RBI Policy ಘೋಷಣೆ ನಿರೀಕ್ಷೆ-ಷೇರುಪೇಟೆ ಸೂಚ್ಯಂಕ 875 ಅಂಕ ಜಿಗಿತ, ನಿಫ್ಟಿ ಏರಿಕೆ

Team Udayavani, Aug 7, 2024, 5:24 PM IST

ಮುಂಬೈ: ರಿಸರ್ವ್‌ ಬ್ಯಾಂಕ್‌ ಆಫ್‌ ಇಂಡಿಯಾ(RBI)ದ ಹಣಕಾಸು ನೀತಿ ಸಮಿತಿಯ ರೆಪೋ ದರ(Repo Rate) ಘೋಷಣೆಯ ನಿರೀಕ್ಷೆಯ ಹಿನ್ನೆಲೆಯಲ್ಲಿ ಬುಧವಾರ (ಆಗಸ್ಟ್‌ 07) ಬಾಂಬೆ ಷೇರುಪೇಟೆಯ(Bombay stock market) ಸಂವೇದಿ ಸೂಚ್ಯಂಕ 874.94 ಅಂಕಗಳ ಏರಿಕೆಯೊಂದಿಗೆ ವಹಿವಾಟು ಮುಕ್ತಾಯಗೊಂಡಿದೆ.

ಸೋಮವಾರ ಭಾರೀ ಕುಸಿತ ಕಂಡಿದ್ದ ಷೇರುಪೇಟೆ ಸಂವೇದಿ ಸೂಚ್ಯಂಕ ಇಂದು 874.94 ಅಂಕಗಳ ಏರಿಕೆಯೊಂದಿಗೆ 79, 468.01 ಅಂಕಗಳ ಮಟ್ಟದಲ್ಲಿ ದಿನಾಂತ್ಯದ ವಹಿವಾಟು ಕೊನೆಗೊಂಡಿದೆ. ಅದೇ ರೀತಿ ಎಸ್‌ ಎಸ್‌ ಇ ನಿಫ್ಟಿ 305 ಅಂಕಗಳ ಜಿಗಿತದೊಂದಿಗೆ 24,297.50 ಅಂಕಗಳಲ್ಲಿ ವಹಿವಾಟು ಅಂತ್ಯಗೊಂಡಿದೆ.

ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌, ನಿಫ್ಟಿ ಏರಿಕೆಯಿಂದ Coal India, ಅದಾನಿ ಪೋರ್ಟ್ಸ್‌, ಪವರ್‌ ಗ್ರಿಡ್‌ ಕಾರ್ಪ್‌, ಸಿಪ್ಲಾ ಮತ್ತು ವಿಪ್ರೋ ಷೇರುಗಳು ಲಾಭಗಳಿಸಿದೆ.

ಇಂಡಸ್‌ ಇಂಡ್‌ ಬ್ಯಾಂಕ್‌, ಈಚರ್‌ ಮೋಟಾರ್ಸ್‌, ಬ್ರಿಟಾನಿಯಾ, ಟೆಕ್‌ ಮಹೀಂದ್ರಾ ಮತ್ತು ಟೈಟಾನ್‌ ಕಂಪನಿ ಷೇರುಗಳು ನಷ್ಟ ಕಂಡಿದೆ. ಇನ್ನುಳಿದಂತೆ ಮೆಟಲ್‌, ಹೆಲ್ತ್‌ ಕೇರ್‌, ಮೀಡಿಯಾ, ಇಂಧನ, ಟೆಲಿಕಾಂ, ಆಯಿಲ್‌ & ಗ್ಯಾಸ್‌ ಸೆಕ್ಟರ್‌ ನ ಷೇರುಗಳು ಲಾಭ ಗಳಿಸಿದೆ.