Belman: ಈ ಮನೆಗೆ ಸೂರೇ ಇಲ್ಲ, ಟಾರ್ಪಾಲೇ ಹೊದಿಕೆ!
ನಂದಳಿಕೆ ಅಬ್ಬನಡ್ಕದ ಪರಿಶಿಷ್ಟ ಪಂಗಡದ ಕುಟುಂಬ ಜೋಪಡಿಯೇ ನೆಲೆ; ಗೈರಾದ ವಿದ್ಯಾರ್ಥಿನಿಯ ಕರೆತರಲು ಹೋದ ಶಿಕ್ಷಕರಿಗೆ ಕಂಡ ಸಂಕಷ್ಟ
Team Udayavani, Aug 6, 2024, 4:44 PM IST
ಬೆಳ್ಮಣ್: ನಂದಳಿಕೆ ಅಬ್ಬನಡ್ಕದಲ್ಲಿನ ಪರಿಶಿಷ್ಟ ಪಂಗಡದ ಕುಟುಂಬವೊಂದು ಸರಿಯಾದ ಸೂರಿಲ್ಲದೆ ಆಗಲೋ ಈಗಲೋ ಎನ್ನುವಂತಿರುವ ಟಾರ್ಪಾಲು ಹೊದಿಕೆಯ ಜೋಪಡಿಯಲ್ಲಿ ವಾಸವಾಗಿದೆ. ಸುಗುಣ ಎಂಬವರ ಮನೆಗೆ ಸಂಪೂರ್ಣ ಟಾರ್ಪಾಲು ಹೊದಿಸಲಾಗಿದೆ. ಬೆಳ್ಮಣ್ ಸರಕಾರಿ ಪ್ರೌಢಶಾಲೆಯ ಅಧ್ಯಾಪಕರ ತಂಡ ಈ ಗಂಭೀರ ವಿದ್ಯಮಾನವನ್ನು ಪತ್ತೆ ಹಚ್ಚಿದೆ.
ಬೆಳಕಿಗೆ ಬಂದ ಬಗೆ
ದಿ| ಗೋಪಾಲ ಹಾಗೂ ಸುಗುಣ ಇವರ ಪುತ್ರಿ ಶೋಭಾ ತರಗತಿಗೆ ಗೈರಾಗುತ್ತಿದ್ದಳು. ವಿಶೇಷ ದಾಖಲಾತಿ ಆಂದೋಲನದಡಿ ಶಾಲೆಯ ತಂಡ ಬೆಳ್ಮಣ್ ರೋಟರಿ ಹಾಗೂ ಹಳೆ ವಿದ್ಯಾರ್ಥಿ ಸಂಘದ ಸದಸ್ಯರ ಜತೆ ಆಕೆಯ ಮನೆಗೆ ಭೇಟಿ ನೀಡಿದಾಗ ವಾಸ್ತವ ಬಯಲಾಯಿತು. ಯಾವುದೇ ಮೂಲಭೂತ ಸೌಕರ್ಯಗಳಿಲ್ಲದ ಈ ಮನೆಯಲ್ಲಿ ತಾಯಿ ಮತ್ತು ಮಗಳು ವಾಸವಾಗಿದ್ದಾರೆ. ಶೋಭಾಳಿಗೆ ಓದಲು ಬಿಡಿ ಮಲಗಲೂ ಒಂದಿಂಚು ಜಾಗವಿಲ್ಲದ ಸ್ಥಿತಿ ಇಲ್ಲಿದೆ. ಮನೆಯಲ್ಲಿ ತಾಯಿ ಮಾತ್ರ ಇರುವುದರಿಂದ ಶೋಭಾಳಿಗೆ ವಿದ್ಯಾರ್ಥಿ ನಿಲಯ ಸೇರುವಂತೆಯೂ ಇಲ್ಲ.
ನೆರವಿಗೆ ಮನವಿ
ಸೂರಿಲ್ಲದ ಈ ಕುಟುಂಬಕ್ಕೆ ಸೇವಾ ಸಂಸ್ಥೆಗಳು, ಜನಪ್ರತಿನಿಧಿಗಳು ಸೇರಿ ಸೂರು ಕಲ್ಪಿಸಬೇಕಾಗಿದೆ ಎಂದು ಶಾಲೆಯ ಪ್ರತಿನಿಧಿಗಳು ಮನವಿ ಮಾಡಿದ್ದಾರೆ
ನಿವೇಶನಕ್ಕೆ ಅರ್ಜಿ ಹಾಕಿದ್ದರೂ ಫಲವಿಲ್ಲ
ಈ ಕುಟುಂಬ ಈಗಾಗಲೇ ಸಂತ ನಿವೇಶನಕ್ಕೆ ಅರ್ಜಿ ಹಾಕಿದ್ದರೂ ಪ್ರಯೋಜನವಾಗಿಲ್ಲ. ಚುನಾವಣೆಯ ಸಂದರ್ಭ ಮಾತ್ರ ಜನಪ್ರತಿನಿಧಿಗಳಿಗೆ, ರಾಜಕೀಯ ವ್ಯಕ್ತಿಗಳಿಗೆ ಇವರು ಕಾಣುತ್ತಾರೆ. ಬಳಿಕ ಮರೆತು ಬಿಡುತ್ತಾರೆ. ಇಂಥ ಸ್ಥಿತಿಯಲ್ಲಿ ಶೋಭಾ ನಿರಂತರವಾಗಿ ಶಾಲೆಗೆ ಬರಲು ಸಾಧ್ಯವೇ ಎಂದು ಶಿಕ್ಷಕರೇ ಪ್ರಶ್ನಿಸಿಕೊಳ್ಳುತ್ತಾರೆ.
ನೆರವಿಗೆ ನಿಲ್ಲುತ್ತೇವೆ
ಈ ಕುಟುಂಬ, ವಿದ್ಯಾರ್ಥಿನಿಯ ಮನೆ ಪರಿಸ್ಥಿತಿ ನೋಡಿದರೆ ಮನ ಮಿಡಿಯುತ್ತಿದೆ. ರೋಟರಿ ಅವರ ನೆರವಿಗೆ ನಿಲ್ಲಲಿದೆ.
– ಮುರಳೀಧರ ಜೋಗಿ, ಬೆಳ್ಮಣ್ ರೋಟರಿ ಅಧ್ಯಕ್ಷ
ಸೇವಾ ಸಂಸ್ಥೆಗಳು ಸಹಕರಿಸಬೇಕು
ಈ ಕಾಲದಲ್ಲಿಯೂ ಇಂತಹ ಕುಟುಂಬಗಳಿವೆ ಎಂದಾಗ ನೋವಾಗುತ್ತದೆ. ಸೇವಾ ಸಂಸ್ಥೆಗಳು ಮುಂದೆ ಬಂದು ಸಹಕರಿಸಬೇಕಾಗಿದೆ.
– ಜಯಂತಿ ಶೆಟ್ಟಿ, ಅಧ್ಯಾಪಕಿ, ಬೆಳ್ಮಣ್ ಪ್ರೌಢಶಾಲೆ.
– ಶರತ್ ಶೆಟ್ಟಿ ಮುಂಡ್ಕೂರು
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ನಾಗಮಂಗಲ ಗಣಪತಿ ಗಲಾಟೆ ಪ್ರಕರಣ ಸರ್ಕಾರದ ವಿರುದ್ಧ ಸಿ.ಟಿ.ರವಿ ವಾಗ್ದಾಳಿ
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.