Bunts Hostel ಸರ್ಕಲ್‌ನಲ್ಲಿ ಅಪಾಯಕಾರಿ ಹೊಂಡ: ಸಂಚಾರಕ್ಕೆ ಅಡ್ಡಿ

Team Udayavani, Aug 9, 2024, 3:25 PM IST

ಬಂಟ್ಸ್‌ಹಾಸ್ಟೆಲ್‌: ನಗರದ ಬಂಟ್ಸ್‌ ಹಾಸ್ಟೆಲ್‌ ಸರ್ಕಲ್‌ ಬಳಿ ಉಂಟಾಗಿ ರುವ ರಸ್ತೆ ಗುಂಡಿಗಳು ಅಪಾಯಕಾರಿಯಾ ಗಿದ್ದು ಅಪಘಾತದ ಭೀತಿ ಉಂಟಾಗಿದೆ. ಈ ಗುಂಡಿಗಳಿಂದಾಗಿ ಆಗಾಗ್ಗೆ ಟ್ರಾಫಿಕ್ ಜಾಮ್‌ ಕೂಡ ಉಂಟಾಗುತ್ತಿದೆ.

ಕಳೆದೊಂದು ವಾರದಿಂದ ಈ ಗುಂಡಿಗಳಿದ್ದು ದಿನದಿಂದ ದಿನಕ್ಕೆ ದೊಡ್ಡ ದಾಗುತ್ತಿವೆ. ಕಾಂಕ್ರೀಟ್‌ ರಸ್ತೆ ಮತ್ತು ಡಾಮರು ರಸ್ತೆಯ ನಡುವೆ ಉಂಟಾಗಿರುವ ಈ ಗುಂಡಿಗಳಿಗೆ ವಾಹನಗಳ ಚಕ್ರಗಳು ಸಿಲುಕಿಕೊಳ್ಳುತ್ತಿವೆ. ಇದೇ ಕಾರಣಕ್ಕೆ ಇಲ್ಲಿ ವಾಹನಗಳು ಆಮೆಗತಿಯಲ್ಲಿ ಸಾಗುತ್ತಿವೆ. ದ್ವಿಚಕ್ರ ವಾಹನ ಸವಾರರು ಗುಂಡಿ ತಪ್ಪಿಸುವ ಭರದಲ್ಲಿ ನಿಯಂತ್ರಣ ಕಳೆದುಕೊಳ್ಳುತ್ತಿದ್ದಾರೆ.

ಶಾಶ್ವತವಾಗಿ ಗುಂಡಿ ಮುಚ್ಚಿಸಿ

ಮಳೆ ಕಡಿಮೆಯಾಗುವ ವೇಳೆ ಕೂಡಲೇ ತಾತ್ಕಾಲಿಕ ವಾಗಿ ದುರಸ್ತಿ ನಡೆಸಿ ಅನಂತರ ಶಾಶ್ವತವಾಗಿ ಗುಂಡಿ ಮುಚ್ಚಿಸುವ ಅಗತ್ಯವಿದೆ.

ಟ್ರಾಫಿಕ್ ಜಾಮ್‌

ಸಾಮಾನ್ಯವಾಗಿ ಇಲ್ಲಿ ವಾಹನ ದಟ್ಟಣೆಯಿಂದ ಟ್ರಾಫಿಕ್ ಜಾಮ್‌ ಉಂಟಾಗುತ್ತಿದೆ. ಇದೀಗ ಹೊಂಡ ಗಳಿಂದಾಗಿ ಟ್ರಾಫಿಕ್ ಜಾಮ್‌ ಮತ್ತಷ್ಟು ಹೆಚ್ಚಾಗಿದೆ. ಸಮಸ್ಯೆ ಉಲ್ಬಣವಾಗುವ ಮೊದಲು, ಅಪಘಾತ ಗಳು ಸಂಭವಿಸುವ ಪೂರ್ವದಲ್ಲೇ ಪಾಲಿಕೆ ಅಧಿಕಾರಿಗಳು ಎಚ್ಚೆತ್ತುಕೊಳ್ಳಬೇಕಾದ ಆವಶ್ಯಕತೆ ಇದೆ.