Udupi: ವಿಮಾ ಕಂಪೆನಿ ವಿರುದ್ಧ ಜಿಲ್ಲಾ ಗ್ರಾಹಕ ದೂರು ಪರಿಹಾರ ಆಯೋಗ ತೀರ್ಪು 

Team Udayavani, Jun 27, 2024, 7:14 PM IST

ಉಡುಪಿ: ವೈದ್ಯಕೀಯ ವಿಮಾ ಮೊತ್ತ ನೀಡಲು ನಿರಾಕರಿಸಿದ ಸ್ಟಾರ್‌ ಹೆಲ್ತ್‌ ವಿಮಾ ಕಂಪೆನಿ ವಿರುದ್ಧ ಉಡುಪಿಯ ಜಿಲ್ಲಾ ಗ್ರಾಹಕ ದೂರು ಪರಿಹಾರ ಆಯೋಗವು ತೀರ್ಪು ನೀಡಿದೆ.

ಉಡುಪಿಯ ನಡಿಗೇರಿಕುರಿ ಅವರು ತಮ್ಮ ಹೊಟ್ಟೆನೋವಿನ ಸಮಸ್ಯೆಗಾಗಿ ಆಸ್ಪತ್ರೆಯಲ್ಲಿ ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡಿದ್ದು, ಆಸ್ಪತ್ರೆಯವರು ತಪ್ಪು ದಿನಾಂಕ ನಮೂದಿಸಿದ ಕಾರಣಕ್ಕಾಗಿ ಅವರ ವಿಮಾ ಕ್ಲೈಮ್‌ ನಿರಾಕರಿಸಲ್ಪಟ್ಟಿತ್ತು. ಆಸ್ಪತ್ರೆಯವರು ದಿನಾಂಕವನ್ನು ಸರಿಪಡಿಸಿ ಪ್ರಮಾಣಪತ್ರವನ್ನೂ ನೀಡಿದ್ದರು. ಆದರೂ ಅವರ ಕ್ಲೈಮ್‌ ತಿರಸ್ಕೃತವಾಯಿತು. ಇದನ್ನು ಉಡುಪಿಯ ಬಳಕೆದಾರರ ವೇದಿಕೆಯು ಬೆನ್ನಟ್ಟಿದೆ.

ಈಗ ಜಿಲ್ಲಾ ಗ್ರಾಹಕ ದೂರು ಪರಿಹಾರ ಆಯೋಗವು ಉಡುಪಿಯ ಸ್ಟಾರ್‌ ಹೆಲ್ತ್‌ ವಿಮಾ ಕಂಪೆನಿಯು ತಪ್ಪು ಮಾಡಿ ಸೇವಾ ನ್ಯೂನತೆಗೈದಿದೆ ಎಂದು ತೀರ್ಪು ನೀಡಿದ್ದು,   ಚಿಕಿತ್ಸೆಯ 47,302 ರೂ.ಗೆ ಶೇ.10 ಬಡ್ಡಿ ಸಹಿತ ಹಾಗೂ ಕೋರ್ಟ್‌ ವ್ಯವಹರಣ ಶುಲ್ಕ 10,000 ರೂ.ಜತೆಗೆ ಮಾನಸಿಕ ಯಾತನೆಗಾಗಿ 15,000 ರೂ.ಗಳನ್ನು 30 ದಿನಗಳೊಳಗೆ ನೀಡುವಂತೆ ಆದೇಶಿಸಿದೆ. ವೇದಿಕೆಯ ಪರವಾಗಿ ನ್ಯಾಯವಾದಿ ಸೆಲೆಸ್ಟಿನ್‌ ಪುಷ್ಪ ವಾದಿಸಿದ್ದರು.