Washington; ಬಿಸಿಲಿನ ಬೇಗೆಗೆ ಕರಗಿಯೇ ಹೋಯಿತು ಲಿಂಕನ್ ಪ್ರತಿಮೆ!
Team Udayavani, Jun 29, 2024, 6:10 AM IST
ವಾಷಿಂಗ್ಟನ್ ಡಿ.ಸಿ.: ಅಮೆರಿಕದ ವಾಷಿಂಗ್ಟನ್ನಲ್ಲಿ ತಾಪಮಾನದ ಏರಿಕೆಯಿಂದಾಗಿ ಮಾಜಿ ಅಧ್ಯಕ್ಷ ಅಬ್ರಹಾಂ ಲಿಂಕನ್ ಅವರ ಮೇಣದ ಪ್ರತಿಮೆಯೇ ಕರಗಿಹೋಗಿದೆ.
ಇಲ್ಲಿನ ಶಾಲೆಯೊಂದರ ಆವರಣದಲ್ಲಿ ನಿರ್ಮಾಣ ಮಾಡಲಾಗಿದ್ದ 6 ಅಡಿ ಎತ್ತರದ ಲಿಂಕನ್ ಪ್ರತಿಮೆ ಕರಗಿದ್ದು, ಮೀಮ್ಗಳಿಗೆ ಆಹಾರವಾಗಿದೆ. ವಾಷಿಂಗ್ಟನ್ನಲ್ಲಿ ತಾಪಮಾನ 3 ಅಂಕಿಗಳನ್ನು ದಾಟಿದೆ. ಹೀಗಾಗಿ ಮೇಣದ ಪ್ರತಿಮೆ ಕರಗಿ, ಬೇರೆಯದೇ ಆಕಾರ ಪಡೆದಿದೆ. ಲಿಂಕನ್ ಅವರ ತಲೆಯ ಭಾಗ ಸಂಪೂರ್ಣವಾಗಿ ಕರಗಿ ಹೋಗಿದೆ ಎಂದು ವರದಿಗಳು ತಿಳಿಸಿವೆ.
ಈ ಪ್ರತಿಮೆ ನಿರ್ಮಿಸಿರುವ ಸ್ಯಾಂಡಿ ವಿಲಿಯಮ್ಸ್ ಈ ಕುರಿತಾಗಿ ಮಾಹಿತಿ ನೀಡಿದ್ದು, 60 ಡಿಗ್ರಿ ಸೆ. (140 ಡಿಗ್ರಿ ಫ್ಯಾ.) ತಾಪಮಾನವನ್ನು ತಾಳಿಕೊಳ್ಳುವಂತೆ ಈ ಪ್ರತಿಮೆ ನಿರ್ಮಾಣ ಮಾಡಿದ್ದೆವು. ಆದರೆ ವಾಷಿಂಗ್ಟನ್ನಲ್ಲಿ ಇಷ್ಟು ತಾಪಮಾನ ದಾಖಲಾಗಿಲ್ಲ ಎಂದಿದ್ದಾರೆ. ಕಳೆದ ಕೆಲವು ದಿನಗಳಿಂದ ವಾಷಿಂಗ್ಟನ್ನಲ್ಲಿ ತಾಪಮಾನ ಸುಮಾರು 37 ಡಿಗ್ರಿಗೆ ಏರಿಕೆಯಾಗಿದೆ. ಬಾಲ್ಟಿಮೋರ್ನಲ್ಲಿ ಗರಿಷ್ಠ 37.77 ಡಿಗ್ರಿ ಸೆ. (101 ಡಿ. ಫ್ಯಾ)ಗೆ ತಾಪಮಾನ ಏರಿಕೆಯಾಗಿದೆ.
ಟಾಪ್ ನ್ಯೂಸ್
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.