Ankola: ಗುಡ್ಡ ಕುಸಿತ ಸ್ಥಳ ಭೇಟಿ; ಲಾರಿ ಚಾಲಕರ ಒಕ್ಕೂಟದ ಸದಸ್ಯರನ್ನು ತಡೆದ ಪೊಲೀಸರು

Team Udayavani, Jul 22, 2024, 2:52 PM IST

ಅಂಕೋಲಾ: ಶಿರೂರು ಗುಡ್ಡ ಕುಸಿತ ಸ್ಥಳಕ್ಕೆ ತೆರಳುವ ಸಂದರ್ಭದಲ್ಲಿ ಕರ್ನಾಟಕ ಲಾರಿ ಚಾಲಕರ ಒಕ್ಕೂಟದ ಸದಸ್ಯರನ್ನು ಪೊಲೀಸರು 3 ಕೀ.ಮಿ. ಹಿಂದೆಯೇ ತಡೆ ಹಿಡಿದಿರುವ ಘಟನೆ ಜು.22ರ ಸೋಮವಾರ ನಡೆದಿದೆ.

ಲಾರಿ ಚಾಲಕ ಅರ್ಜುನ್ ಮಣ್ಣಿನಡಿ ಸಿಲುಕಿದ್ದು, ಆತನನ್ನು ಹೊರ ತೆಗೆಯುವ ಕಾರ್ಯಾಚರಣೆಗೆ ಹೋಗುತ್ತಿದ್ದೆವು. ನಮ್ಮನ್ನು ತಡೆಯುತ್ತಿರುವುದು ಸರಿಯಾದ ಕ್ರಮವಲ್ಲ ಎಂದ ಅವರು ನಂತರ ಆ ಸಂದರ್ಭದಲ್ಲಿ ಲಾರಿ ಚಾಲಕರ ಒಕ್ಕೂಟದ ಎಲ್ಲಾ ಚಾಲಕರು ಸ್ಥಳದಲ್ಲಿ ಪ್ರತಿಭಟನೆ ನಡೆಸಿದ್ದಾರೆ.

ಕಾರ್ಯಾಚರಣೆ ವಿಳಂಬವಾಗುತ್ತಿದೆ. ದಿನದ 24 ಗಂಟೆಯೂ ಕಾರ್ಯಾಚರಣೆ  ನಡೆಯಬೇಕು. ರಸ್ತೆ ಮೇಲೆ ನಿಂತ ಲಾರಿ ಚಾಲಕರಿಗೂ ಸಹಾಯ ನೀಡಬೇಕಿದೆ ಎಂದು ಒಕ್ಕೂಟದ ಸದಸ್ಯರು ಹೇಳಿದರು.

ಈ ಸಂದರ್ಭದಲ್ಲಿ ಪ್ರವೀಣ ನಾಯ್ಕ, ರಾಮಚಂದ್ರ ಗೌಡ, ಪ್ರಸಾದ ನಾಯ್ಕ, ಪ್ರಭಾಕರ ನಾಯ್ಕ, ಚಂದ್ರಶೇಖರ ಚಿಪ್ಕರ, ಅನಂತ ಗೌಡ ಇದ್ದರು.