Hajj ಉಷ್ಣ ಮಾರುತಕ್ಕೆ ಬಲಿಯಾದವರು ಶೇ. 83ರಷ್ಟು ನೋಂದಣಿ ಮಾಡಿಸಿಕೊಳ್ಳದ ಯಾತ್ರಿಕರು

Team Udayavani, Jun 25, 2024, 6:19 AM IST

ರಿಯಾದ್‌: ಹಜ್‌ ಯಾತ್ರೆಯಲ್ಲಿ ಪಾಲ್ಗೊಂಡಿದ್ದ 98 ಭಾರತೀಯರು ಸೇರಿ ವಿವಿಧ ದೇಶಗಳ 1301 ಯಾತ್ರಿಗಳು ಬಿಸಿಲಾಘಾತದಿಂದ ಅಸುನೀಗಿದ್ದಾರೆ ಎಂದು ಸೌದಿ ಅರೇಬಿಯಾ ಆರೋಗ್ಯ ಸಚಿವ ಫ‌ಹದ್‌ ಬಿನ್‌ ಅಬ್ದುರ ಹಮಾನ್‌ ಅಲ್‌ ಜಲಾಜೆಲ್‌ ಮಾಹಿತಿ ನೀಡಿದ್ದಾರೆ. ಸಂದರ್ಶನವೊಂದರಲ್ಲಿ ಮಾತನಾಡಿದ ಅವರು, 660 ಈಜಿಪ್ಟ್, 165 ಇಂಡೊನೇಷ್ಯಾ ಯಾತ್ರಿಕರು ಸೇರಿ ಜೋರ್ಡಾನ್‌, ಟ್ಯುನೇಷ್ಯಾ, ಮೊರೊಕ್ಕೊ, ಅಲ್ಜೀರಿಯಾ, ಮಲೇಷ್ಯಾ ಯಾತ್ರಿಕರು ಹಜ್‌ ಯಾತ್ರೆ ವೇಳೆ ಅಸು ನೀಗಿದ್ದಾರೆ. ಉರಿ ಬಿಸಿಲಿನಲ್ಲಿ ಬಹು ದೂರದಿಂದ ನಡೆದುಕೊಂಡು ಬಂದ ಪರಿಣಾಮ ಉಷ್ಣ ಮಾರುತದಿಂದ ಸಾವನ್ನಪ್ಪಿದ್ದಾರೆ ಎಂದು ತಿಳಿಸಿದ್ದಾರೆ.

ಶೇ.83 ನೋಂದಣಿ ಇಲ್ಲದವರು: ಸಾವಿಗೀಡಾದವರಲ್ಲಿ ಶೇ. 83ರಷ್ಟು ನೋಂದಣಿ ಮಾಡಿಸಿಕೊಳ್ಳದ ಯಾತ್ರಿಕರಿ ದ್ದಾರೆ. ಈಜಿಪ್ಟ್ನಲ್ಲಿ 16 ಪ್ರವಾಸಿ ಸಂಸ್ಥೆ ಗಳು ನಿಷೇಧಗೊಂಡ ಪರಿಣಾಮ ಅಲ್ಲಿಂದ ಮೆಕ್ಕಾಗೆ ಬರುವ ಅನಧಿಕೃತ ಯಾತ್ರಿಕರ ಸಂಖ್ಯೆ ಅಧಿಕವಾಗಿದೆ. ಉಳಿದುಕೊಳ್ಳಲು ಅಲ್ಲಿ ವಸತಿ ವ್ಯವಸ್ಥೆ ಇರುವುದಿಲ್ಲ. ಬಿಸಿಲಿನಿಂದ ರಕ್ಷಿಸಿಕೊಳ್ಳಲಾಗದೆ ಯಾತ್ರೆ ವೇಳೆ ಅಸುನೀಗಿದ್ದಾರೆ. ಜೂ. 14ರಿಂದ 19ರವರೆಗೆ ಈ ವರ್ಷದ ಹಜ್‌ ಯಾತ್ರೆ ನಡೆದಿದೆ.