Jailer 2: ರಜಿನಿಕಾಂತ್‌ ʼಜೈಲರ್-2‌ʼ ಬರೋದು ಕನ್ಫರ್ಮ್; ಅಪ್ಡೇಟ್‌ ಕೊಟ್ಟ ಯೋಗಿ ಬಾಬು

Team Udayavani, Jul 30, 2024, 4:58 PM IST

ಚೆನ್ನೈ: ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ (Rajinikanth) ಅವರ ʼಜೈಲರ್‌ʼ (Jailer)  ಸಿನಿಮಾ ಕಾಲಿವುಡ್‌ನಲ್ಲಿ (Kollywood) ದೊಡ್ಡ ಹಿಟ್‌ ಆಗಿತ್ತು. ಬಾಕ್ಸ್‌ ಆಫೀಸ್‌ನಲ್ಲೂ ಕಮಾಲ್‌ ಮಾಡಿತ್ತು.

ನೆಲ್ಸನ್‌ ದಿಲೀಪ್‌ ಕುಮಾರ್‌ (Nelson Dilipkumar)  ʼಬೀಸ್ಟ್‌ʼ ಬಳಿಕ ದೊಡ್ದದಾಗಿಯೇ ಕಂಬ್ಯಾಕ್‌ ಮಾಡಿದ್ದರು. 500 ಕೋಟಿಗೂ ಹೆಚ್ಚಿನ ಗಳಿಕೆ ಕಂಡ ಬಳಿಕ ನೆಲ್ಸನ್‌ ʼಜೈಲರ್‌ʼ ಸೀಕ್ವೆಲ್‌ ಮಾಡುತ್ತಾರೆ ಎನ್ನಲಾಗಿತ್ತು.

ಶಿವರಾಜ್‌ ಕುಮಾರ್‌, ಜಾಕಿಶ್ರಾಫ್‌, ಮೋಹನ್‌ ಲಾಲ್‌, ವಿನಾಯಕನ್‌ ಅವರ ಅಭಿನಯ ʼಜೈಲರ್‌ʼ ಮನರಂಜನೆಯನ್ನು ಹೆಚ್ಚಿಸಿತ್ತು.

ʼಜೈಲರ್ʼ ಬಳಿಕ ರಜಿನಿಕಾಂತ್‌ ಸಾಲು ಸಾಲು ಸಿನಿಮಾಗಳಿಗೆ ಗ್ರೀನ್‌ ಸಿಗ್ನಲ್‌ ಕೊಟ್ಟಿದ್ದಾರೆ. ಈ ನಡುವೆ ಅವರ ʼಜೈಲರ್-2‌ʼ ಬಗ್ಗೆ ಸಹನಟ ಯೋಗಿ ಬಾಬು(Yogi Babu) ಅಪ್ಡೇಟ್‌ ವೊಂದನ್ನು ನೀಡಿದ್ದಾರೆ.

ʼಜೈಲರ್‌ʼನಲ್ಲಿ ಹಾಸ್ಯನಟನಾಗಿ ಕಾಣಿಸಿಕೊಂಡ ಯೋಗಿ ಬಾಬು, ಯೂಟ್ಯೂಬ್‌ ಚಾನೆಲ್‌ ವೊಂದಕ್ಕೆ ಕೊಟ್ಟ ಸಂದರ್ಶನದಲ್ಲಿ ʼಜೈಲರ್-2‌ʼ ಬಗ್ಗೆ ಹೇಳಿದ್ದಾರೆ.

“ನೆಲ್ಸನ್ ಮತ್ತು ನಾನು ʼಕೊಲಮಾವ್ ಕೋಗಿಲೆʼ, ʼಬೀಸ್ಟ್ʼ, ʼಡಾಕ್ಟರ್ʼ, ʼಜೈಲರ್ʼ ನಲ್ಲಿ‌ ಒಟ್ಟಾಗಿ ಕೆಲಸ ಮಾಡಿದ್ದೇವೆ. ಈ ಎಲ್ಲಾ ಸಿನಿಮಾಗಳಲ್ಲಿ ನನಗೆ ಉತ್ತಮವಾದ ಹಾಸ್ಯದ ಪಾತ್ರವಿತ್ತು. ಈಗ ʼಜೈಲರ್ 2ʼ ನಲ್ಲಿಯೂ ನೆಲ್ಸನ್ ನನ್ನ ಪಾತ್ರಕ್ಕಾಗಿ ವಿಶೇಷವಾದದ್ದನ್ನು ಬರೆಯುತ್ತಿದ್ದಾರೆ. ಅದಕ್ಕಾಗಿ ನಾನು ತುಂಬಾ ಉತ್ಸುಕನಾಗಿದ್ದೇನೆ” ಎಂದು ಹೇಳಿದ್ದಾರೆ.

ಯೋಗಿ ಬಾಬು ಅವರ ಮಾತನ್ನು ಕೇಳಿ ಕಾಲಿವುಡ್‌ ಪ್ರೇಕ್ಷಕರು ಖುಷ್‌ ಆಗಿದ್ದಾರೆ. ಸದ್ಯ ಯೋಗಿ ಬಾಬು ʼಚಟ್ನಿ ಸಾಂಬಾರ್ʼ ಎಂಬ ವೆಬ್ ಸಿರೀಸ್‌ ನ ಪ್ರಚಾರದಲ್ಲಿ ಬ್ಯುಸಿಯಾಗಿದ್ದಾರೆ.

ಇತ್ತ ರಜಿನಿಕಾಂತ್‌ ಅವರ ʼವೆಟ್ಟೈಯನ್‌ʼ, ʼಕೂಲಿʼ ಸಿನಿಮಾ ತೆರೆ ಕಾಣಲು ಕಾಯುತ್ತಿದೆ.