Manu Bhaker ಈಗ ತಾರೆ, ನಾನು ಕೆಲಸವಿಲ್ಲದ ಕೋಚ್‌: ರಾಣಾ

Team Udayavani, Jul 31, 2024, 5:18 AM IST

ಪ್ಯಾರಿಸ್‌: ಮನು ಭಾಕರ್‌ ಅವರ ವೈಯಕ್ತಿಕ ಕೋಚ್‌ ಆಗಿ ಒಲಿಂಪಿಕ್ಸ್‌ಗೆ ತೆರಳಿರುವ ಜಸ್ಪಾಲ್‌ ರಾಣಾ, ಕೆಲಸವಿಲ್ಲದೇ ತಾನು ಅನುಭವಿಸಿದ ನೋವನ್ನು ಹೇಳಿಕೊಂಡಿದ್ದಾರೆ.

“ಮನು ಈಗ ಏನು ಸಾಧಿಸಿದ್ದಾರೋ, ಅದಕ್ಕೆ ನನಗೆ ಬಹಳ ಸಂತೋಷವಿದೆ. ಆಕೆಯಲ್ಲಿರುವ ಸಾಮರ್ಥ್ಯವನ್ನು ನಾನು ಹೊರತಂದೆ ಅಷ್ಟೇ. ಈಗ ಯಾರೆಲ್ಲ ನನ್ನ ಸಂದರ್ಶನಕ್ಕಾಗಿ ಹಾತೊರೆಯುತ್ತಿದ್ದಾರೋ, ಟೋಕಿಯೋದಲ್ಲಿ ನನ್ನನ್ನು ಖಳನಾಯಕನನ್ನಾಗಿ ಮಾಡಿದ್ದರು. 3 ವರ್ಷ ಎನ್‌ಆರ್‌ಎಐ (ರಾಷ್ಟ್ರೀಯ ರೈಫ‌ಲ್‌ ಸಂಸ್ಥೆ) ಮತ್ತು ಬೇರೆ ಯಾವುದೇ ಏಜೆನ್ಸಿಗಳು ನನಗೆ ಕೆಲಸ ನೀಡಲಿಲ್ಲ. ಇಷ್ಟು ವರ್ಷ ಸಂಬಳವಿಲ್ಲದೇ ಕಳೆದಿದ್ದೇನೆ. ಮನು ಈಗ ಒಬ್ಬ ತಾರೆ, ನಾನೊಬ್ಬ ಕೆಲಸವಿಲ್ಲದ ಕೋಚ್‌. ಮನು ತನಗೆ ಸಹಾಯ ಮಾಡಲು ಕೇಳಿಕೊಂಡು ನನಗೊಂದು ಅಸ್ತಿತ್ವವನ್ನು ನೀಡಿದರು. ಭಾರತಕ್ಕೆ ಮರಳಿದ ಬಳಿಕ ನಾನೊಂದು ಕೆಲಸವನ್ನು ಹುಡುಕಬೇಕಾಗಿದೆ’ ಎಂದು ರಾಣಾ ಹೇಳಿದ್ದಾರೆ.