Uninstall PhonePe Drive ; ಬೇಷರತ್ ಕ್ಷಮೆಯಾಚಿಸಿದ ಸಿಇಒ ಸಮೀರ್ ನಿಗಮ್!

PhonePe ಬೆಂಗಳೂರಿನಲ್ಲಿ ಹುಟ್ಟಿದ ವಿಶ್ವ ದರ್ಜೆಯ ತಂತ್ರಜ್ಞಾನ ಪ್ರತಿಭೆ...

Team Udayavani, Jul 21, 2024, 11:19 PM IST

ಬೆಂಗಳೂರು: ಕರ್ನಾಟಕಸರಕಾರದ ಉದ್ಯೋಗ ಮೀಸಲಾತಿ ಬಿಲ್ ಕುರಿತು ತಮ್ಮ ಅಭಿಪ್ರಾಯಗಳ ಹೇಳಿಕೆ ಖಂಡಿಸಿ PhonePe ಅನ್ನು ಅನ್‌ಇನ್‌ಸ್ಟಾಲ್ ಮಾಡಲು ಸಂಘಟನೆಗಳು ಕರೆ ನೀಡಿದ ಬಳಿಕ ಡಿಜಿಟಲ್ ಪಾವತಿ ಆಪರೇಟರ್ ಫೋನ್‌ಪೇನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಸಮೀರ್ ನಿಗಮ್ ಅವರು ಭಾನುವಾರ “ಬೇಷರತ್ ಕ್ಷಮೆಯಾಚನೆ” ಮಾಡಿದ್ದಾರೆ.

ನನ್ನ ವೈಯಕ್ತಿಕ ಹೇಳಿಕೆ, ಕರ್ನಾಟಕ ಕರಡು ಉದ್ಯೋಗ ಮೀಸಲಾತಿ ಮಸೂದೆ ಮತ್ತು ಅದರ ಅನಪೇಕ್ಷಿತ ಪರಿಣಾಮಗಳ ಬಗ್ಗೆ ನನ್ನ ಅಭಿಪ್ರಾಯಗಳನ್ನು ಸ್ಪಷ್ಟಪಡಿಸುತ್ತೇನೆ ಎಂದು ಸಮೀರ್ ನಿಗಮ್ ಎಕ್ಸ್ ಪೋಸ್ಟ್ ಮಾಡಿದ್ದಾರೆ.

“ಕರ್ನಾಟಕ ರಾಜ್ಯ ಮತ್ತು ಅದರ ಜನರನ್ನು ಅವಮಾನಿಸುವುದು ನನ್ನ ಉದ್ದೇಶವಾಗಿರಲಿಲ್ಲ ಎಂದು ನಾನು ಮೊದಲ ಸ್ಪಷ್ಟಪಡಿಸಲು ಬಯಸುತ್ತೇನೆ. ನನ್ನ ಹೇಳಿಕೆಗಳು ಯಾರದ್ದಾದರೂ ಭಾವನೆಗಳಿಗೆ ನೋವುಂಟು ಮಾಡಿದ್ದರೆ, ನಾನು ಬೇಷರತ್ ಕ್ಷಮೆಯಾಚಿಸಲು ಬಯಸುತ್ತೇನೆ ಎಂದು ಸಮೀರ್ ನಿಗಮ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

PhonePe ಬೆಂಗಳೂರಿನಲ್ಲಿ ಹುಟ್ಟಿದ ವಿಶ್ವ ದರ್ಜೆಯ ತಂತ್ರಜ್ಞಾನ ಪ್ರತಿಭೆ ಮತ್ತು ರೋಮಾಂಚಕ ವೈವಿಧ್ಯತೆಗೆ ಹೆಸರುವಾಸಿಯಾಗಿದೆ. ಈ ನಗರದಲ್ಲಿ ನಮ್ಮ ಬೇರುಗಳ ಬಗ್ಗೆ ನಾವು ನಂಬಲಾಗದಷ್ಟು ಹೆಮ್ಮೆಪಡುತ್ತೇವೆ. ಬೆಂಗಳೂರಿನಿಂದ, ಕಳೆದ ದಶಕದಲ್ಲಿ ನಾವು ಭಾರತದ ಉದ್ದ ಮತ್ತು ಅಗಲದಾದ್ಯಂತ ವಿಸ್ತರಿಸಿದ್ದೇವೆ ಮತ್ತು 55 ಕೋಟಿಗೂ ಹೆಚ್ಚು ಭಾರತೀಯರಿಗೆ ಸುರಕ್ಷಿತ ಮತ್ತು ಪರಿಣಾಮಕಾರಿ ಡಿಜಿಟಲ್ ಪಾವತಿಗಳನ್ನು ನೀಡಲು ಸಾಧ್ಯವಾಯಿತು ಎನ್ನುವುದನ್ನೂ ತಮ್ಮ ಹೇಳಿಕೆಗಳಲ್ಲಿ ಉಲ್ಲೇಖಿಸಿದ್ದಾರೆ.

My personal statement, clarifying my views on the Karnataka draft job reservation bill and its unintended consequences. pic.twitter.com/vt5aLjmezK

— Sameer.Nigam (@_sameernigam) July 21, 2024