Shirva: ಸಾಂತೂರು ಕುಂದ‌ಬೆಟ್ಟುಗುತ್ತು ಸುಗುಣ ಶೆಟ್ಟಿ ನಿಧನ

Team Udayavani, Jul 27, 2024, 6:38 PM IST

ಶಿರ್ವ: ಮಂಗಳೂರು ಅತ್ತಾವರ ಜೈನ್‌ ಕಂಪೌಂಡ್‌ ನಿವಾಸಿ ರಾಜಯೋಗಿನಿ ಬ್ರಹ್ಮಕುಮಾರಿ ಸಾಂತೂರು ಕುಂದ‌ಬೆಟ್ಟುಗುತ್ತು ಸುಗುಣ ಶೆಟ್ಟಿ (80) ಅವರು ಜು.27 ರಂದು ಮಂಗಳೂರಿನ ಅತ್ತಾವರದ ಖಾಸಗಿ ಆಸ್ಪತ್ರೆಯಲ್ಲಿ ನಿಧನ ಹೊಂದಿದರು. ಮೃತರು ಪತಿ, ಮೂವರು ಪುತ್ರರನ್ನು ಅಗಲಿದ್ದಾರೆ.

ಮಂಗಳೂರಿನ ಬ್ರಹ್ಮಕುಮಾರಿ ಈಶ್ವರೀಯ ವಿದ್ಯಾಲಯದ ಸದಸ್ಯರಾದ ಬಳಿಕ ಸಮಾಜಸೇವೆಯಲ್ಲಿ ತೊಡಗಿಸಿ ಕೊಂಡಿದ್ದ ಅವರು ಸುಮಾರು25 ವರ್ಷಗಳ ಕಾಲ ಮಂಗಳೂರಿನ ಅತ್ತಾವರ ಕೆಎಂಸಿ ಆಸ್ಪತ್ರೆಯಲ್ಲಿ ಜ್ಯೂಸ್‌ ಸೆಂಟರನ್ನು ನಡೆಸುತ್ತಿದ್ದರು. ಆಸ್ಪತ್ರೆಯ ಕ್ಯಾನ್ಸರ್‌ ವಾರ್ಡ್‌ಗೆ ಧನಸಹಾಯ ಮಾಡಿದ್ದ ಅವರು ಬಡ ಕ್ಯಾನ್ಸರ್‌ ರೋಗಿಗಳ ಆರೈಕೆಗಾಗಿ ಹಣ್ಣಿನ ಜ್ಯೂಸ್‌ನ್ನು ಉಚಿತವಾಗಿ ನೀಡುತ್ತಿದ್ದರು. ಅಶಕ್ತ ಕ್ಯಾನ್ಸರ್‌ ರೋಗಿಗಳ ಚಿಕಿತ್ಸೆಯ ವೆಚ್ಚ ಭರಿಸುತ್ತಿದ್ದರು. ಕಾಪು ಶಾಸಕ ಸುರೇಶ್‌ ಶೆಟ್ಟಿ ಗುರ್ಮೆ ಮೃತರ ಮನೆಗೆ ಆಗಮಿಸಿ ಸಂತಾಪ ಸೂಚಿಸಿದ್ದಾರೆ.