ಹುಟ್ಟುಹಬ್ಬಕ್ಕೆ ಗ್ಯಾಂಗ್‌ಸ್ಟರ್‌ ಆಗಿ ಬಂದ ಸೂರ್ಯ; ʼSuriya 44ʼ ಸ್ಪೆಷೆಲ್‌ ಟೀಸರ್‌ ಔಟ್

Team Udayavani, Jul 23, 2024, 3:57 PM IST

ಚೆನ್ನೈ: ಕಾಲಿವುಡ್‌ ನಟ ಸೂರ್ಯ(Actor Suriya) ತನ್ನ ಹುಟ್ಟುಹಬ್ಬಕ್ಕೆ ಅವರ ಫ್ಯಾನ್ಸ್‌ ಗಳಿಗೆ  ಭರ್ಜರಿ ಗಿಫ್ಟ್‌ ನೀಡಿದ್ದಾರೆ. ʼಸೂರ್ಯ44ʼ (Suriya 44) ಚಿತ್ರದ ಬರ್ತ್‌ ಡೇ ಟೀಸರ್‌ ನೋಡಿ ಕಾಲಿವುಡ್‌ ಥ್ರಿಲ್‌ ಆಗಿದೆ.

ಕಳೆದ ಕೆಲ ಸಮಯದಿಂದ ಸೂರ್ಯ ಅವರ ʼಕಂಗುವʼ ಸಿನಿಮಾದ ಬಗ್ಗೆ ಪ್ಯಾನ್‌ ಇಂಡಿಯಾದಲ್ಲಿ ಜೋರಾಗಿ ಸದ್ದು ಕೇಳಿ ಬರುತ್ತಿದೆ. ಈ ಚಿತ್ರದ ಟೀಸರ್‌ ಹಾಗೂ ಸೂರ್ಯ ಅವರ ರಗಡ್‌ ಲುಕ್‌ ನೋಡಿ ಚಿತ್ರದ ಬಗೆಗಿನ ಕುತೂಹಲ ಹೆಚ್ಚಾಗಿದೆ.

ʼಕಂಗುವʼ ಚಿತ್ರದ ಹಾಡೊಂದು ಸೂರ್ಯ ಅವರ ಬರ್ತ್‌ ಡೇಗೆ ರಿಲೀಸ್‌ ಆಗಿದೆ.

ಕಾರ್ತಿಕ್‌ ಸುಬ್ಬರಾಜ್‌ (Karthik Subbaraj) ಅವರೊಂದಿಗೆ ಸೂರ್ಯ ಸಿನಿಮಾ ಮಾಡುತ್ತಿದ್ದು, ಈ ಮಾಸ್‌ ಚಿತ್ರಕ್ಕೆ ತಾತ್ಕಾಲಿಕವಾಗಿ ʼ Suriya 44 ʼ ಟೈಟಲ್‌ ಇಡಲಾಗಿದೆ. ಅನೌನ್ಸ್‌ ಆದ ದಿನದಿಂದ ಭಾರೀ ಸದ್ದು ಮಾಡಿದ ಈ ಚಿತ್ರದಿಂದ ಇದೀಗ ಬರ್ತ್‌ ಡೇ ಟೀಸರ್‌ ರಿಲೀಸ್‌ ಆಗಿದೆ.

ಹೇಗಿದೆ ಟೀಸರ್?:  ಈ ಸಿನಿಮಾದಲ್ಲಿ ಸೂರ್ಯ ಗ್ಯಾಂಗ್ ಸ್ಟರ್‌ ಲುಕ್‌ ನಲ್ಲಿ ಕಾಣಿಸಿಕೊಂಡಿದ್ದಾರೆ. “ಸಮುದ್ರದಲ್ಲಿ ಎಲ್ಲೋ” ಎನ್ನುವ ಕ್ಯಾಪ್ಷನ್‌ ನಿಂದ ಶುರುವಾಗುವ ಟೀಸರ್‌ ನಲ್ಲಿ ಸೂರ್ಯ ಸಿಗರೇಟ್‌ ಎಳೆಯುತ್ತಾ ತನ್ನ ಸಹಚರರೊಂದಿಗೆ ನಡೆದುಕೊಂಡು ಬಂದು ಗನ್‌ ಶೂಟ್‌ ಮಾಡುವುದನ್ನು ತೋರಿಸಲಾಗಿದೆ.

“ಒಂದು ಪ್ರೀತಿ, ಒಂದು ನಗು, ಒಂದು ಯುದ್ಧ… ಒಂದಕ್ಕಾಗಿ ಕಾಯುತ್ತಿದೆ..” ಎಂದು ಸೂರ್ಯ ಅವರು ನಡೆದುಕೊಂಡು ಬರುವುದನ್ನು ತೋರಿಸಲಾಗಿದೆ. ಸೂರ್ಯ ಗಡ್ಡ ಬಿಟ್ಟು, ಬಾಡಿ ಬೆಳೆಸಿಕೊಂಡು ಕಾಣಿಸಿರುವ ಅವತಾರ ನೋಡಿ ಅವರ ಅಭಿಮಾನಿಗಳು ಫಿದಾ ಆಗಿದ್ದಾರೆ.

An unveiling maverick, ready to conquer 🔥
Join the frenzy for #LoveLaughterWar and beyond!

Happy Birthday THE ONE ❤️‍🔥#HappyBirthdaySuriya #HBDTheOneSuriya
Wishes from team #Suriya44@Suriya_Offl @karthiksubbaraj @hegdepooja @Music_Santhosh @rajsekarpandian @kaarthekeyens… pic.twitter.com/JlxJnJB77E

— 2D Entertainment (@2D_ENTPVTLTD) July 22, 2024

ಸೂರ್ಯ ಜೊತೆ ಪೂಜಾ ಹೆಗ್ಡೆ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದು, ಜಯರಾಮ್, ಕರುಣಾಕರನ್ ಮತ್ತು ಜೋಜು ಜಾರ್ಜ್ ಮುಂತಾದವರು ಪ್ರಮುಖದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಸಂತೋಷ್ ನಾರಾಯಣನ್ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡಲಿದ್ದು,  ಸೂರ್ಯ ಅವರ ನಿರ್ಮಾಣ ಸಂಸ್ಥೆ  2ಡಿ ಎಂಟರ್‌ಟೈನ್‌ಮೆಂಟ್ ಬಂಡವಾಳ ಹಾಕಲಿದೆ.