BJP-JDS ನಾಯಕರ ವಾಕ್ಸಮರದ ವೀಡಿಯೋ ಪ್ರದರ್ಶನ

Team Udayavani, Aug 9, 2024, 11:51 PM IST

ಮೈಸೂರು: ಜನಾಂದೋಲನ ಸಮಾವೇಶದಲ್ಲಿ ಡಿ.ಕೆ. ಶಿವಕುಮಾರ್‌ ಭಾಷಣದ ವೇಳೆ 30ಕ್ಕೂ ಹೆಚ್ಚು ಎಲ್‌ಇಡಿ ಪರದೆಗಳಲ್ಲಿ ಬಿಜೆಪಿ-ಜೆಡಿಎಸ್‌ ನಾಯಕರ ಈ ಹಿಂದಿನ ಪರಸ್ಪರ ವಾಕ್ಸಮರದ ದೃಶ್ಯಗಳನ್ನು “ದೋಸ್ತಿ ರಾಂಗ್‌ ಟರ್ನ್’ ಶೀರ್ಷಿಕೆಯಡಿ ಪ್ರದರ್ಶಿಸಲಾಯಿತು.

ಎಚ್‌.ಡಿ. ಕುಮಾರಸ್ವಾಮಿ ಪಾದಯಾತ್ರೆ ಉದ್ಘಾಟನೆಗೆ ಪ್ರೀತಂ ಗೌಡರನ್ನು ಆಹ್ವಾನಿಸಿದ್ದಕ್ಕೆ ಸಿಡಿಮಿಡಿಗೊಂಡದ್ದು, ಮಾಜಿ ಪ್ರಧಾನಿ ಎಚ್‌.ಡಿ. ದೇವೇಗೌಡರು ಬಿ.ಎಸ್‌. ಯಡಿಯೂರಪ್ಪ ಅವರಿಗೆ ಈ ಹಿಂದೆ ಬೈದಿರುವ ವೀಡಿಯೋ, ಯಡಿಯೂರಪ್ಪ ಸದನದಲ್ಲಿ ಜೆಡಿಎಸ್‌ ವಿರುದ್ಧ ಮಾತನಾಡಿರುವುದು, ಬಿಎಸ್‌ವೈ ಮತ್ತು ವಿಜಯೇಂದ್ರ ಬಗ್ಗೆ ಬಿಜೆಪಿ ನಾಯಕ ಬಸನಗೌಡ ಪಾಟೀಲ್‌ ಯತ್ನಾಳ್‌ ಕಿಡಿಕಾರಿರುವ ದೃಶ್ಯ, ಸಿ.ಪಿ. ಯೋಗೇಶ್ವರ್‌-ಕುಮಾರಸ್ವಾಮಿ ನಡುವಿನ ವಾಗ್ಧಾಳಿ, ಎಚ್‌ಡಿಕೆ ಮತ್ತು ಮಾಜಿ ಸಚಿವ ಅಶ್ವತ್ಥ ನಾರಾಯಣ ಪರಸ್ಪರ ಆರೋಪದ ವೀಡಿಯೋ ಪ್ರದರ್ಶಿಸಲಾಯಿತು.