Sri Lanka : ಮಾಜಿ ಕ್ರಿಕೆಟಿಗ ಧಮ್ಮಿಕ ನಿರೋಶನ್‌ ಹತ್ಯೆ

Team Udayavani, Jul 18, 2024, 1:02 AM IST

ಕೊಲಂಬೊ: ಶ್ರೀಲಂಕಾದ ಅಂಡರ್‌-19 ಕ್ರಿಕೆಟ್‌ ತಂಡದ ಮಾಜಿ ನಾಯಕ, ವೇಗದ ಬೌಲರ್‌ ಧಮ್ಮಿಕ ನಿರೋಶನ್‌ (41 ವರ್ಷ) ಅವರನ್ನು ಗುಂಡಿಕ್ಕಿ ಹತ್ಯೆ ಮಾಡಲಾಗಿದೆ. ಮಂಗಳವಾರ ಅಂಬಲಂಗೋಡದಲ್ಲಿರುವ ಅವರ ನಿವಾಸದಲ್ಲಿ ಈ ದುರ್ಘ‌ಟನೆ ಸಂಭವಿಸಿದೆ. ಆಗ ಅವರು ಪತ್ನಿ ಮತ್ತು ಇಬ್ಬರು ಮಕ್ಕಳೊಂದಿಗೆ ಮನೆಯಲ್ಲಿದ್ದರು.

12-ಬೋರ್‌ ಬಂದೂಕಿನಲ್ಲಿ ಧಮ್ಮಿಕ ನಿರೋಶನ್‌ ಮೇಲೆ ಗುಂಡು ಹಾರಿಸಲಾಗಿದೆ. ಆದರೆ ಕಾರಣ ತಿಳಿದು ಬಂದಿಲ್ಲ. ಪೊಲೀಸ್‌ ತನಿಖೆ ನಡೆಯುತ್ತಿದೆ.

ಧಮ್ಮಿಕ ನಿರೋಶನ್‌ 2002ರಲ್ಲಿ ಅಂಡರ್‌-19 ತಂಡದ ನಾಯಕರಾಗಿದ್ದಾಗ ಏಂಜೆಲೊ ಮ್ಯಾಥ್ಯೂಸ್‌, ಪರ್ವೇಜ್‌ ಮಹರೂಫ್, ಉಪುಲ್‌ ತರಂಗ ಮೊದಲಾದ ಶ್ರೀಲಂಕಾದ ಸ್ಟಾರ್‌ ಕ್ರಿಕೆಟಿಗರು ಆಡಿದ್ದರು. ನಿರೋಶನ್‌ 2004ರಲ್ಲಿ ಕ್ರಿಕೆಟ್‌ಗೆ ಗುಡ್‌ಬೈ ಹೇಳಿದರು.