Tennis; ರೋಹನ್‌ ಬೋಪಣ್ಣ-ಶ್ರೀರಾಮ್‌ ಬಾಲಾಜಿ : ಒಲಿಂಪಿಕ್ಸ್‌  ಜೋಡಿಯ ಸೋಲಿನ ಆರಂಭ

Team Udayavani, Jul 19, 2024, 11:35 PM IST

ಹ್ಯಾಂಬರ್ಗ್‌: ಪ್ಯಾರಿಸ್‌ ಒಲಿಂಪಿಕ್ಸ್‌ ಪುರುಷರ ಡಬಲ್ಸ್‌ ನಲ್ಲಿ ಒಟ್ಟಿಗೆ ಆಡಲಿರುವ ರೋಹನ್‌ ಬೋಪಣ್ಣ-ಎನ್‌. ಶ್ರೀರಾಮ್‌ ಬಾಲಾಜಿ “ಹ್ಯಾಂಬರ್ಗ್‌ ಓಪನ್‌’ ಟೆನಿಸ್‌ ಪಂದ್ಯಾವಳಿಯ ಮೊದಲ ಸುತ್ತಿನಲ್ಲೇ ಸೋಲಿನ ಸುಳಿಗೆ ಸಿಲುಕಿದ್ದಾರೆ.

6ನೇ ಶ್ರೇಯಾಂಕದ ಭಾರತೀಯ ಜೋಡಿಯನ್ನು ಜರ್ಮನಿಯ ಜಾಕೋಬ್‌ ಶ್ನೆ„ಟರ್‌-ಮಾರ್ಕ್‌ ವಾಲ್ನರ್‌ ಸೇರಿಕೊಂಡು 6-1, 6-4 ರಿಂದ ಮಣಿಸಿದರು.

ರೋಹನ್‌ ಬೋಪಣ್ಣ – ಶ್ರೀರಾಮ್‌ ಬಾಲಾಜಿ ಎಟಿಪಿ 500 ಟೂರ್ನಿಯಲ್ಲಿ ಜತೆಯಾಗಿ ಆಡಿದ್ದು ಇದೇ ಮೊದಲು. ಒಲಿಂಪಿಕ್ಸ್‌ಗೂ ಮುನ್ನ ಬೋಪಣ್ಣ-ಬಾಲಾಜಿ ಇನ್ನೂ ಒಂದು ಪಂದ್ಯಾವಳಿಯಲ್ಲಿ ಆಡಲಿಕ್ಕಿದೆ. ಇವರಿನ್ನು ಉಮಾಂಗ್‌ನಲ್ಲಿ ನಡೆಯುವ “ಕ್ರೊವೇಶಿಯಾ ಓಪನ್‌’ ಟೂರ್ನಿಯಲ್ಲಿ ಪಾಲ್ಗೊಳ್ಳುವರು.

ಸುಮಿತ್‌ ಪರಾಭವ
“ನೋರ್ಡಿಯ ಓಪನ್‌’ ಟೆನಿಸ್‌ ಪ್ರಿ ಕ್ವಾರ್ಟರ್‌ ಫೈನಲ್‌ನಲ್ಲಿ ಸುಮಿತ್‌ ನಾಗಲ್‌ ಪರಾಭವಗೊಂಡರು. ಇವರೆ ದುರು ಆರ್ಜೆಂಟೀನಾದ ಮರಿಯಾನೊ ನವೋನ್‌ 6-4, 6-2ರಿಂದ ಗೆದ್ದರು. ಇದರಿಂದ ನಾಗಲ್‌ ಅವರಿಗೆ ಕ್ವಾರ್ಟರ್‌ ಫೈನಲ್‌ನಲ್ಲಿ ರಫೆಲ್‌ ನಡಾಲ್‌ ಅವರನ್ನು ಎದುರಿಸುವ ಅವಕಾಶ ತಪ್ಪಿತು.