UPSCಯಿಂದ 6 ಅಧಿಕಾರಿಗಳ ‘ಪ್ರಮಾಣಪತ್ರ’ದ ಮೇಲೆ ಕಣ್ಣು!

Team Udayavani, Aug 3, 2024, 6:29 AM IST

ಹೊಸದಿಲ್ಲಿ: ಕೇಂದ್ರ ಲೋಕಸೇವಾ ಆಯೋಗ(ಯುಪಿಎಸ್‌ಸಿ)ವು ವಿವಾದಿತ ಐಎಎಸ್‌ ಪ್ರೊಬೆಷನರಿ ಪೂಜಾ ಖೇಡ್ಕರ್‌ ಅವರ ಪ್ರಮಾಣಪತ್ರ ರದ್ದುಗೊ ಳಿಸಿದ ಬಳಿಕ ಈಗ ಇನ್ನೂ ಹಲವು ಪ್ರೊಬೆಷನರಿ ಹಾಗೂ ಸೇವೆಯಲ್ಲಿರುವ ಅಧಿಕಾರಿಗಳ ಪ್ರಮಾಣಪತ್ರಗಳ ಬಗ್ಗೆಯೂ ಅನುಮಾನ ಮೂಡಿದೆ.

ಈ ಹಿನ್ನೆಲೆಯಲ್ಲಿ ಕೇಂದ್ರ ಸಿಬಂದಿ ಮತ್ತು ತರಬೇತಿ ಇಲಾಖೆ (ಡಿಒಪಿಟಿ)ಯು ಸಾಮಾಜಿಕ ಜಾಲತಾಣಗಳಲ್ಲಿ ಕಾಣಿಸಿಕೊಂಡಿದ್ದ 6 ಅಧಿಕಾರಿಗಳ ವೈದ್ಯಕೀಯ ಪ್ರಮಾಣಪತ್ರಗಳನ್ನು ಪರಿಶೀಲಿಸುತ್ತಿದೆ. ಈ 6 ಮಂದಿಯಲ್ಲಿ ಐವರು ಐಎಎಸ್‌ ಹಾಗೂ ಓರ್ವ ಐಆರ್‌ಎಸ್‌ ಅಧಿಕಾರಿಯಿದ್ದು, ನಕಲಿ ಅಂಗವಿಕಲ ಪ್ರಮಾಣಪತ್ರ ನೀಡಿದ್ದಾರೆಯೇ ಎಂದು ಪರಿಶೀಲನೆ ನಡೆಸಲಾಗುತ್ತಿದೆ. ಇತ್ತೀಚೆಗಷ್ಟೇ ಪೂಜಾ ಪ್ರಮಾಣ ಪತ್ರವನ್ನು ಯುಪಿಎಸ್‌ಸಿ ರದ್ದು ಮಾಡಿತ್ತು.