Maharashtra; ಕರ್ನಾಟಕದಂತೆ ಸ್ತ್ರೀಯರಿಗೆ ಮಾಸಿಕ ನೆರವು

Team Udayavani, Jun 29, 2024, 6:27 AM IST

ಮುಂಬಯಿ: ಮಹಾರಾಷ್ಟ್ರ ವಿಧಾನಸಭೆಯಲ್ಲಿ 2024-25ನೇ ಸಾಲಿನ ರಾಜ್ಯ ಬಜೆಟ್‌ ಮಂಡನೆಯಾಗಿದ್ದು, ಕರ್ನಾಟಕ ಮಾದರಿಯಲ್ಲೇ ಮಹಿಳೆಯರಿಗೆ ವಿಶೇಷ ಆರ್ಥಿಕ ನೆರವು ಘೋಷಿಸಲಾಗಿದೆ.

ಮುಖ್ಯಮಂತ್ರಿ ಮಾಝಿ ಲಡಕಿ ಬಹಿನ್‌ ಯೋಜನೆಯಡಿ 21-60 ವಯೋಮಾನದ ಅರ್ಹ ಮಹಿಳೆಯರಿಗೆ ತಿಂಗಳಿಗೆ 1,500 ರೂ. ಹಾಗೂ 5 ಸದಸ್ಯರಿರುವ ಕುಟುಂಬಕ್ಕೆ ವಾರ್ಷಿಕ 3 ಸಿಲಿಂಡರ್‌ ಉಚಿತವಾಗಿ ನೀಡುವುದಾಗಿ ಬಜೆಟ್‌ ಮಂಡಿಸಿದ ಡಿಸಿಎಂ ಅಜಿತ್‌ ಪವಾರ್‌ ಘೋಷಿಸಿದ್ದಾರೆ. ಮಹಿಳೆಯರಿಗೆ ನೆರವು ಯೋಜನೆ ಜುಲೈಯಿಂದ ಆರಂಭವಾಗಲಿದ್ದು, 46,000 ಕೋಟಿ ರೂ. ಮೀಸಲಿಡಲಾಗಿದೆ. ವಿಧಾನಸಭೆ ಚುನಾವಣೆಗೆ ಕೇವಲ ನಾಲ್ಕು ತಿಂಗಳು ಬಾಕಿಯಿರುವಂತೆಯೇ ಈ ಎಲ್ಲ ಘೋಷಣೆಗಳು ಹೊರಬಿದ್ದಿವೆ.

ಮುಂಬಯಿಯಲ್ಲಿ ತೈಲ ದರ ಇಳಿಕೆ
ಇಂಧನದ ಮೇಲಿನ ತೆರಿಗೆ ಕಡಿತ ಗೊಳಿಸಿರುವುದಾಗಿಯೂ ಡಿಸಿಎಂ ಅಜಿತ್‌ ಪವಾರ್‌ ಘೋಷಿಸಿದ್ದಾರೆ. ಮುಂಬಯಿ, ನವಿ ಮುಂಬಯಿ ಥಾಣೆಗೆ ಮಾತ್ರ ಯೋಜನೆ ಅನ್ವಯಿಸಲಿದ್ದು, ಜು.1ರಿಂದ ಜಾರಿಯಾಗಲಿದೆ. ಲೀ. ಪೆಟ್ರೊಲ್‌ಗೆ 65 ಪೈಸೆ, ಲೀ. ಡೀಸೆಲ್‌ಗೆ 2.60ರೂ. ಇಳಿಕೆಯಾಗಲಿದೆ.