Kalki 2898 AD…ಬಹು ನಿರೀಕ್ಷೆಯ ಕಲ್ಕಿ 2898 ಎಡಿ ಸಿನಿಮಾ ರಿಲೀಸ್…ಅಭಿಮಾನಿಗಳ ಸಂಭ್ರಮ

ಅಭಿಮಾನಿಗಳು ಮುಂಜಾನೆ 5ಗಂಟೆಗೆ ಥಿಯೇಟರ್‌ ಮುಂಭಾಗದಲ್ಲಿ ಜಮಾಯಿಸಿದ್ದರು.

Team Udayavani, Jun 27, 2024, 11:29 AM IST

Kalki 2898 AD…ಬಹು ನಿರೀಕ್ಷೆಯ ಕಲ್ಕಿ 2898 ಎಡಿ ಸಿನಿಮಾ ರಿಲೀಸ್…ಅಭಿಮಾನಿಗಳ ಸಂಭ್ರಮ

ಮುಂಬೈ: ಈ ವರ್ಷದ ಬಹುನಿರೀಕ್ಷೆಯ “ಕಲ್ಕಿ 2898 AD” ಸಿನಿಮಾ ಗುರುವಾರ (ಜೂನ್‌ 27) ದೇಶಾದ್ಯಂತ ತೆರೆ ಕಂಡಿದ್ದು, ಪ್ರಭಾಸ್‌, ಅಮಿತಾಬ್‌ ಬಚ್ಚನ್‌ ಅಭಿಮಾನಿಗಳು ಥಿಯೇಟರ್‌ ನಲ್ಲಿ ತಮ್ಮ ನೆಚ್ಚಿನ ನಾಯಕ ನಟರ ಸಿನಿಮಾವನ್ನು ವೀಕ್ಷಿಸುವ ಮೂಲಕ ಭರ್ಜರಿ ಓಪನಿಂಗ್‌ ಕಂಡಿದೆ.

ಇದನ್ನೂ ಓದಿ:Mangaluru: ವಿದ್ಯುತ್ ತಂತಿ ತಗುಲಿ ಇಬ್ಬರು ರಿಕ್ಷಾ ಚಾಲಕರ ದುರಂತ ಅಂತ್ಯ

Kalki 2898 AD” ಬಹುತಾರಾಗಣ ಚಿತ್ರದಲ್ಲಿ ಅಮಿತಾಬ್‌ ಬಚ್ಚನ್‌, ಪ್ರಭಾಸ್‌, ದೀಪಿಕಾ ಪಡುಕೋಣೆ, ದಿಶಾ ಪಾಟ್ನಿ ಹಾಗೂ ಕಮಲ್‌ ಹಾಸನ್‌ ಮುಖ್ಯಭೂಮಿಕೆಯಲ್ಲಿದ್ದಾರೆ. ಹೈದರಾಬಾದ್‌ ನ ವಿವಿಧೆಡೆ ತೆರೆ ಕಾಣುತ್ತಿರುವ ಕಲ್ಕಿ 2898 ಎಡಿ ಸಿನಿಮಾ ವೀಕ್ಷಣೆಗಾಗಿ ಅಭಿಮಾನಿಗಳು ಮುಂಜಾನೆ 5ಗಂಟೆಗೆ ಥಿಯೇಟರ್‌ ಮುಂಭಾಗದಲ್ಲಿ ಜಮಾಯಿಸಿದ್ದರು.

ದೇಶದ ಹಲವು ಚಿತ್ರಮಂದಿರಗಳ ಮುಂಭಾಗದಲ್ಲಿ ಸಿನಿ ಪ್ರಿಯರು ಚಂಡೆ, ಡೋಲು ಬಾರಿಸಿ, ಭರ್ಜರಿ ಹೆಜ್ಜೆ ಹಾಕುವ ಮೂಲಕ ಸಂಭ್ರಮಾಚರಣೆಯಲ್ಲಿ ತೊಡಗಿದ್ದಾರೆ. ವಾಣಿಜ್ಯ ನಗರಿ ಮುಂಬೈನ ಚೆಂಬೂರ್‌ ಸೇರಿದಂತೆ ಹಲವು ಚಿತ್ರಮಂದಿರದ ಮುಂಭಾಗದಲ್ಲಿ ಭಾರೀ ಸಂಖ್ಯೆಯಲ್ಲಿ ಸಿನಿಪ್ರಿಯರು ಜಮಾಯಿಸಿದ್ದು, ಸಿನಿಮಾ ವೀಕ್ಷಿಸಿದ್ದಾರೆ.

ಪ್ರಭಾಸ್‌ ಅಭಿಮಾನಿಗಳು ಒಂದೆಡೆಯಾದರೆ, ಕಲ್ಕಿ ಸಿನಿಮಾದಲ್ಲಿ ಸುಪ್ರೀಮ್‌ ಯಾಸ್ಕಿನ್‌ ಪಾತ್ರದಲ್ಲಿ ನಟಿಸಿರುವ ಕಮಲ್‌ ಹಾಸನ್‌ ಅವರ ಸಿನಿಮಾದಲ್ಲಿನ ಹೊಸ ಅವತಾರ ವೀಕ್ಷಿಸಲು ಸಿನಿ ಪ್ರಿಯರು ಥಿಯೇಟರ್‌ ಬಳಿ ಜಮಾಯಿಸಿರುವುದಾಗಿ ವರದಿ ತಿಳಿಸಿದೆ.

ದಾಖಲೆ ಬರೆದ ಕಲ್ಕಿ….

ಕಲ್ಕಿ 2898 AD ಸಿನಿಮಾ ತೆರೆ ಕಂಡ ಮೊದಲ ದಿನವೇ 1ಮಿಲಿಯನ್‌ ಗೂ ಅಧಿಕ ಟಿಕೆಟ್‌ ಮಾರಾಟವಾಗಿದೆ ಎಂದು ವರದಿ ತಿಳಿಸಿದ್ದು, ಈವರೆಗೆ ಸಿನಿಮಾ ಬಿಡುಗಡೆಗೂ ಮುನ್ನ ಸಿನಿಮಾ 37 ಕೋಟಿ ರೂಪಾಯಿ ಗಳಿಕೆ ಕಂಡಿದೆ.

ಕಲ್ಕಿ 2898 AD ಸಿನಿಮಾ ಹಿಂದಿ, ತಮಿಳು, ತೆಲುಗು ಹಾಗೂ ಕನ್ನಡ ಭಾಷೆಯಲ್ಲಿ ಏಕಕಾಲದಲ್ಲಿ ದೇಶಾದ್ಯಂತ ತೆರೆ ಕಂಡಿದ್ದು, ಸಿನಿಮಾಕ್ಕೆ ಮೊದಲ ದಿನ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ.