Odisha ನೂತನ ಸಿಎಂ ಆಗಿ ಮೋಹನ್ ಚರಣ್ ಮಾಂಝಿ ನೇಮಕ; ಡಿಸಿಎಂಗಳ ಆಯ್ಕೆ

Team Udayavani, Jun 11, 2024, 6:21 PM IST

ಭುವನೇಶ್ವರ: ಇತ್ತೀಚೆಗೆ ನಡೆದ ವಿಧಾನಸಭೆ ಚುನಾವಣೆಯಲ್ಲಿ ಅಭೂತಪೂರ್ವ ಗೆಲುವು ಸಾಧಿಸಿದ್ದ ಬಿಜೆಪಿ ಕೊನೆಗೂ ನೂತನ ಸಿಎಂ ಆಯ್ಕೆ ಮಾಡಿದೆ. ನಾಲ್ಕು ಬಾರಿಯ ಶಾಸಕ 52 ವರ್ಷದ ಮೋಹನ್ ಚರಣ್ ಮಾಂಝಿ ರಾಜ್ಯದ ನೂತನ ಮುಖ್ಯಮಂತ್ರಿಯಾಗಲಿದ್ದಾರೆ ಎಂದು ಒಡಿಶಾ ಬಿಜೆಪಿ ನಿರ್ಧರಿಸಿದೆ.

ಮಾಂಝಿ ಅವರು ರಾಜ್ಯದ ಕಿಯೋಂಜಾರ್ ವಿಧಾನಸಭಾ ಕ್ಷೇತ್ರದಿಂದ ಬಿಜೆಪಿ ಶಾಸಕರಾಗಿದ್ದಾರೆ. ಇತ್ತೀಚೆಗೆ ಮುಕ್ತಾಯಗೊಂಡ ಒಡಿಶಾ ವಿಧಾನಸಭಾ ಚುನಾವಣೆಯಲ್ಲಿ ಮಾಂಝಿ ಅವರು ಬಿಜೆಡಿ ಅಭ್ಯರ್ಥಿ ಮಿನಾ ಮಾಂಝಿ ಅವರನ್ನು 11,000 ಮತಗಳಿಂದ ಸೋಲಿಸಿದ್ದರು.

ಸಭೆಯಲ್ಲಿ ಇಬ್ಬರು ಉಪ ಮುಖ್ಯಮಂತ್ರಿಗಳನ್ನು ಆಯ್ಕೆ ಮಾಡಲಾಗಿದೆ. ಕೆವಿ ಸಿಂಗ್ ದೇವ್ ಮತ್ತು ಪ್ರವತಿ ಪರಿದಾ ಅವರು ಒಡಿಶಾ ರಾಜ್ಯದ ಡಿಸಿಎಂ ಗಳಾಗಿದ್ದರು.

ನಾಲ್ಕು ಬಾರಿ ಶಾಸಕರಾಗಿರುವ ಮಾಝಿ ಒಡಿಶಾದಲ್ಲಿ ಪ್ರಬಲ ಬುಡಕಟ್ಟು ಧ್ವನಿಯಾಗಿದ್ದಾರೆ. ಅವರು ಸಂಘಟನಾ ಕೌಶಲ್ಯಕ್ಕೆ ಹೆಸರುವಾಸಿಯಾಗಿದ್ದಾರೆ.