Box office: ʼಕಲ್ಕಿ 2898 ಎಡಿʼಯ 2ನೇ ದಿನದ ಗಳಿಕೆಯಲ್ಲಿ ಭಾರೀ ಕುಸಿತ; ಗಳಿಸಿದ್ದೆಷ್ಟು?

Team Udayavani, Jun 29, 2024, 11:02 AM IST

ಹೈದರಾಬಾದ್: ಬಿಗ್‌ ಬಜೆಟ್‌ ಪ್ಯಾನ್‌ ಇಂಡಿಯಾ ʼ ಕಲ್ಕಿ 2898 ಎಡಿʼ(Kalki 2898) ಸಿನಿಮಾ ರಿಲೀಸ್‌ ಆಗಿ ಎರಡು ದಿನ ಕಳೆದಿದೆ. ದಿನ ಎರಡೂ ಕಳೆದರೂ ಸಿನಿಮಾ ನೋಡುಗರ ಸಂಖ್ಯೆಯೂ ದುಪ್ಪಟ್ಟಾಗಿದೆ. ಬಾಕ್ಸ್‌ ಆಫೀಸ್‌ನಲ್ಲಿ ಚಿತ್ರ ಎರಡನೇ ದಿನ ಗಳಿಸಿದ್ದೆಷ್ಟು ಎನ್ನುವುದನ್ನು ನೋಡಿಕೊಂಡು ಬರೋಣ ಬನ್ನಿ.

ನಿರ್ದೇಶಕ ನಾಗ್‌ ಅಶ್ವಿನ್‌ (Nag Ashwin)  ಸಾಕಷ್ಟು ಪರಿಶ್ರಮವಹಿಸಿ ʼಕಲ್ಕಿʼ ಲೋಕವನ್ನು ಸೃಷ್ಟಿಸಿ ಅದರಲ್ಲಿ ಸೈನ್ಸ್‌ ಫೀಕ್ಷನ್‌ ಹಾಗೂ ಪೌರಾಣಿಕ ಜಗತ್ತನ್ನು ತೋರಿಸಿದ್ದಾರೆ. ನಾಗ್‌ ಅಶ್ವಿನ್‌ ಅವರ ಅಮೋಘ ದೃಶ್ಯ ಕಾವ್ಯವನ್ನು ನೋಡಿ ಪ್ರೇಕ್ಷಕರು ಫಿದಾ ಆಗಿದ್ದಾರೆ. ಬಹುಸಮಯದ ಬಳಿಕ ದೊಡ್ಡ ಬಿಗ್‌ ಬಜೆಟ್‌ ಸಿನಿಮಾವೊಂದನ್ನು ನೋಡಿ ನಿರ್ದೇಶಕ ಹಾಗೂ ಸಿನಿಮಾದಲ್ಲಿ ನಟಿಸುವವರ ಕಲಾವಿದರ ಅಭಿನಯಕ್ಕೆ ಬಹುಪರಾಕ್‌ ಎಂದಿದ್ದಾರೆ.

ಇದನ್ನೂ ಓದಿ: Renukaswamy: ಕಿರುತೆರೆಯ ಕ್ರೈಮ್‌ ಶೋನಲ್ಲಿ ಪ್ರಸಾರವಾಗಲಿದೆ ರೇಣುಕಾಸ್ವಾಮಿ ಪ್ರಕರಣದ ಕಥೆ?

ಪ್ರಭಾಸ್‌ (Prabhas), ಅಮಿತಾಭ್‌(Amitabh Bachchan), ಕಮಲ್‌ ಹಾಸನ್‌(Kamal Haasan), ದೀಪಿಕಾ(Deepika Padukone).. ಹೀಗೆ ಬಹುದೊಡ್ಡ ಕಲಾವಿದರ ದಂಡೇ ಇರುವ ʼ ಕಲ್ಕಿ 2898 ಎಡಿʼ   ಮೊದಲ ದಿನ ಭಾರತದಲ್ಲಿ ನಿರೀಕ್ಷೆಯಂತೆ ಕೋಟಿ ಕೋಟಿ ಗಳಿಕೆ ಕಂಡಿತ್ತು. 95 ಕೋಟಿ ರೂ. ಗಳಿಕೆ ಕಾಣುವ ಮೂಲಕ ಬಿಗ್‌ ಓಪನಿಂಗ್‌ ಪಡೆದಿತ್ತು. ವರ್ಲ್ಡ್‌ ವೈಡ್‌ 191 ಕೋಟಿ ರೂ ಗಳಿಸಿತು.

ಎರಡನೇ ದಿನ ಮೊದಲ ದಿನದಷ್ಟು ಬಿರುಸಿನ ಗಳಿಕೆ ಕಾಣದೆ ಇದ್ದರೂ, ಪ್ರೇಕ್ಷಕರು ಥಿಯೇಟರ್‌ ನತ್ತ ಸಾಲು ಸಾಲಾಗಿ ಹರಿದು ಬಂದಿದ್ದರು. ಬಾಕ್ಸ್‌ ಆಫೀಸ್  ಗಳಿಕೆಯಲ್ಲಿ ಎರಡನೇ ದಿನ 43.34% ನಷ್ಟು ಕುಸಿತ ಕಂಡಿದೆ ಎಂದು ವೆಬ್‌ ಸೈಟ್‌ ವೊಂದು ವರದಿ ಮಾಡಿದೆ.

ಎರಡನೇ ದಿನ ತೆಲುಗು ಭಾಷೆಯಲ್ಲಿ 25.65 ಕೋಟಿ ರೂ., ಹಿಂದಿಯಲ್ಲಿ 22.5 ಕೋಟಿ ರೂ., ತಮಿಳಿನಲ್ಲಿ 3.5 ಕೋಟಿ ರೂ., ಮಲಯಾಳಂನಲ್ಲಿ 2 ಕೋಟಿ ರೂ., ಮತ್ತು ಕನ್ನಡದಲ್ಲಿ 0.35 ಕೋಟಿ ರೂ ಗಳಿಸಿದೆ. ಒಟ್ಟು ಎಲ್ಲಾ ಭಾಷೆಯಲ್ಲಿ ಸೇರಿ 54 ಕೋಟಿ ರೂ ಗಳಿಕೆ ಕಂಡಿದೆ.

ವೀಕೆಂಡ್‌ ನಲ್ಲಿ ಸಿನಿಮಾದ ಗಳಿಕೆ ದುಪ್ಪಾಟ್ಟಾಗುವ ಸಾಧ್ಯತೆಯಿದೆ ಎನ್ನಲಾಗಿದೆ.

ಚಿತ್ರದಲ್ಲಿ ಪ್ರಭಾಸ್‌, ಅಮಿತಾಭ್‌ ಬಚ್ಚನ್‌, ದೀಪಿಕಾ ಪಡುಕೋಣೆ, ಕಮಲ್‌ ಹಾಸನ್‌, ದಿಶಾ ಪಟಾನಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದು, ದುಲ್ಕರ್ ಸಲ್ಮಾನ್, ವಿಜಯ್ ದೇವರಕೊಂಡ ಮತ್ತು ಮೃಣಾಲ್ ಠಾಕೂರ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.