼ ಸಿನಿಮಾ ರಿಲೀಸ್‌ ಆಗಿತ್ತು.

ಕೃಷ್ಣ ಚೈತನ್ಯ ನಿರ್ದೇಶನದ ಈ ಚಿತ್ರದಲ್ಲಿ ನೇಹಾ ಶೆಟ್ಟಿ,ಅಂಜಲಿ, ನಾಸರ್, ಸಾಯಿಕುಮಾರ್, ಹೈಪರ್ ಆದಿ ಮುಂತಾದವರು ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.

Tiger Ratnakar ki thelisindhalla okate. Evadaina meedhaki osthe vaala medha padipodame.#GangsofGodavari coming to Netflix on 14 June in Telugu, Tamil, Malayalam, and Kannada! pic.twitter.com/z5kZ5yshgZ

— Netflix India South (@Netflix_INSouth) June 9, 2024